Yeshaya 26:18 - MUKANDA WA MYIDI MUKULU

¹⁸ Tuetu kabidi tuvua ne bua kulela, tuvua mu dikenga dia pa lulelu. Kadi tuetu kulela amu lupepele. Katuena basungidile bantu ba mu ditunga dietu. Buloba buvua bushale munda mutupu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ tuakadi ne mafu, tuakadi tudinyenga, tuakadi bu badi balela luhehele. Katuakuhetela ba ha buloba luhandu, ne kakuena bantu ba ha buloba baledibue bua bualu buetu.

Yeshaya 26:18 교차 참조

2 Bakalenga 19:3

Kuyabu kuambila muambi Yeshaya ne: “Mukalenga Izkiya udi wamba ne: Lelu ndituku dia kutukengeshabu, kutunyoka, ne kubifuisha bundu. Bu mudibu bamba ne: muana ukadi pabuipi, kadi mamuende kena ne bukole bua kulela to.

Misambu 17:14

Ubabutule, ubajikije mu bantu. Ubanuishe lulengu luuvua mubalamine. Bana babu banue buukute, biikulu babu balabule luvua lushale!

Yeshaya 33:11

Meji onsu anuvua bele munda muenu, adi a tshianana. Panudi nukeba kuakumbaja, kanuena nupeta tshintu. Mueyelu wanyi udi bu kapia kadi kaabutula.

Yeshaya 37:3

Kuyabu kuambila muambi Yeshaya ne: “Mukalenga Izkiya udi wamba ne: — Lelu ndituku dia kutukengeshabu, dia kutunyokabu, ne kutufuishabu bundu. Bu mudibu bamba ne: muana ukadi pabuipi, kadi mamuende kena ne bukole bua kumulela to.

Yeshaya 59:4

Nudi nufundangana ku tubadi amu ne muoyi mubi. Nudi nulumbululaku, kanuyi nukeba bulelela. Malu anudi nujadika adi amu a dishima. Bionsu binudi nuamba bidi amu bia patupu. Nudi amu nukeba kukengeshangana, nupatula munda muenu amu malu mabi.

Osheya 13:13

Nanku, bena Efrayime nebakenge, mudi mukaji ukenga pa kulela. Kadi, muana awu kakuledibua bimpe to. Pakumbana diba dia kumulela, neabenge kupatuka mu difu dia mamuende.

Yowanane 7:7

Ba pa buloba kabena mua kunukina. Kadi badi bankina meme, bualu ndi njadika ne: midimu idibu bakuata mmibi.

1 Yone 5:19

Tudi bamanye ne: tudi bantu ba Mvidi Mukulu. Tudi bamanye kabidi ne: bukua panu bujima budi ku bumfumu bua Muena bubi.

1 Samuele 11:13

Shawule kuandamuna ne: — Kabena mua kushipa muntu nansha umue dituku dia mushindu ewu to. Bualu lelu ndituku didi Maweja-Nangila mupeshe bena Izrayele bukole bua kutshimuna.

1 Samuele 14:45

Kadi bena mvita kuambila Shawule ne: — Yonatane udi mupeteshe bena Izrayele ditshimuna mu mvita eyi minene, neafue bua tshinyi? Kabiena mua kuenzeka to. Bu mudi Maweja-Nangila ne muoyi, katuena tuitabe nansha bua lusuki lua Yonatane lumate panshi to. Bualu bionsu bidiye muenze lelu ebi, mmuenze ne diambuluisha dia Mvidi Mukulu. Nanku, bena mvita kusungidila Yonatane bua kafu to.