Yeshaya 26:13 - MUKANDA WA MYIDI MUKULU

¹³ Maweja-Nangila Mvidi Mukulu wetu, tuvua ne bamfumu bakuabu. Kadi wewe nkayebe, ke utudi tuvuluka.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Yehowa Nzambi wetu, bakelenge bakuabo bakadi kabayi bu wewe bakutukokesha; kadi bua dikuatshisha diebe nkayadi netutumbishe dina diebe.

Yeshaya 26:13 교차 참조

2 Kulondolola 12:8

Kadi nebashale ku bumfumu bua Shishake, bua bamanye ne: mbimpe kungitaba meme Maweja-Nangila, pa mutu pa kuitaba bamfumu ba pa buloba.

Yeshaya 10:11

Mumvua munyoke tshimenga tshia Samariya ne mvidie yatshi, ke mundi ne bukole bua kunyoka tshimenga tshia Yerushalayime ne mvidie yatshi.”

Yeshaya 12:4

Dituku adi nenuambe ne: “Tumbishayi Maweja-Nangila. Numanyishe bantu dina diende. Nulondele bisamba bionsu malu a dikema avuaye muenze. Nukobole ne: Dina diende ndinene!

Yeshaya 2:8

Buloba bua Yakobe mbuwule tente ne mvidie ya dishima. Bantu badi batendelela mvidie, bakukuila bintu bidibu badienzela.

Yeshaya 26:8

Maweja-Nangila, bua tumone mua kukumbaja biudi wewe musue, tudi tutekemena amu kuudi. Kutela dina diebe, kukuela mbila, ke tshidi mutshima wa muntu yonsu ujinga.

Yeshaya 51:22

Maweja-Nangila, Mfumu webe, Mvidi Mukulu webe, udi usungidila bantu bende, ubambila ne: “Ndi ngangata dikopu dia tshiji tshianyi, dinuvua banue dinuenza tshinyingunyingu. Kanuakunuinamu kabidi to.

Yeshaya 63:7

Ndi musue kuvuluija bantu muoyi mulenga udi Maweja-Nangila nawu. Ndi musue kumutumbisha, bua bionsu bidiye mutuenzele. Uvua muenzele tshisamba tshia Izrayele bimpe bitambe, bualu udi utshinanga kashidi, utshifuila luse misangu yonsu.

Yeshaya 64:5

Tudi bonsu bantu babi, katuena bakanyine kukukuatshila mudimu. Tudi bu tshintu tshipia mikiya. Nansha mianda mimpe ituvua tuenza, idi kabidi mikuatshike muendi bu tshilamba tshidi ne makeji a mashi. Bualu bua bilema bietu, tudi bu mabeji mume a mutshi, adi lupepele luambula luya nawu.

Amosa 6:10

Muanabu ne bantu bafuila mu nzubu amu neafike bua kupatula bitalu pambelu. Bu muntu mua kuebeja muntu, udi mushale mu tshibambalu tshia munda menemene mua nzubu, ne: “Nutshidi ne muntu mukuabu mu nzubu anyi,” nebamuandamune ne: “To, muntu nansha umue!” Neasakidile ne: “Puwa! Ki ndiba dia kutela Maweja-Nangila.”

Mika 4:5

Muntu yonsu mu tshisamba tshiende, udi ukeba kusankisha mvidie yende. Kadi tuetu tudi tukeba kusankisha Maweja-Nangila Mvidi Mukulu wetu tshiendelele.

Yowanane 8:32

Nanku nenumanye bulelela. Bulelela nebunuenze bantu badikadile.

Rome 6:22

Kadi lelu mbanupikule ku bubi. Nudi nukuatshila Mvidi Mukulu mudimu. Ke munudi bantu ba tshijila, badi benza bidi Mvidi Mukulu musue. Ku ndekelu nenupete muoyi wa tshiendelele.

1 Korente 4:7

Kadi muudi mua kuditemba bu udi mupite bakuabu mmunyi? Bionsu biudi nabi, kuena mubipete kudi Mvidi Mukulu anyi? Kadi muudi mua kuditemba bua bionsu abi, bu muntu udi mudipetelebi mmunyi?

Ebrewu 13:15

Nanku batumbishe Mvidi Mukulu diba dionsu. Ke wetu mulambu utudi tumulambula kudi Yezu. Mmomumue ne: tusamune dina diende mukana muetu katuyi tulekela.

Yoshua 23:7

Kanubuelakanyi ne bantu ba bisamba bikuabu, batshidi bashale munkatshi muenu. Kanukebi diambuluisha kudi mvidie yabu. Kanutedi dina dia mvidie ayi, panudi nutshipa. Kanuinami kumpala kuayi bua kuyitendelela.