Yeshaya 39:2 - MUKANDA WA MYIDI MUKULU

² Izkiya kusanka ya bungi. Kulejaye bantu aba nzubu uvuabu balamina bintu bia mushinga mukole: mpawungi, tshiamu tshitoke tshia mushinga mukole, manananshi, ne mafuta a mupuya muimpe. Kubalejaye kabidi nzubu wa tshilaminu tshia bintu bia mvita, ne nzubu mikuabu yonsu ivua ne bintu bikuabu bivuaye nabi. Mukalenga kavua musokoke tshintu nansha tshimue, nansha tshia mu nzubu muende, nansha tshia mu bukalenga buende mene.

Mukanda wa Nzambi Dihungila Dikulukulu ne Dihungila Dihia-dihia 2003

² Hezikiya kabidi wakasanka bualu buabo, wakabalesha nsubu yakadi ne bintu biandi bia mushinga mukole, argent, or, bintu bia muhuya muimpe, manyi matambe buimpe, nsubu ya bielelu biandi bia nvita bionso, ne bintu bionso biakadi mu nsubu ya bibutshilu biandi. Kakuakadi tshintu mu nsubu muandi, anyi mu bukelenge buandi buonso, tshiakadi Hezikiya kayi ubalesha.

Yeshaya 39:2 교차 참조

1 Bakalenga 10:10

Pashishe mukalenga mukaji wa Saba, kupesha mukalenga Shelomu tshiamu tshia mpawungi kilo binunu bisatu ne nkama itanu. Kumupeshaye kabidi manananshi a bungi, ne mabue a mushinga mukole. Biangatshile ku dituku adi, kabena banji kufika ne manananshi bungi ebu mu ditunga dia bena Izrayele to.

1 Bakalenga 10:15

Tusakidile milambu ivuabu bapeta ku bintu bia ku matunga makuabu bivua bangenda mushinga babueje mu ditunga, ku bungenda mushinga bukuabu, ne ku bitadi bivuabu balambula kudi bakalenga ba bisamba bikuabu, nansha bivuabu bapeta kudi balongolodi ba maloba a mu ditunga.

1 Bakalenga 10:2

Mukalenga mukaji awu, kufika mu Yerushalayime ne musumba munene wa bantu bavuaye nabu. Uvua kabidi ne nyama ya tumelu miambule manananshi, tshiamu tshia mpawungi kilo mivule, ne mabue a mushinga mukole. Kufikaye kudi Shelomu. Kumuelaye makonka onsu avuaye mumane kulongolola.

1 Bakalenga 10:25

Ku tshidimu tshionsu, bantu bonsu aba bavua bakadila Shelomu bintu bia kumusankisha nabi: bintu bienza ne tshiamu tshitoke tshia mushinga mukole, ne tshiamu tshia mpawungi, bilamba, bintu bia kuluangana nabi mvita, manananshi, nyama ya tubalu nansha ya mpunde.

2 Bakalenga 20:13

Izkiya kuakidila bantu abu, kubaleja miaba yonsu ivuabu bateka bintu bia mushinga mukole: tshiamu tshitoke tshia mushinga mukole, tshiamu tshia mpawungi, manananshi, ne mafuta a mupuya muimpe. Kubalejaye kabidi muaba uvuaye uteka bia mvita, ne bintu bionsu bikuabu. Kavua mubasokoke tshintu nansha tshimue, mu nzubu wa bukalenga, nansha mu ditunga diende dijima.

2 Kulondolola 32:25

Kadi, Izkiya kavua wanyisha Mvidi Mukulu bua bionsu bivuaye mumuenzele. Uvua anu uditambisha. Nanku, Maweja-Nangila kumufikila munda, kufikila kabidi bena Yerushalayime, ne bena bukalenga bua Yuda munda.

2 Kulondolola 32:27

Izkiya uvua ne bintu bia bungi bia bubanji. Uvua kabidi ne lumu lunene. Uvua muenze miaba ya kuteka tshiamu tshitoke tshia mushinga mukole, tshia mpawungi, mabue a mushinga mukole, mafuta masambakaja ne manananshi, ngabu, ne bintu bikuabu bia mushinga mukole.

2 Kulondolola 32:31

Kadi pavua bamfumu ba bena Babilone batume bantu bua kumanya malu a dikema avua menzeke mu ditunga diende, Mvidi Mukulu uvua musue ne: Izkiya adienzele malu. Uvua muenze nanku bua kumuteta, bua kumanya muoyi udi Izkiya nawu.

2 Kulondolola 9:1

Mukalenga mukaji wa mu ditunga dia Saba kumvua lumu lua Shelomu. Nanku kuyaye mu Yerushalayime bua kujadika muvua lungenyi lua Shelomu, ne kumuela nkonku mikole. Mukalenga mukaji awu, kufika mu Yerushalayime ne tshisumbu tshinene tshia bantu bende. Uvua kabidi ne nyama ya tumelu miambule manananshi, tshiamu tshia mpawungi kilo mivule, ne mabue a mushinga mukole. Kufikaye kudi Shelomu, kumuela nkonku yonsu ivuaye mumane kulongolola.

2 Kulondolola 9:9

Pashishe, mukalenga mukaji wa ku Saba, kupesha mukalenga Shelomu tshiamu tshia mpawungi kilo bu binunu bisatu ne nkama itanu. Kumupeshaye kabidi ne manananshi a bungi, ne mabue a mushinga mukole. Katshia kabavua banji kumona manananshi a nanku mu ditunga dia bena Izrayele to.

Yobe 31:25

Tshivua muditambishe bua biuma bivule bimvua nabi nansha. Tshivua muditembe bua bintu bia bungi bimvua mupete, ku mudimu wanyi.

Nsumuinu 4:23

Kenketa nangananga meji audi wela munda muebe, bualu wowu nealudike nsombelu webe wa panu.

Muambi 7:20

Mulengele kabula kalema, udi ne kende kamulamata.

Yirmeya 17:9

— Udi mua kumanya muoyi wa muntu nnganyi? Muoyi wende udi usama, kabayi mua kuondapa. Udi udinga bantu, kabayi mua kujingulula.

2 Korente 12:7

mBandeje malu adibu kabayi mua kumvuija. Kadi bua tshimonyi mua kuditambisha, Mvidi Mukulu mmumpeshe dikenga dinene. Mutumibue wa diabolu mmuntatshishe bua tshiditembi.

1 Yone 1:8

Tuetu bambe ne: katuena ne bubi, tudi tudishima. Bulelela kabuena munda muetu.