Yeshaya 30:1 - MUKANDA WA MYIDI MUKULU

¹ Maweja-Nangila udi wamba ne: Nuenu bana badi bantombokela, nudi bena diakabi! Nudi nuela meji a kudienzela malu, kanuyi numvuluka. Nudi nutua ndondu ne bantu, indi meme tshiyi musue. Ke munudi nutentakaja bubi pa bukuabu.

Mukanda wa Nzambi Dihungila Dikulukulu ne Dihungila Dihia-dihia 2003

¹ Yehowa udi wamba ne, Mulau wikale kudi bana badi bantombokela, badi benza bualu buakudihangidishilabo, kadi budi kabuyi bufume kundi; badi bahunga tshihungidi, kadi kantshia Nyuma wanyi, bua kutentekasha bubi ha mutu ha bubi!

Yeshaya 30:1 교차 참조

2 Bakalenga 18:21

Udi mutekemene kudi bena Ejipitu anyi? Bena Ejipitu badi anu bu tshikolu tshia dibue tshimane kutshibuka, padi muntu ushindamenapu, tshidi tshimutua mu tshianza. Ke mudi mukalenga wa bena Ejipitu wenzela bantu bonsu badi batekemena kudiye.

2 Bakalenga 18:24

Kadi, wewe kuena mua kunyemesha mulombodi wa bena mvita ba mfumuanyi nansha umue, nansha yeye kayi mumanye mvita to. Wewe udi mutekemene anu kudi bena Ejipitu bua kumupeshabu matempu a mvita ne nyama ya tubalu!

Misambu 61:4

Wewe udi muaba undi mua kunyemena, nzubu mutumbuke udi unjika kudi baluishi.

Yeshaya 1:2

Maweja-Nangila udi wamba ne: “Diulu, teleja, buloba, teya matshi. Meme kukolesha bana. Kadi bobu bamane kukola, kuntombokelabu.

Yeshaya 1:23

Bamfumu benu bakadi bantomboji, badi bumvuangana ne bivi. Badi banyisha mabuejila, basue bonsu bua bantu babasankishe. Kabena bakuila bana ba nshiye ku kabadi! Kabena bateleja mukaji mukamba.

Yeshaya 1:4

Eyi, nudi tshisamba tshia bena tshibawu, tshisamba tshia bena buenzayi. Nudi ndelanganyi ya bantu babi, badi benda banyanguka. Nudi babenge Maweja-Nangila, nudi badiwule Mukalenga wa tshijila wa Izrayele, nudi bamuele nyima.

Yeshaya 1:5

Nudi nutungunuka ne buenzayi buenu bua tshinyi? Dinyoka divuabu banunyoke ki ndikumbane anyi? Mutu wenu onsu mmutapike mputa, muoyi wenu wa munda kawena ne bukole.

Yeshaya 28:15

“Nukadi nuamba ne: tudi batue ndondu ne lufu, tudi bumvuangane ne bajangi. Tshipupu katshiena mua kutukuata, paditshi tshipita. Bualu tudi bamone dishima bu muaba wa kunyemena, ne kudinga bantu, bu muaba wa kusokomena.”

Yeshaya 28:20

Eyowa, bu muambile bakulu ne: bulaalu mbupite buipi, muntu kena mua kudiololapu. Mbulankete mmupite bukese, muntu kena mua kudijingilamu.

Yeshaya 29:15

Bantu badi benza malu mu musokoku, basokoka Maweja-Nangila meji adibu bela, benza malu abu mu miidima, mbena diakabi! Badi bela meji ne: “Watumona nnganyi? Wamanya tshitudi tuenza nnganyi?”

Yeshaya 30:9

Eyowa, tshisamba etshi ntshia bantu batomboke. Badi basue kuikala bana banyi, kadi badi bena dishima. Bualu badi babenga kumvua, tshindi meme Maweja-Nangila mbalongesha.

Yeshaya 31:1

Bantu badi baya mu Ejipitu bua kukeba diambuluisha, mbena diakabi! Badi batekemena ku nyama ya tubalu, ne ku matempu mavule a bena Ejipitu, ne ku babandi babu ba pa tubalu, bualu badi bilobu. Kadi kabena bakeba Mvidi Mukulu wa tshijila wa Izrayele. Kabena bakeba lungenyi kudi Maweja-Nangila.

Yeshaya 32:2

Yonsu wa kudibu neenze amu bimpe, yonsu neikale bu muaba utudi mua kunyemena, padi lupepele ne mvula wa tshipupu bitukuata. Yonsu neikale bu musulu udi upueka mu buloba buume, bu dileji didi lubuebue lunene lufila mu ditunga dia luya lupite.

Yeshaya 4:5

nenku Maweja-Nangila neasombe pa mukuna wa Siyone, munkatshi mua bantu badi basangilamu. Mu munya divuba dia muinshi, butuku tshimunyi tshia kapia, nebileje bantu mudi Maweja-Nangila munkatshi muabu, ubalama. Butumbi abu nebubambuluishe,

Yeshaya 5:18

Bantu badi badikebela dinyoka, bualu badi bakoka malu abu mabi, mudi ngombe ukoka ditempu dia bujitu. Bonsu aba mbena diakabi.

Yeshaya 63:10

Kadi bavua bamutombokela, bavua banyingalaja Mueyelu wende wa Tshijila. Nanku Maweja-Nangila kudienza muluishi wabu, kubanga kuluangana nabu mvita.

Yeshaya 65:2

Meme mvua muoluele bantu bavua bantombokela bianza. Bantu aba bavua balonda njila mubi, uvuabu badisunguile.

Yeshaya 8:11

Maweja-Nangila kunkuata ku tshianza, ungambila ne: kulondi malu a tshisamba etshi. Uvua umbela ne:

Yeshaya 8:12

“Kuidikiji bantu aba, padibu bakula. Kutedi buntomboji, padibu babutela. Kuena ne bua kutshina tshidi tshibakuatshisha bowa. Kuena ne bua kuzakala nanku.”

Yeshaya 8:19

Bantu bakuabu badi bamba ne: “Nukonke bakishi malu, bualu badi batumanyisha malu adi kaayi manji kuenzeka. Nukonke bena mbuku, bakuambile malu ku ditshi. Bualu tshisamba tshionsu tshidi tshikonka mvidie yatshi, tshikonka bakishi buakulongolola malu a bantu badi panu.” Padibu bakuambila nanku,

Yirmeya 17:5

Maweja-Nangila udi wamba ne: — Ndi ndiwula muntu yonsu udi umbenga meme, utekemena kudi muntu mukuabu, ukeba bukole anu kudi bantu badi kabayi nabu.

Yirmeya 2:18

Mpindiewu, nudi nuya kuenza tshinyi mu Ejipitu? Nudi nuya kunua mayi a musulu wa Nile anyi? Nudi nuya kudi bena Ashure bua tshinyi? Bua kunua mayi a mu musulu wa Perate anyi?

Yirmeya 37:7

Maweja-Nangila Mvidi Mukulu wa Izrayele udi wamba ne: — Nuye kuambila Sedekiya mukalenga wa bena Yuda, udi munutume kundi bua kungebeja malu ne: tshiluilu tshia mukalenga wa bena Ejipitu, tshivua tshifike bua kunuambuluisha, tshikadi tshialukile kuabu ku Ejipitu.

Yirmeya 4:17

Kuelabu tshimenga tshia Yerushalayime munkatshi anu bu mudi bansentedi balama budimi. Maweja-Nangila udi wamba ne: “Bionsu ebi bidi bienzeka bualu bavua bantombokele.”

Yirmeya 42:19

Yirmeya kuamba kabidi ne: — Maweja-Nangila udi unukandika bua kanuyi mu Ejipitu, bualu nuenu nudi bantu ba ndekelu ba bena Yuda. Umvuayi bimpe bindi ngamba, nnujadikila lelu.

Yirmeya 5:23

Kadi nuenu nudi bantu ba tshitunu. Nudi bantu batomboke. Nuenu kuntombokela meme Maweja-Nangila, nuenu kumuka kundi, muntu yonsu ulonda wende njila.

Yezekiyele 11:2

Maweja-Nangila kungambila ne: — Yezekiyele, mona bantu badi bela meji a kuenza malu mabi, bapesha kabidi bantu lungenyi lubi mu Yerushalayime.

Yezekiyele 2:3

— Muntu, ndi nkutuma kudi bena Izrayele. Bantu abu mbantombokele. Badi anu bambenga bu muvua bankambua babu bambenga.

Yezekiyele 24:3

Londela bantu banyi badi bantombokela lusumuinu elu. Ubambile ne: Maweja-Nangila Mvidi Mukulu ke udi mutume diyi bua kunulongeshalu. Uteke luesu peku. Welamu mayi.

Yezekiyele 29:16

Bena Izrayele kabakutekemena kabidi kudi bena Ejipitu to. Nanku kabakuenza kabidi bubi. Kabakubikila kabidi bena Ejipitu bua kubambuluisha. Nanku, nebamanye ne: meme ndi Maweja-Nangila.”

Yezekiyele 3:9

Newikale ne bukole bu bua dibue dia mbongo, didi dikole dipite lubuebue. Kadi kuikadi ne bowa, kubatshinyi. Vuluka mudibu bantu ba tshitunu.

Osheya 11:6

Ke mudi bena myita babuela mu bimenga bia bena Izrayele, babinyangakaja, banyangakaja kabidi bintu bionsu. Ke difutu didi bena Izrayele bapete, bua meji abu mabi.

Osheya 13:2

Mpindiewu, monayi bena Efrayime abu, batshidi anu batungunuka ne buenzayi. mBadienzele mvidie, ne lupingu lua tshiamu tshitoke tshia mushinga mukole. Nansha mudimu ewu muenza kudi basongi ba mpingu, badi anu bamba ne: “Lambulayi mvidie ewu milambu!” Padi bantu bupukilangana ne mpingu ya tuana tua ngombe, nudi mua kumvua bualu ebu anyi?

Osheya 7:13

Bena Efrayime mbena diakabi, bualu badi bannyema. mBena dikenga dipite, bualu badi bantombokela. Meme mvua musue kubasungidila, kadi padibu bayukila nanyi, badi bangambila malu a dishima.

Dibadika 32:14

Kadi mpindiewu, nuenu bena buenzavi, nudi basue kulonda amu meji mabi a bankambua benu, bua Maweja-Nangila afikile kabidi bena Izrayele munda.

Rome 2:5

Kadi udi ne muoyi mupape. Kuena musue kudilengeja. Ke muudi udikebela dinyoka dipite bunene, dituku diamueneka tshiji tshia Mvidi Mukulu, diakosaye nsambu pa yoyi.

Dielulula 29:19

muntu awu, Maweja-Nangila kakumufuila luse to. Kakuanyisha nansha kakese muntu udi umutombokela. Neamufuile munda bikole. Neamunyoke ne manyoka onsu mashilangane, adibu bafunde mu mukanda ewu. Kabakuvuluka nansha dina diende kabidi pa buloba to.

Dielulula 9:24

Katshia tumanyangana nenu, nudi amu nutombokela Maweja-Nangila.

Dielulula 9:7

Nuvuluke ne: mu tshipela nuvua bafikishe Maweja-Nangila Mvidi Mukulu wenu munda. Kanupu bualu ebu muoyi diba nansha dimue! Katshia numuka mu Ejipitu too ne munudi bafike muaba ewu, nutshidi amu numutombokela.

2 Timote 3:13

Kadi bantu babi ne bena dishima nebatungunuke amu kutungunuka ne dienza bibi. Nebashimangane. Bantu bakuabu nebabashime.

Yoshua 9:14

Bena Izrayele kulengulula bua kukonka Maweja-Nangila tshilumbu tshia bantu aba. Kudiabu ne bintu bivuabu nabi.