Yeshaya 3:10 - MUKANDA WA MYIDI MUKULU

¹⁰ Vulukayi ne: diakalenga ndia bantu badi bitaba Mvidi Mukulu, bualu bidibu benze nebibapeteshe tshipeta tshimpe.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Nuambile bantu bakane dî edi ne, Nenuikale ne diakalengele; bua nebadie mamuma a bienzedi biabo.

Yeshaya 3:10 교차 참조

Genese 18:25

Wewe kuena mua kuenza nanku, kuena mua kushipa muntu muakane pamue ne muena tshibawu. Abu bualu buyile kule. Bonsu babidi nebamueneke anu bu bena tshibawu. Wewe mukoshi wa nsambu munene wa buloba bujima, kuena mua kukosa nsambu bibi to.

Misambu 58:11

Padi Mvidi Mukulu usombuela bantu babi aba, bantu bende nebasanke, badiate mu mashi a baluishi babu.

Ekesode 1:20

Nanku bena Izrayele kuvulangana, kushala bantu bakole. Mvidi Mukulu kusankisha baleleshi abu,

Nsumuinu 10:6

Bantu badi bavuluka Mvidi Mukulu, badi badikebela diakalenga, kadi mukana mua bantu babi mudi mvita.

Nsumuinu 12:14

Miaku ya muntu idi mua kumupetesha diakalenga, bu mudi mudimu upetesha muntu difutu.

Nsumuinu 13:21

Dikenga didi dilonda muenji wa bibi! Kadi diakalenga ke difutu dia bantu bakane.

Nsumuinu 18:21

Tshiudi wamba tshidi mua kukufila ku muoyi nansha ku lufu. Nanku paudi munange kuakula, wanyisha kabidi bionsu bidi miaku yebe mua kukupetesha.

Muambi 8:12

Nanku muntu mubi udi mua kuenza bibi misangu lukama, kushala amu ne muoyi matuku mavule. Ndi mumanye kabidi mudibu bamba ne: “Amu bantu badi batshina Mvidi Mukulu nebapete diakalenga, bualu badi banemeka bumfumu buende.

Yeshaya 54:17

Tshia mvita tshionsu tshidibu bafula, bua kukuenzela natshi bibi, katshiakukuenzela bualu to. Padi muntu musue kukufunda kudi bandumbulula, wewe neumupishishe. Ke tshindi ngenzela bena mudimu banyi bonsu. Ndi mbalama, mbambuluisha bua batshimune baluishi babu. Meme Maweja-Nangila, ndi ngamba nanku.”

Yirmeya 15:11

Eyowa, Maweja-Nangila, milawu yabu idi mua kunkuata, bu meme tshiyi mukuenzele mudimu muanyi muonsu, bu meme tshiyi muakuile baluishi banyi kumpala kuebe, diba divuabu mu dikenga, banyingalala!

Yirmeya 21:14

Kadi meme nennuluishe, nennunyoke bua bubi bunuvua benze. Nengoshe mitshi ya sedre idi mu nzubu yenu. Kapia aka nekabutule bionsu. Meme Maweja-Nangila ndi ngamba nanku.

Yirmeya 22:15

Udi wela meji ne: udi mukalenga muimpe, bua paudi usungula mabaya a sedre, adi bakalenga bakuabu kabayi nawu anyi? Tatuebe uvua udia unua, anu mudi bantu bonsu benza. Kadi uvua ukosa nsambu amu pa yoyi. Ke muvuaye mupete dikasa dimpe.

Yirmeya 7:23

Kadi, meme Maweja-Nangila mvua mubambile ne: Nuteleje tshindi nnuambila. Nanku nengikale Mvidi Mukulu wenu, nuenu nenuikale bantu banyi. Nukumbaje bionsu bindi nnuambile. Nanku nenuikale bimpe.

Yezekiyele 18:20

Anu muena tshibawu, wasangana kufua anyi? Wafua! Kabena mua kunyoka bana bua bubi bua baledi babu, nansha kunyoka baledi bua bubi bua bana babu. Muntu muimpe nebamufute bilondeshile buimpe buende. Muntu mubi nebamunyoke bilondeshile bubi buende.

Yezekiyele 9:4

Maweja-Nangila kumuambila ne: — Endakana mu tshimenga tshijima tshia Yerushalayime. Ufunde tshimanyinu pa mpala ya bantu bonsu badi badila, banyingalala bua malu mabi onsu adi bantu benza mu tshimenga etshi.

Mika 7:13

Kadi buloba bukuabu nebushale tshipela, bua malu mabi a badi basombapu.

Sefanya 2:3

Nuenu bantu bapuekele bonsu ba mu ditunga, badi batumikila mikenji yende, pinganayi kudi Maweja-Nangila. Kumbajayi tshidiye musue, inyikayi mitu yenu kumpala kua Maweja-Nangila Mvidi Mukulu. Nanku dituku didi Maweja-Nangila ufika munda, bumue kena ununyoka nansha.

Malaki 3:18

Pashishe nenumone dishilangana didi pankatshi pa bantu bimpe ne bantu babi, pankatshi pa badi benzela Mvidi Mukulu mudimu ne badi kabayi bamuenzela mudimu.

Luke 19:19

Mukalenga kumuandamuna ne: “Ndi nkuteka mulombodi wa bimenga bitanu.”

Dielulula 12:25

Nuenu benze nanku, nenuikale bena diakalenga, nuenu pamue ne ndelanganyi yenu, bualu binudi nuenza nebilengelele Maweja-Nangila.

Ebrewu 6:10

Mvidi Mukulu kena wenza bibi. Kena mua kupua binudi benze muoyi. Udi amu uvuluka dinanga dinuvua bamuleje ku midimu inuvua benzele bantu ba tshijila ne inutshidi nubenzela.