Yeshaya 26:10 - MUKANDA WA MYIDI MUKULU

¹⁰ Kadi padibu bafuile benji ba bibi luse, kabena balonga bidibu ne bua kuenza to. Nansha mu ditunga edi mudi bantu bakutshina, badi benza amu bibi, kabayi bavuluke muudi wewe Maweja-Nangila ne bukole.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Bialeshabo muntu mubi diakalengele, kena uyila buakane; munkatshi mua buloba bua buakane mene yeye nênze malu mabi, ne kena umona butumbi bua Yehowa.

Yeshaya 26:10 교차 참조

2 Bakalenga 13:6

Kadi, bena Izrayele bavua anu benza buenzayi, bu Yerobowame ne bena nzubu wende. Bualu Yerobowame uvua mufikishe bena Izrayele ku dienza bibi. Nansha dikunji dia kutendelela Ashera, mvidie mukaji, divua anu dishale dimanyike mu Samariya.

Misambu 106:43

Misangu ya bungi Maweja-Nangila uvua ubapandisha, kadi bobu bavua bamutombokela bua tshishiku tshiabu.

Misambu 143:10

Undongeshe mua kuenza tshiudi musue, bualu wewe ke Mvidi Mukulu wanyi. Mueyelu webe mulenga undudike mu njila udi kayi ne njiwu.

Misambu 69:27

Bualu badi balondakaja muntu uudi mumane kunyoka, batumbula mputa ya baudi mumane kukengesha.

Ekesode 8:15

Benji ba bilengulengu bamone nanku, kuambilabu mukalenga wa bena Ejipitu ne: — Ebi bidi bienzeka ku bukole bua Mvidi Mukulu. Kadi mukalenga wa bena Ejipitu uvua anu ne tshitunu. Kubengaye diyi dia Moshe ne Arone bu muvua Maweja-Nangila mudianjile kuamba.

Ekesode 9:30

Kadi ndi mumanye ne: wewe ne balombodi ba mu bukalenga buebe, kanuena banji kutshina Maweja-Nangila to.

Ekesode 9:34

Mukalenga wa bena Ejipitu umona ne: mvula wakamuki, kabidi makubakuba ne mabue a mvula biajiki, kutungunukaye amu ne tshilema tshiende. Yeye ne balombodi ba mu bukalenga buende kuenza kabidi amu tshitunu.

Nsumuinu 1:32

Bualu tshibulengenyi udi ubutuka padiye ubenga meji. Kalengu ka bantu bapote kadi kabajimija.

Muambi 3:16

Telejayi mundi mumone kabidi malu makuabu adi panu: bantu badi bakengeshangana muaba uvuabu mua kulongolola malu bimpe, kukosa nsambu pa yoyi.

Muambi 8:11

Muntu udi wenza malu mabi kabena bamunyoka mpindiewu. Ke padi bantu benza malu mabi misangu yonsu.

Yeshaya 1:21

Mmunyi muvua tshimenga tshia bantu bavua bangitaba, tshiandamuka tshia bena buendenda? Tshimenga tshivua bantu banemekangana, banemeka ne bintu bia bantu bakuabu, mpindiewu tshikadi tshimenga tshia bashipianganyi.

Yeshaya 2:10

Nuenu bantu sokomayi mu mbuebue, buelayi muinshi mua buloba. Nutshine tshiji tshia Maweja-Nangila. Nealeje bukole ne butumbi buende.

Yeshaya 24:5

Bantu bavua banyanga buloba, bualu bavua babenga mikenji ya Maweja-Nangila, batupa ku diyi diende, bupula ndondu uvua ubasuikakaja ne Mvidi Mukulu wa kashidi.

Yeshaya 27:13

Dituku adi, muadi munene wa mpungi neumvuike. Nenku bonsu bavua bajimine mu bena Ashure, nansha bavua batangalaka mu Ejipitu, nebafike. Nebatue binu kumpala kua Maweja-Nangila, pa mukuna wa tshijila, udi mu Yerushalayime.

Yeshaya 32:6

Bualu bantu bapote badi bakula, amu bua kuamba malu a bupote. Badi bela meji ku malu a bupote, adibu basue kuenza matuku adi kumpala. Badi benza malu bu bashipianganyi. Badi bakula malu adi abipila Maweja-Nangila. Muntu udi ne nzala, kabena bamupesha tshiakudia. Muntu udi ne nyota, kabena bamupesha tshikunua.

Yeshaya 32:7

Bantu bapale badi bamanye mua kukengesha bantu bakuabu bikole. Badi badilongolola, bua bamone mua kupisha bapele, pa kujadika malu a dishima. Ke mudi bena dikenga kabayi mua kubinga, nansha bobu kabayi ne bualu.

Yeshaya 5:12

Bisanji, lunzenze, ngoma ne nshiba, bidi bidila, padibu banua maluvu, kabayi balekela. Kadi kabena belangana meji ku bidi Maweja-Nangila wenza, kabena bavuluka mudimu udiye ukuata.

Yirmeya 2:7

Meme Maweja-Nangila mvua munufikishe mu ditunga didi ne biakudia bia bungi, bua nuenu kupeta biakudia bisheme bia mishindu yonsu bidi muaba awu. Ditunga edi divua dianyi meme Maweja-Nangila. Nuenu kubuelamu, kadi nuenu kunyanga ditunga edi ne mikiya. Muaba awu uvua wanyi meme. Nuenu kuunyanga, kushalawu muaba mubi mutambe.

Yirmeya 31:23

Maweja-Nangila wa bukole buonsu, Mvidi Mukulu wa Izrayele, udi wamba ne: Pangapingaja bantu mu ditunga diabu ne mu bimenga bia Yuda, nebambe tshiakabidi ne: “Maweja-Nangila akuele lupemba, wewe mukuna wa tshijila wa Siyone, muaba udiye usomba!”

Osheya 11:7

Bantu banyi bena Izrayele mbantombokele. Badi babikila mvidie Baale. Kadi mvidie ewu kena mua kubambuluisha to.

Osheya 13:6

Panuvua bafike muaba uvua ne bisosa, nzala yenu kujika diakamue. Kadi bamane kudia buukute, ke nuenu kuditambisha. Ke munuvua bampue muoyi.

Osheya 9:3

Bena Efrayime kabena mua kushala mu ditunga dia Maweja-Nangila. Nebapingane mu Ejipitu, nansha mu bena Ashure, bua kudia biakudia bidi ne mikiya.

Mika 2:10

Jukayi! Umukayi! Dikisha dienu diajiki! Malu mabi anuvua benze, neanukebele makenga makole mapite!”

Matayi 4:5

Nanku diabolu kufikisha Yezu mu Yerushalayime, tshimenga tshia tshijila, kumuteka ku musonga wa nzubu wa Mvidi Mukulu,

Dielulula 32:15

Yeshurune mumane kudia mukute, mumane kudiunda, kusenena, kulengulula Mvidi Mukulu uvua mumufuke, kupetula mulami wende ne mupandishi.

Didimanyisha 2:21

Mvua muanji kumutangila mutantshi, bua adilengeje. Kadi kena musue kulekela malu ende a bundu to.

1 Samuele 15:17

Samuwele kumuambila ne: — Ku kale uvua mudimone muntu tshianana. Mpindiewu udi mukalenga wa bisamba bionsu bia bena Izrayele. Maweja-Nangila nkayende ke uvua mukujidile bua wikale mukalenga wa bena Izrayele.