Yeshaya 3:5 - MUKANDA WA MYIDI MUKULU

⁵ Netshikale tshikondu tshia buntomboji, tshia kufuila mianzu. Bansonge nebakengeshe bakulumpe, bantu babule meji nebapetule bantu ba mushinga.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Bantu nebakengeshangane, muntu yonso neakengeshibue kudi mukuabo, ne muntu yonso neakengeshibue kudi muena mutumba nʼandi. Muana neadileshe ku mpala kua muntu mukole, ne muntu udi bakuabo bahetula neadileshe ku mpala kua muntu udi ne butumbi.

Yeshaya 3:5 교차 참조

2 Bakalenga 2:23

Elisha kumuka mu Yeriko, kuya mu Betele. Pawaye mu njila, bana ba balume bavua bafume mu tshimenga, kumuseka, bela mbila ne: — Muena dibala, banda! Muena dibala, banda!

Yeshaya 1:4

Eyi, nudi tshisamba tshia bena tshibawu, tshisamba tshia bena buenzayi. Nudi ndelanganyi ya bantu babi, badi benda banyanguka. Nudi babenge Maweja-Nangila, nudi badiwule Mukalenga wa tshijila wa Izrayele, nudi bamuele nyima.

Yeshaya 11:13

Nenku bena Efrayime nebalekele mukawu, udibu batekela bena Yuda. Bena Yuda kabakuluisha kabidi bena Efrayime nansha.

Yeshaya 19:2

Maweja-Nangila udi wamba ne: “Nensonsole bena Ejipitu, bua baluishangane bobu nkayabu. Muntu nealuangane ne muanabu, tshimenga netshiluishe tshikuabu, bukalenga nebuluishe bukuabu.

Yeshaya 9:18

Tshiji tshia Maweja-Nangila muena bukole buonsu, tshidi bu kapia kadi kosha ditunga. Bantu ba mu ditunga badi bapia bu nkunyi, muntu nansha umue kena utangila muanabu to.

Yirmeya 22:17

Kadi wewe udi musue anu tshidi tshikulengelela wewe nkayebe. Udi ukeba anu kushipesha bantu badi kabayi ne bualu, ne kukengesha bantu ne tshikisu.

Yezekiyele 22:12

Muebe, badi bangata bantu ku mudimu, babafuta bua bashipe bantu bakuabu. Badi basombeshangana makuta bua kupeta kasombele ka bungi. Badi banyenga bintu bia muena mutumba bua kunema nabi. Kadi badi bampua muoyi kashidi meme Maweja-Nangila Mvidi Mukulu. Ke malu andi mujadike awu.

Lewitiki 19:32

“Panudi numona muntu mukulumpe, nujuke kulu ne kanemu. Nuleje munudi nunnemeka. Bualu meme ndi Maweja-Nangila Mvidi Mukulu wenu.

Amosa 4:1

Nuenu bakaji ba mu Samariya, telejayi: nudi badiunde bibi, bafuanangane ne ngombe ya mu Bashane. Telejayi tshindi nnuambila ne: badi kabayi ne bukole, nudi nubanyenga bintu biabu, nukengesha bapele, nuambila babayenu ne: “Koleshayi! Nututuadile maluvu!”

Mika 3:11

Bakoshi ba nsambu badi balumbuluisha bantu, amu padibu bamane kudia mabuejila. Batuangaji badi balongesha mikenji, amu bua kupeta difutu. Bambi badi bambila bantu malu, amu bamane kupeta makuta. Kadi badi badiamba ne: “Tudi bantu ba Maweja-Nangila! Maweja-Nangila udi netu! Bualu bubi nansha bumue kabuena mua kutukuata.”

Mika 7:2

Mu ditunga kamutshiena muntu, udi witaba Mvidi Mukulu, kamutshiena muntu wa nsongu. Bonsu badi bakeba amu kushipangana, baalaminangana mu njila.

Zekâya 11:6

Ke pandi meme Maweja-Nangila ngamba ne: Tshiena mfuila bantu ba mu buloba ebu luse kabidi to. Nemfile muntu yonsu mu bianza bia muena mutumba nende, ne mu bianza bia mukalenga wende. Bakalenga nebanyangakaje buloba. Tshiena usungidila muntu ku bianza biabu.

Malaki 3:5

Mvidi Mukulu wa bukole buonsu udi ujadika ne: “Nemfike munkatshi muenu bua kunulumbuluisha. Nempishe lukasa bantu badi benza malu a majimbu, badi benda tshiendenda, badi baditshipa mitshipu ya dishima, badi babenga kufuta muena mudimu, badi bakengesha bakaji bakamba, bana ba nshiya ne benyi, nansha bonsu badi kabayi bantshina meme.”

Matayi 26:67

Pashishe bamue kumufuila mate mu mpala, kumututa bisusu. Bakuabu kumukuma mapi,

Marke 14:65

Bamue ba kudibu kubanga kutuila Yezu mate pambidi, bamubuikila tshilamba ku mpala, bamutuuta bisusu bamuamba ne: — Jandula udi ukuenza nanku awu. Basolayi kumuangata, kumutuuta mapi.

Luke 22:64

Bavua bamubuikila ku mesu, bamukonka ne: — Udi mukutuute nnganyi? Jandula, tumone!

Yakobe 2:6

Kadi nuenu nudi nupetula bapele! Badi banukengesha, banufila miaba idibu balambuluisha bantu, ki mbena biuma anyi?

Yakobe 5:4

Kanuena bafute bena mudimu badi bakuate mudimu mu madimi enu. Nuteleje mudibu badila muadi! Mvidi Mukulu Maweja-Nangila wa bukole buonsu mmumvue mbila ya badi banowe biakudia bienu.