Yeshaya 39:3 - MUKANDA WA MYIDI MUKULU

³ Pashishe, muambi Yeshaya kuya kudi mukalenga Izkiya, kumukonka ne: — Bantu aba bavua bakuambile tshinyi? Kabidi mbafume penyi? Izkiya kuandamuna ne: — Mbafume kule, ku bena Babilone, bafike bua kummona.

Mukanda wa Nzambi Dihungila Dikulukulu ne Dihungila Dihia-dihia 2003

³ Yeshaya muprofete wakalua kudi mukelenge Hezikiya, wakamuebesha ne, Bantu aba bakuamba tshinyi? Bakafuma kudi kunyi hakuluabo kudi? Hezikiya wakamba ne, Badi balue kundi bafume ku buloba bua kule, ku Babulona mene.

Yeshaya 39:3 교차 참조

2 Samuele 12:1

Bualu buvua Davide muenze, buvua bufikisha Maweja-Nangila munda. Nanku Maweja-Nangila kutuma muambi Natane kudi Davide. Muambi Natane kufika ku nzubu kua Davide, umuambila ne: — Mu tshimenga tshikuabu, muvua bantu babidi, ewu mubanji, mukuabu mupela.

2 Kulondolola 16:7

Tshikondu atshi, muambi Anani kuya kudi Asa, mukalenga wa bena Yuda, kumuambila ne: — Kuena mulombe diambuluisha kudi Maweja-Nangila Mvidi Mukulu webe. Uvua musue kukeba diambuluisha amu kudi mukalenga wa bena Arame! Paudi muenze nanku, bena mvita ba bena Arame kabakuitaba to.

2 Kulondolola 19:2

Muambi Yeku, muana wa Anani, kufika bua kumuakidila, umukonka ne: — Uvua muambuluishe muntu muenzayi bua tshinyi? Bantu badi babenga Maweja-Nangila, tuetu tudi mua kubananga anyi? Maweja-Nangila mmukufikile munda bua bualu buudi muenze ebu!

2 Kulondolola 25:15

Maweja-Nangila kufikila Amashiya munda. Ke kutumaye muambi kampande bua kumukonka ne: — Udi utendelela mvidieivua kayiyi ne bukole bua kukunyenga bantu bayi bua tshinyi?

Yeshaya 38:1

Tshikondu atshi, mukalenga Izkiya kupeta disama dia lufu. Muambi Yeshaya, muana wa Amose kufika kudiye bua kumusamba. Kumumanyishaye miaku ivua Maweja-Nangila muambe ne: “Diba diebe ndimane kukumbana. Udilongolole, bualu kuena upanda ku disama edi. Neufue.”

Yeshaya 38:5

kuambila Izkiya ne: “Maweja-Nangila Mvidi Mukulu wa nkambua webe Davide udi wamba ne: — Ndi mumvue ditendelela diebe. Ndi mumone binsonji biebe. Nanku, neushale kabidi ne muoyi bidimu dikumi ne bitanu.

Yeshaya 39:4

Yeshaya kumukonka kabidi ne: — Mu nzubu webe wa bukalenga bavua bamonemu tshinyi? Izkiya kuandamuna ne: — Bavua bamonemu bintu bidimu bionsu. Tshiena mubasokoke tshintu nansha tshimue tshia ku biuma bionsu bindi muteke.

Yirmeya 4:16

Nuambile bisamba bionsu bualu ebu. Nudimuje bena Yerushalayime ne: baluishi bebe bakadi pabuipi. Badi bafuma kule, bela mbila ya mvita, bua kubisha bimenga bia bena Yuda.

Yirmeya 5:15

Maweja-Nangila udi wamba ne: nuenu bena Izrayele, nennutumine tshisamba tshikuabu, tshidi tshifume kule bua tshinuluishe. Tshisamba atshi kabena mua kutshipita bukole to. Tshisamba atshi ntshia ku bisamba bia kale. Kanuena mua kumvua muakulu watshi. Bidi bantu aba bamba kanuena mua kubimanya to.

Yirmeya 8:19

Telejayi, bantu banyi bena Izrayele, badi badila muadi mu ditunga dionsu, bakeba udi mua kubambuluisha, bamba ne: “Maweja-Nangila kena kabidi mu Siyone anyi? Siyone kena kabidi ne mukalenga anyi?” Kadi bena Izrayele neatendelele mvidie ya bantu ba bisamba bikuabu, ya mitshi misonga, idi kayiyi mua kubambuluisha bua tshinyi? Bavua bamfikisha munda bua tshinyi?

Dielulula 28:49

Maweja-Nangila neanutumine baluishi, bafume kule ku ndekelu wa buloba, banudi kanuyi bamanye muakulu wabu. Maweja-Nangila neele bantu abu munkatshi muenu, bu mudi nyunyi wa tshiminyi wikila pa biakudia biende.

Yoshua 9:6

Pashishe kuyabu mu mitanda ya Ngilgale, muaba uvua Yoshuwa ne bena Izrayele basombe. Kubambilabu ne: — Tuetu aba tudi bafume mu ditunga dia kule, tudi tunulomba bua kutua nenu ndondu.

Yoshua 9:9

Kuandamunabu ne: — Tuetu tudi bapika bebe. Tudi bafume mutantshi mule. Bualu tudi bamane kumvua lumu lua Maweja-Nangila Mvidi Mukulu webe. Tudi bamanye malu a dikema avuaye muenze mu ditunga dia Ejipitu.