Yeshaya 27:8 - MUKANDA WA MYIDI MUKULU

⁸ Bushuwa, mmubafundile tshibawu, tshia kuya mu tshimuangi, mu ditunga dia bende. Uvua mubumushe mu buloba buabu dituku dimue, ne lupepele lukole, luvua lufuma luseke ludi diba dipatukila.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Hawabihata, hawabatuma kukuabo, udi ufuilangana nʼabo; wakabumusha ne luhehele luandi lukole mu dituku diakafuma tshihehele ku luseke lua esete.

Yeshaya 27:8 교차 참조

Yobe 23:6

Mvidi Mukulu udi ne bua kunduisha muende muonsu anyi? Too, mbikumbane bua anteleje ne ntema.

Misambu 103:14

Yeye udi mumanye tshitudi, udi uvuluka ne tudi bafuka ne lupuishi.

Misambu 103:9

Kena utanda misangu yonsu, kena ushala ne tshiji kashidi to.

Misambu 38:1

Musambu wa mu mukanda wa misambu ya Davide, bua kuleja Mvidi Mukulu dikenga diende.

Misambu 6:1

Musambu wa mu mukanda wa mulombodi wa bena misambu. Wa kuimba ne lunzenze lua nshinga muanda mukulu. Musambu wa mu mukanda wa misambu ya Davide.

Misambu 76:10

paudi ujuka bua kumanyisha dipangadika diebe, dia kusungidila bantu bapuekele ba pa buloba.

Misambu 78:38

Kadi yeye uvua mubanange, ubafuila luse, kayi ubabutula. Kavua ulonda muvua tshiji tshiende tshimuambila. kavua ulonda meji atshi,

Yeshaya 1:5

Nudi nutungunuka ne buenzayi buenu bua tshinyi? Dinyoka divuabu banunyoke ki ndikumbane anyi? Mutu wenu onsu mmutapike mputa, muoyi wenu wa munda kawena ne bukole.

Yeshaya 10:12

Pikala Maweja-Nangila mumane kujikija mudimu wende pa mukuna wa Siyone ne mu Yerushalayime, neanyoke kabidi mukalenga wa bena Ashure, bualu udi uditambisha, upepeja bantu bakuabu.

Yeshaya 50:1

Maweja-Nangila udi unuebeja ne: Nudi nuamba ne: ndi mubenge Yerushalayime, mamuenu, kadi mukanda udi ujadika mundi munubenge wepi? Meme munusumbishe, munutume ku bupika, bua meme kufuta mabanza, kadi ndi munutume kudi nganyi? Eyowa, bavua banusumbishe bua malu enu mabi, bavua babenge mamuenu bua buntomboji buende, bua buntomboji buenu.

Yeshaya 54:7

Mvua mukutokele bushuwa, kadi amu bua katupa kipi. Kadi bu mundi nkunanga bikole, ndi nkuangata tshiakabidi.

Yeshaya 57:16

Bualu tshiena ntandisha bantu banyi, tshiena mbafikila munda kashidi. Tshianana bantu banyi bonsu bandi mufuke, nebajimine kashidi.

Yeshaya 64:5

Tudi bonsu bantu babi, katuena bakanyine kukukuatshila mudimu. Tudi bu tshintu tshipia mikiya. Nansha mianda mimpe ituvua tuenza, idi kabidi mikuatshike muendi bu tshilamba tshidi ne makeji a mashi. Bualu bua bilema bietu, tudi bu mabeji mume a mutshi, adi lupepele luambula luya nawu.

Yirmeya 10:24

Maweja-Nangila umbele. Kadi umbele ne lutulu, kunnyoki paudi ne tshiji. Tshianana ndi mbutuka.

Yirmeya 30:11

Ndi mufike bua kunusungidila. Meme Maweja-Nangila ndi ngamba nanku. Ndi musue kubutula matunga onsu, miaba yonsu imvua munutangalaje. Kadi tshiena imubutula nuenu to. Bushuwa, ndi amu ne bua kununyoka. Tshiena mua kunutangila bu bantu badi kabayi ne bualu.

Yirmeya 4:11

Pashishe, Maweja-Nangila neambile bena Yerushalayime ne: “Lupepele ludi luosha mikuna nelufumine mu tshipela. Neluoshe bantu banyi bena Izrayele. Lupepele alu kabakuikala lutekete, ludi muntu mua kupepula nalu ntete ya kuenza bukula to.

Yirmeya 4:27

Maweja-Nangila udi wamba ne: “Ditunga dijima nedishale amu tshipela tshidi tshikuatshisha bantu bowa. Kadi, tshiena musue kubutula bintu bionsu to.

Yirmeya 46:28

Maweja-Nangila udi wamba ne: Wewe Izrayele muena mudimu wanyi, kuikadi ne bowa to. Bualu ndi nebe. Nembutule bisamba bionsu, miaba yonsu imvua munutangalaje. Kadi tshiakukubutula wewe to. Bushuwa mvua anu ne bua kukunyoka, bualu tshiena mua kukutangila bu muntu udi kayi muena tshibawu!

Muadi 3:31

Bualu Maweja-Nangila katu ubenga muntu tshiendelele.

Muadi 3:32

Nansha yeye ukengesha muntu, udi umufuila luse, bualu buimpe buende mbupite bunene.

Yezekiyele 19:12

Kadi bavua bajula muonji awu ne tshiji, bawimansha panshi. Lupepepe lua kudi diba dipatukila, kumisha bimuma biawu, kumatabi panshi. Matamba mimpe awu kuuma. Bantu kuwosha muiku.

Osheya 13:15

Bena Efrayime nebavulangane munkatshi mua bana babu. Kadi, lupepele ludi lumisha bintu nelujuke, lufumina mu tshipela. Maweja-Nangila ke udi mutume lupepele alu. Nanku mayi a mu mpokolu neakame, mayi a mu mishimi neume, Lupepele neluambule bintu bionsu bia mushinga mukole bidi mu tshibutshilu.

Osheya 4:1

Maweja-Nangila udi umanyisha bena ditunga tshilumbu tshidibu natshi kudiye. Nuenu bena Izrayele, telejayi: Maweja-Nangila udi unuambila ne: “Nuenu bena ditunga edi, kanuena nulamatangana kabidi ne muoyi umue, kanuena nuenzelangana kabidi bimpe to. Kanuena bamanye Mvidi Mukulu. Kanuena nuenza tshidiye musue.

1 Korente 10:13

Bualu matetshibua onsu anuvua nawu, ke adibu bateta nawu bantu misangu yonsu. Mvidi Mukulu udi ukumbaja malaya ende. Kakuanyisha bua matetshibua anupite bukole. Kadi diba didibu banuteta, yeye neanupe bukole bua kutua nkanana, kabidi bua kupatuka nabu mu matetshibua.

1 Petro 1:6

Ke munudi nusanka, nansha munudi ne bua kubungama mpindiewu amue matuku bua makenga a mishindu yonsu adi anukuata.