Yeshaya 3:1 - MUKANDA WA MYIDI MUKULU

¹ Mfumu munene, Maweja-Nangila muena bukole buonsu, neanyenge bena mu Yerushalayime, ne bena mu bukalenga bua Yuda, bionsu bidi mua kubambuluisha: biakudia ne biakunua bidibu nabi mu mayeba, ne bantu bonsu badi mua kubatua nyama ku mikolu.

Mukanda wa Nzambi Dihungila Dikulukulu ne Dihungila Dihia-dihia 2003

¹ Monai! Mukelenge, Yehowa wa misumba mene, udi umusha tshieyemenu ne tshibangu mu Yelushalema ne mu Yuda, tshieyemenu tshionso tshia bia kudia ne tshieyemenu tshionso tshia mai a kunua.

Yeshaya 3:1 교차 참조

2 Bakalenga 25:3

Tshiyole tshivua tshipite bukole mu tshimenga, bantu kabatshivua ne biakudia to. Mu matuku tshitema a ngondu muinayi,

Misambu 105:16

Kubatuminaye tshiyole mu ditunga, biakudia kukepela.

Yeshaya 1:24

Ke padi mfumu munene, Maweja-Nangila muena bukole buonsu, Mvidi Mukulu wa bukole wa Izrayele, wamba ne: “Eyi! Nentekeshe baluishi banyi, nensombuele bena lukuna banyi.

Yeshaya 2:22

Lekelayi kutekemena kudi muntu, bualu muoyi wa muntu udi amu mueyelu wa katupa. Muntu udi tshintu tshia mushinga anyi?

Yeshaya 3:16

Maweja-Nangila udi wamba ne: “Bakaji ba mu Yerushalayime badi ne ditambisha. Badi benda bela mitu mulu, bakenzakana kabayi bundu, benda balunduka badisua, badidisha nkanu yabu ya ku mikolu.”

Yeshaya 36:12

Kadi, mulombodi wa bena mvita, muambuluishi wa mukalenga, kuandamuna ne: “Nudi nuela meji ne: malu adi mfumuanyi mutume bua kuamba, tudi mua kunuambila amu nuenu ne mfumuenu anyi? Malu aa, tudi mua kuambila kabidi bantu bonsu badi pa tshimana apa. Bualu bantu abu ne nuenu, nenudie amu bunyawu buenu, nenunue menyi enu anu mutantshi mukese ewu.”

Yeshaya 5:13

Ke padi Maweja-Nangila wamba ne: “Tshisamba tshianyi, nebaye natshi mu bupika, bualu katshiena tshiumvua bualu nansha bumue. Bamfumu batshi nebafue nzala, bantu batshi bonsu nebafue nyota.”

Yeshaya 51:22

Maweja-Nangila, Mfumu webe, Mvidi Mukulu webe, udi usungidila bantu bende, ubambila ne: “Ndi ngangata dikopu dia tshiji tshianyi, dinuvua banue dinuenza tshinyingunyingu. Kanuakunuinamu kabidi to.

Yeshaya 9:20

Bisamba bivua bibundangana, tshia Menashe kubunda tshia Efrayime, etshi kabidi kubunda tshia Menashe. Bionsu bibidi ebi kubunda tshia Yuda. Kadi tshiji tshia Maweja-Nangila katshiena tshijika. Tshianza tshiende tshitshidi tshiela mulu.

Yirmeya 37:21

Nanku, mukalenga Sedekiya kuela mukenji bua balame Yirmeya mu lupangu lua bena mvita balami ba mukalenga, kabidi bua bamupeshe ku dituku diampa dia tshijengu divuabu balamba mu musesu wa Boshi ba mampa, too ne ku diba didibu kabayi mua kupeta kabidi diampa! Ke muvua Yirmeya mushale mu lupangu lua bena mvita balami ba mukalenga nanku.

Yirmeya 38:9

— Mukalenga, bantu aba mbenze bualu bubi, mbele muambi Yirmeya mu tshiina tshia mayi! Neafuemu ne nzala. Kabidi mu tshimenga kamuena diampa nansha dimue.

Yirmeya 52:3

Malu avua menzeke mu Yerushalayime ne mu bukalenga bua Yuda tshikondu atshi, avua ajula tshiji tshia Maweja-Nangila. Nanku Maweja-Nangila kavua muanyishe bantu bende kabidi to. Ke Sedekiya kutombokela Nebukadnesare mukalenga wa mu Babilone.

Yirmeya 52:6

Tshiyole tshia nzala tshivua tshikole mu tshimenga. Bantu kabavua kabidi ne biakudia to. Ku matuku tshitema a ngondu muinayi,

Muadi 5:4

Tukadi tusumba mayi a kunua mu biina bietu, tufuta bua kuangula nkunyi yetu.

Yezekiyele 14:13

— Yezekiyele, padi bena ditunga kampanda bapia tshibawu, bantombokele, nembaleje bukole buanyi. Nennyange biakudia bidibu balame mu mayeba, nembatumine tshiyole tshia nzala. Nembutule nanku bantu ne nyama bia mu ditunga.

Lewitiki 26:26

Nenkepeshe biakudia, bakaji dikumi nebasangile ditshiwa dimue bua kuoshilamu mampa, bapeta muaba mukumbane. Nebanuabanyine tupese tua mampa tukese tukese, nudia kanuyi nukuta to.

Amosa 4:6

Mu bimenga bienu bionsu nuvua balale ne nzala, mu misoku yenu yonsu kamuvua tshiakudia! Uvua munutumine tshiyole atshi, ke meme! Kadi nansha nanku, kanuena bapingane kundi! Meme Maweja-Nangila ndi njadika nanku.

Mika 4:9

— Nuenu bena mu Yerushalayime, nudi nudila nanku mpindiewu bua tshinyi? Nudi nudinyenga bu mukaji ukeba kulela bua tshinyi? Kanuena kabidi ne mukalenga anyi? Bafidi benu ba ngenyi mbamane kulua anyi?