Yeshaya 32:6 - MUKANDA WA MYIDI MUKULU

⁶ Bualu bantu bapote badi bakula, amu bua kuamba malu a bupote. Badi bela meji ku malu a bupote, adibu basue kuenza matuku adi kumpala. Badi benza malu bu bashipianganyi. Badi bakula malu adi abipila Maweja-Nangila. Muntu udi ne nzala, kabena bamupesha tshiakudia. Muntu udi ne nyota, kabena bamupesha tshikunua.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Bualu bua muhote neakule biakulakula, mutshima wandi newele meji bua kuenzeye bibi, bua kuenzela Yehowa malu a dikamakama, bua kuamba mashimi bualu bua Yehowa, bua kuyuisha mutshima wa muena nzala munda mutuhu, ne bua kuhidisha badi ne nyota mai.

Yeshaya 32:6 교차 참조

Misambu 141:4

Unkandike bua tshiyi kuamba miaku mibi, nansha kuenza bualu bubi, tshiyi kuidikija bantu badi benzela bakuabu bibi. Undame tshiyi kudia nansha tshiakudia tshidibu banange.

Nsumuinu 19:3

Padi bantu badikebela makenga ku bupote buabu, badi bajana Maweja-Nangila.

Nsumuinu 24:7

Muntu mupote kena mua kumvua tshidi bena meji bamba. Nanku kena ne bua kuakula padi bena meji balongolola malu a ditunga.

Yeshaya 10:2

Nudi nubenga kuteleja bantu banyi, badi kabayi ne bukole. Nudi nubenga kupesha bapele, bidibu ne bua kupeta. Nudi nunyenga bakaji bakamba bidibu nabi, nuiba bana ba nshiye bintu biabu.

Yeshaya 10:6

Meme kubatuma bua kuluisha tshisamba tshidi tshimbenga. Meme kubambila bua kubunda tshisamba tshidi tshimfikisha munda. Meme kuanyisha bua biibe, bapawule bantu aba, babadiatakaje bu bitotshi bia mu njila.

Yeshaya 26:10

Kadi padibu bafuile benji ba bibi luse, kabena balonga bidibu ne bua kuenza to. Nansha mu ditunga edi mudi bantu bakutshina, badi benza amu bibi, kabayi bavuluke muudi wewe Maweja-Nangila ne bukole.

Yeshaya 3:15

Nudi nuzaza bantu banyi, nukengesha bapele bua tshinyi? Meme Maweja-Nangila ndi nnuebeja nanku!”

Yeshaya 31:2

Kadi Yeye mene ke udi mumanye tshia kuenza. Uvua mutumine bantu dikenga, bu muvuaye muambe. Uvua munyoke benji ba bibi bungi buabu, ne bonsu badi babambuluisha.

Yeshaya 59:13

Tuvua bakutombokele. Tuvua bakutonuene mesu. Tuvua babenge kukulonda, wewe Mvidi Mukulu wetu. Tuvua bakule amu bua kukengeshangana, ne bua kutomboka. Tshitudi tuelangana meji munda, tshitudi natshi mu lungenyi, tshidi amu dishima.

Yeshaya 59:7

Nudi nunyema lubilu, bua kuya kuenza malu mabi. Nudi nuambuluja makasa, bua kushipa badi kabayi ne bualu. Meji anudi nuela adi amu a kuenzela bakuabu bibi. Mu njila yenu nudi numiamina tshimvundu ne kabutu.

Yeshaya 9:17

Eyowa, bubi budi butampakana kudi bantu bu kapia katua ku tshisuku, kalambuluka mu ditu, kajuula muishi mupite bungi bu mavuba.

Yirmeya 13:23

Mubidi wa muena Kushe udi mua kukudimuka anyi? Nansha matoba a tshisumpa ntambue adi mua kukudimuka anyi? To! Nanku nuenu bonsu, nudi bibidile kuenza malu mabi. Ke munudi kanuyi mua kuenza malu mimpe to.

Yezekiyele 34:18

Bavule ba kunudi badi badia bimpe mu mpata milenga. Kadi badi badiata bisosa bidi bishale bua tshinyi? Nudi nupeta mayi mimpe a kunua. Kadi mayi anudi nunua, nudi nuavuandulula ne makasa enu bua tshinyi?

Danyele 12:10

Nebumbushe bantu ba bungi mikiya. Nebabatokeshe. Makenga neabalengeje. Bantu babi, badi kabayi mua kujingulula malu, nebatungunuke ne dienza dia malu abu mabi. Kadi bantu ba lungenyi nebajingulule malu adi enzeka.

Amosa 8:6

Nudi nusumbisha bantu too ne bisote bia ntete ya kuenza bukula. Bapele ne bakengi nudi nubenza bapika benu, bualu mbapange kufuta dibanza diabu dia mukolu wa bisabata.

Matayi 15:19

Bualu mu muoyi wa muntu ke mudi mufume meji mabi, adi amusaka bua ashipe bantu, ende buendenda, enze malu a bundu, ibe, ashiminyinangane malu, anyangilangane lumu.

Matayi 23:13

— Nuenu balongeshi ba mikenji ne Baparushe, nudi bena diakabi, bualu nudi bena mpala ibidi! Nudi nupangisha bantu, bua kababuedi mu Bukalenga bua mu diulu. Nuenu mene kanuena numubuela. Kanuena nansha banyishe bua babuelemu kudi badi bakeba kubuela. [

Yakobe 1:27

Bantu badi banemeka Mvidi Mukulu Tatu menemene, ke badi bambuluisha bana ba nshiya, ne bakaji bakamba, mu makenga abu, badilama ku bubi buonsu budi bufuma panu.

1 Samuele 24:13

Maweja-Nangila nkayende akose tshilumbu tshidi pankatshi petu nebe. Amu yeye akunyoke bua malu mabi audi mungenzele. Kadi, meme tshiena mua kukusombuela to.