Yeshaya 26:2 - MUKANDA WA MYIDI MUKULU

² Unzululayi biibi. Bantu badi ne diyi dimue, badi bakumbaja tshidibu balaye, babuele.

Mukanda wa Nzambi Dihungila Dikulukulu ne Dihungila Dihia-dihia 2003

² Unzululai bibi, bua ba mu tshisamba tshia bantu bakane badi balamata ditabusha babuelemu.

Yeshaya 26:2 교차 참조

Misambu 106:5

Nanku netumone diakalenga dia bantu baudi musungule, netumvue disanka didi nadi bantu bebe, netutue ntunku pamue ne bantu ba mu bumpianyi buebe.

Misambu 118:19

Ngunzuluilayi biibi bidi bitabi ba Maweja-Nangila babuela, bua mbuele, nye kutumbisha Maweja-Nangila!

Misambu 118:20

Tshiibi tshia kuya kua Maweja-Nangila tshidi apa; ke padi bantu ba Mvidi Mukulu babuelela.

Misambu 24:7

Biibi, unzulukayi, shiyayi muaba munene! Kangulayi ne biibi bia kale! Mukalenga munene ukadi ufika!

Ekesode 19:6

Kadi tshisamba tshienu netshikale tshia batuangaji, bantu bajidila, badi bangenzela mudimu.” Wambile bena Izrayele bonsu malu andi nkuambila aa.

Yeshaya 45:25

Kadi nengambuluishe ndelanganyi yonsu ya Izrayele, bua bapete tshidibu ne bua kupeta. Nanku nebantumbishe.

Yeshaya 54:14

Kuakutenkakana kabidi to. Kuakutshina kabidi tshintu to. Kabakukukengesha kabidi. Kuakukuatshika bowa. Muntu kakukutshinyisha nansha.

Yeshaya 54:17

Tshia mvita tshionsu tshidibu bafula, bua kukuenzela natshi bibi, katshiakukuenzela bualu to. Padi muntu musue kukufunda kudi bandumbulula, wewe neumupishishe. Ke tshindi ngenzela bena mudimu banyi bonsu. Ndi mbalama, mbambuluisha bua batshimune baluishi babu. Meme Maweja-Nangila, ndi ngamba nanku.”

Yeshaya 58:8

Diba adi, nenusanke, nukenke, mudi diba dikenka mu dinda. Mputa yenu neyume lukasa. Nengende nenu. Nennulame kumpala ne kunyima. Nennupandishe.

Yeshaya 60:11

Nebunzulule biibi biebe, kabayi babinjila nansha bufuku nansha munya. Nanku bantu nebamone mua kukutuadila biuma bia mu bukua matunga. Bakalenga babu nebalondangane, ewu ubuela, mukuabu ubuela.

Yeshaya 60:18

Mu ditunga diebe, kabakumvua kabidi mutoyi wa mvita to. Munda mua ditunga diebe kamuena kabidi kabutu nansha tshinyangu. Kadi newinyike bimana biebe dina ne: “Lupandu”, ne biibi biebe ne: “Lumu lua Mvidi Mukulu”.

Yeshaya 60:21

Bantu bebe bonsu nebalame meyi anyi. Kabakubipata kabidi mu ditunga diebe. Ke bantu bamvua mufuke ne bianza bianyi, bua baleje bantu bakuabu butumbi buanyi. Badi bu mitshi indi mukune mu lupangu luanyi.

Yeshaya 61:3

bua kusankisha bena mu Siyone badi badila muadi. Ndi ne bua kubasa tshifulu tshia lumu, pa mutu pa butu buvuabu babalabe ku mitu. Ndi ne bua kubalaba mafuta a mupuya muimpe, bua kumusha dibungama didi pa mpala yabu. Ndi ne bua kubavuadika tshilamba tshia tshibilu, bua kumusha kanyinganyinga kadi mu muoyi wabu. Nanku nebabafuanyikije ne mitshi idi isankisha Mvidi Mukulu, nansha ne lupangu luimpe ludi luleja butumbi bua Maweja-Nangila.

Yeshaya 62:1

Bu mundi nkunanga, Yerushalayime, tshiakupuwa to. Bu mundi nkunanga Siyone, tshiakushala amu patupu, tshiyi ngenza bualu to. Nensengelele Mvidi Mukulu too ne ku diba didi lupandu luebe lumueneka, mudi butoke bukenka mu munya, ne tshimunyi tshia kapia butuku.

Yeshaya 62:10

Bena Yerushalayime, patukayi, patukayi lukasa mu tshimenga. Longoluelayi bantu badi bapingana muabu njila. Jibikilayi biina bidi panshi mu misesu. Umbushayi mabue adimu. Bandishayi dibendele, bua bantu bamanye

Yeshaya 62:2

Bisamba bia bantu nebimone mudi Maweja-Nangila mukupikule. Bakalenga bonsu nebabandile lumu luebe. Bantu nebakuinyike dina dipiadipia, didi Maweja-Nangila mukubikile nadi.

Zekâya 8:20

Maweja-Nangila wa bukole buonsu udi wamba ne: “Bantu ba mu bisamba bikuabu, ne ba mu bimenga bivule, nebafike mu Yerushalayime tshiakabidi.

Bienzedi 2:47

Bavua batumbisha Mvidi Mukulu. Bantu bonsu bavua babanyisha. Dituku dionsu Mfumu uvua usakidila ku tshisumbu tshiabu bantu bavuaye musungile.

1 Petro 2:9

Kadi nuenu nudi tshisamba tshisungula. Nudi batuangaji ba Mukalenga, tshisamba tshia tshijila, bantu ba Mvidi Mukulu. mBanusungule bua kumanyisha bantu malu a dikema adi Mvidi Mukulu muenze. Bualu uvua munubikile bua nupatuke mu miidima, nubuele mu butoke buende bupite buimpe.

2 Petro 3:13

Kadi tuetu tudi tutekemena bidi Mvidi Mukulu mulaye: ke diulu dipiadipia ne buloba bupiabupia, muaba wasomba bantu bua kuenza amu tshidi Mvidi Mukulu musue. Ke tshitudi bindile atshi.

Yuda 1:3

Betu basuibue, nkavua njinga bikole kunufundila malu a pa lupandu lutudi batekemene bonsu. Kadi ndi mumone ne: ndi ne bua kunutumina kabidi mukanda ewu, bua kunukolesha ku muoyi, bua nuluile ditaba didi Mvidi Mukulu mupeshe bantu bende bua kashidi.

Didimanyisha 21:24

Bisamba bia bantu nebiende mu butoke bua tshimenga atshi. Bakalenga ba matunga nebafikemu ne bubanji buabu.

Didimanyisha 5:9

Bavua bimba musambu mupiamupia, bamba ne: “Wewe udi muakanyine kuangata mukanda, kulamuna bitampi biawu. Bavua bakushipe. Nanku ku lufu luebe, Wewe kupikuila Mvidi Mukulu bantu, ba meku onsu, ba miakulu yonsu, ba bisamba bionsu, ne ba mu matunga onsu.