Yeshaya 26:1 - MUKANDA WA MYIDI MUKULU

¹ Dituku adi, mu ditunga dia Yuda, bantu nebimbe musambu, bamba ne: “Tudi ne tshimenga tshivuabu bakoleshe ne bimana. Bua kutshilama bimpe, Maweja-Nangila mmutshinyungulule ne bimana, kabidi ne mushiki wa buloba.

Mukanda wa Nzambi Dihungila Dikulukulu ne Dihungila Dihia-dihia 2003

¹ Mu dituku adi nebimbe musambu eu mu buloba bua Yuda, bimba ne, Tudi ne musoko mukole; yeye neajadike luhandu bua kuikalalu ngumbu yau ne bibumba biau bikole.

Yeshaya 26:1 교차 참조

Ezela 3:11

Bavua bimba, batumbisha Maweja-Nangila, bapunguluja ne: “Maweja-Nangila udi muimpe, mmunange bena Izrayele kashidi!” Bena Izrayele kabidi bavua batumbisha Maweja-Nangila, bela mbila mikole. Bavua basanka, bualu bantu bavua bibaka tshitaku tshia nzubu wa Mvidi Mukulu.

Misambu 31:21

Udi ubalama pabuipi nebe, ubepula ku mateyi a bantu babi. Udi ubasokoka mu nzubu muebe mutantshi ne bena buenzayi.

Misambu 48:12

Pa mukuna wa Siyone bantu basanke! Mu bimenga bia Yuda batue tshianga!

Misambu 48:4

Nansha bantu bakolesha tshimenga etshi ne bimana, amu Mvidi Mukulu ke udi utshilama.

Yeshaya 12:1

Dituku diudi upeta lupandu, newambe ne: “Maweja-Nangila, ndi nkuela tuasakidila. Uvua mumfikile munda pa bualu. Kadi tshiji tshiebe tshiatuyi. Udi muvue kunsamba.

Yeshaya 14:31

Nuenu bena bimenga bidibu bakoleshe ne bimana, dilayi muadi, elayi mbila mikole. Bena Peleshete bonsu kabena mua kutekemena kabidi tshia nsongu. Baluishi badi bafuma luseke lua ku mutu kua ditunga, bafuane divuba dia muinshi. Baluishi bonsu badiku, muena mvita nansha umue kena mushale to.

Yeshaya 2:11

Muena ditambisha neiname panshi. Muena kapeja, nebamupuekeshe. Dituku diadia nebamanye ne: amu Maweja-Nangila nkayende udi ne bukole.

Yeshaya 2:20

Dituku adi, mpingu ya tshiamu tshitoke ne tshia mpawungi, ivua bantu basonge bua kuyitendelela, nebayelele mpuku ne tupulukusu.

Yeshaya 25:9

Dituku adi, bantu nebambe ne: “Yeye ke Mvidi Mukulu wetu. Tuvua batekemene amu kudiye, Yeye kutusungidila. Eyowa, tuvua batekemene amu kudi Maweja-Nangila. Tudi tusanka, tudi ne musangelu, bua padiye Mutusungidi wetu.

Yeshaya 31:5

Bu mudi nyunyi ubalula mapuapua ende bua kulama tuana tuende, ke mudi Maweja-Nangila muena bukole buonsu ulama bena Yerushalayime. Udi ubapikula, ubakuba, ubasungidila.

Yeshaya 31:9

Bilobu nebinyeme mvita, bua bowa bukole budibu bakuatshika. Balombodi ba bena mvita nebatekete mu maboku, nebanyeme, bashiya dibendele diabu. Maweja-Nangila ke udi wamba nanku. Ke yeye udibu batendelela pa mukuna wa Siyone. Kapia kende kadi katemena ku Yerushalayime.

Yeshaya 33:5

Maweja-Nangila udi ne bukole, usomba mulu. Udi ukuata mudimu mu Yerushalayime, bua bantu banemekangane, basankishangane.

Yeshaya 33:6

Bena tshisamba tshia Maweja-Nangila, nenusombe mu ditunga ne mimuemue. Kuikala bena meji, kumanya Mvidi Mukulu, ke biuma bidi bitufikisha ku lupandu. Kutshina Maweja-Nangila, ke buenu bubanji!

Yeshaya 4:2

Dituku dikuabu, Maweja-Nangila neafukishe tshiakabidi buloba. Tshionsu tshidi tshitoloka netshikole. Bantu badi bashala ne muoyi mu Izrayele, nebasanguluke padibu bamona bionsu ebi. Nenku nebapetulule lumu ne butumbi biabu.

Yeshaya 5:1

Ndi musue kuimbila mulunda wanyi musambu, musambu wa budimi buende bua mvinyo. Mulunda wanyi uvua ne budimi bua mvinyo, pa mukuna wa buloba buimpe.

Yeshaya 56:5

nebafunde dina diende ku bimana bia nzubu wanyi. Muaba awu nebamuvuluke, mudi bana ba balume ne bakaji kabayi mua kuvuluka baledi babu. Nemvuluke dina diende kashidi. Kabakudikupula kudi muntu to!”

Yeshaya 60:18

Mu ditunga diebe, kabakumvua kabidi mutoyi wa mvita to. Munda mua ditunga diebe kamuena kabidi kabutu nansha tshinyangu. Kadi newinyike bimana biebe dina ne: “Lupandu”, ne biibi biebe ne: “Lumu lua Mvidi Mukulu”.

Yeshaya 62:10

Bena Yerushalayime, patukayi, patukayi lukasa mu tshimenga. Longoluelayi bantu badi bapingana muabu njila. Jibikilayi biina bidi panshi mu misesu. Umbushayi mabue adimu. Bandishayi dibendele, bua bantu bamanye

Yeshaya 62:11

tshidi Maweja-Nangila ubamanyisha ku ntengu ne ku ntengu ya buloba ne: Ambilayi bena Siyone ne: “Mupandishi wenu udi ufika, udi ufika ne bonsu badiye mupikule, udi ufika ne tshipeta tshia ku mudimu wende.”

Yirmeya 33:11

misambu ne mbila ya disanka. Nebumvue kabidi meyi a bantu batshidi babuela mu dibaka. Nebumvue kabidi bantu bimbe musambu ewu ne: Tumbishayi Mvidi Mukulu wa bukole buonsu, bualu udi mulenga. Dinanga diende ndia kashidi. Nebumvue kabidi musambu wa bantu badi baya ne milambu yabu mu nzubu wa Mvidi Mukulu. Bushuwa, Maweja-Nangila udi wamba ne: nempingajile ditunga edi lumu luadi lua kale.

Yezekiyele 40:5

Mvua mumone tshimana tshivua tshinyungulule lubanza lua pambelu lua nzubu wa Mvidi Mukulu nseke yonsu. Muntu uvua ne mutshi wende mu bianza wa bule bua metre asatu. Uvua upima mupimbu ne butumbuke bia tshimana atshi. Uvua musangane tshimana ne bule bua metre asatu mu mupimbu ne mu butumbuke.

Zekâya 2:5

Maweja-Nangila kundeja bualu bukuabu. Meme kumona muntu muikale ne nshinga wa kupima nende bimana mu bianza.

Zekâya 2:9

Nenku, Maweja-Nangila udi wamba ne: “Meme mene nengikale mu tshimenga etshi, bu tshimana tshia kapia tshidi tshitshinyungulukila. Nensombemu ne butumbi buanyi buonsu.”

Dibadika 21:17

Diba adi bena Izrayele kuimba musambu, bamba ne: “Mayi apatuke mu tshiina, tuelele nkashi!

Matayi 16:18

Kadi meme ndi nkuambila patoke ne: wewe udi Petro, dibue. Nanku pa dibue edi nengasepu Tshisumbu tshia bantu banyi. Nansha lufu mene kaluakutshibutula to.