Yeshaya 3:25 - MUKANDA WA MYIDI MUKULU

²⁵ Yerushalayime, bantu balume bebe, nebafue ku muele. Nansha bilobu biebe mene nebanshipe mu mvita.

Mukanda wa Nzambi Dihungila Dikulukulu ne Dihungila Dihia-dihia 2003

²⁵ Nebashihe balume benu ku muele wa nvita, ne bilobo bienu nebifue mu nvita.

Yeshaya 3:25 교차 참조

2 Kulondolola 28:6

Dituku dimue, Peka kushipesha bena mvita ba bukitu ba bena Yuda binunu lukama ne makumi abidi. Bivua bienzeka nanku bualu bena Yuda abu, bavua babenga Maweja-Nangila Mvidi Mukulu wa bankambua babu.

2 Kulondolola 29:9

Ke padi bana betu ba balume balue mu mvita, bakaji ne bana babuele mu bupika.

Yeshaya 1:20

Kadi panuikala bambenge, bantombokele, nenufue ku muele. Meme Maweja-Nangila ndi ngamba nanku.

Yeshaya 65:12

Nanku ndi munusunguile lufu lua tshinyangu. Nenufue bonsu binu panshi, bua banukose mitu. Bualu, mvua munubikile, kadi nuenu nansha kuitaba. Mvua munuambile malu, kadi nuenu nansha kunteleja. Nutu nuenza amu bindi mubenge. Nudi nusungula amu bidi kabiyi mua kunsankisha.

Yirmeya 11:22

Nanku, Maweja-Nangila udi wandamuna ne: “Nennunyoke. Bansongalume benu nebafue mu mvita. Tshiyole tshia nzala netshishipe bana benu ba balume ne ba bakaji.

Yirmeya 14:18

Pandi nya ku budimi, ndi mmona amu bitalu bia bantu bavua bafue mu mvita. Pandi mpingana mu tshimenga, ndi mmona anu bitalu, bia bantu bavua bafue ku tshiyole tshia nzala. Bambi ne batuangaji badi batambakana mu ditunga, kabayi bamanye tshia kuenza.

Yirmeya 15:8

Mu ditunga amu, bakaji bakamba bavua bashale bapite lusenga lua ku muelelu wa mayi manene ku bungi. Meme kunyingalala munda munya, mamuende wa nsongalume, uvua tshilobu tshia mvita. Diakamue meme kukuatshisha mamuende bowa ne kanyinganyinga.

Yirmeya 18:21

Kadi mpindiewu wanyishe bua tshiyole tshia nzala tshishipe bana babu, bua muele wa mvita ubabutule bonsu, bua bakaji babu bashale bianza bitupu, kabayi bamona bana, bafuishe kabidi babayabu. Disama dia tshiambu dikuate bantu balume, dibabutule. Bansongalume bafuile mu mvita!

Yirmeya 19:7

Muaba ewu nempangishe bena Izrayele ne bena Yuda, bua kabakumbaji tshidibu bela meji. Nemfile bantu aba kudi baluishi babu badi kabayi ne luse. Nenganyishe bua bitalu biabu babizokole kudi nyunyi ya mikanku, babidie kudi nyama ya mibuabua.

Yirmeya 21:9

Muntu yonsu washala mu tshimenga etshi, neafue anu ku mvita, ku tshiyole tshia nzala, nansha ku disama dia tshiambu. Kadi muntu wa kunudi udi umuka mu tshimenga etshi, uya kudi bena Babilone badi bamuluisha, neikale ne muoyi.

Muadi 2:21

Bana ne bakulumpe mbafue panshi miandanda, ku mielelu ya njila. Nsongakaji ne nsongalume yanyi idi mifue ku muele wa mvita. Wewe kubashipa dituku diuvua mufike munda, kubabutula bonsu, kuyi ubafuila luse.

Amosa 9:10

Munkatshi mua bantu banyi, mvita neishipe bonsu badi bena tshibawu, badi baditemba, bambila muambi ne: Mvidi Mukulu kakututumina makenga audi utukanyina nawu nansha!”