Yeshaya 24:5 - MUKANDA WA MYIDI MUKULU

⁵ Bantu bavua banyanga buloba, bualu bavua babenga mikenji ya Maweja-Nangila, batupa ku diyi diende, bupula ndondu uvua ubasuikakaja ne Mvidi Mukulu wa kashidi.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Buloba buakunyanguka bualu bua malu mabi a badi bashikamehu; bualu bua bakusambuka mei a Nzambi, bakuhetula mikenji yandi, bakuhidia kutumikila tshihungidi tshia tshiendelele.

Yeshaya 24:5 교차 참조

2 Samuele 23:5

Ke malu adi Mvidi Mukulu muenzele bena nzubu wanyi. Uvua mutue nanyi ndondu wa kashidi, mujadike ndondu awu ne mikenji idi bantu kabayi mua kubenga. Bionsu bidi binsankisha, udi ubikumbaja.

2 Bakalenga 21:12

Nanku Maweja-Nangila Mvidi Mukulu wa bena Izrayele udi wamba ne: ‘Nennyoke bena Yerushalayime ne bena Yuda bonsu bikole. Muntu yonsu umvua lumu lua dikenga diabu, neunwue bibi bitambe.

2 Bakalenga 21:15

Nengenze bionsu ebi, bualu biangatshile dituku dindi mupatule bankambua babu mu Ejipitu too ne mpindiewu, bantu banyi badi anu banufikisha munda, benza malu andi mubenge!’ ”

2 Kulondolola 33:9

Kadi Menashe ke uvua mufikishe bena Yerushalayime, ne bena Yuda ku dienza bibi bipite bia bantu bavua kale mu ditunga adi, bavua Maweja-Nangila mubutule, bua bashile bantu bende bena Izrayele ditunga.

Misambu 105:10

kumutekelaye Yakobe bu mukenji, ne Izrayele bu dilaya dia tshiendelele,

Misambu 55:5

Ndi nzakala amu kuzakala. Bowa bua lufu budi bunkuata.

Yeshaya 10:6

Meme kubatuma bua kuluisha tshisamba tshidi tshimbenga. Meme kubambila bua kubunda tshisamba tshidi tshimfikisha munda. Meme kuanyisha bua biibe, bapawule bantu aba, babadiatakaje bu bitotshi bia mu njila.

Yeshaya 30:9

Eyowa, tshisamba etshi ntshia bantu batomboke. Badi basue kuikala bana banyi, kadi badi bena dishima. Bualu badi babenga kumvua, tshindi meme Maweja-Nangila mbalongesha.

Yeshaya 33:8

Njila idi munda mutupu. Bantu kabena bapitshilamu. Muena tshikisu mmupule ndondu, mubenge mikanda idi imujadika. Muoyi wa muntu kawena ne mushinga ku mesu ende.

Yeshaya 50:1

Maweja-Nangila udi unuebeja ne: Nudi nuamba ne: ndi mubenge Yerushalayime, mamuenu, kadi mukanda udi ujadika mundi munubenge wepi? Meme munusumbishe, munutume ku bupika, bua meme kufuta mabanza, kadi ndi munutume kudi nganyi? Eyowa, bavua banusumbishe bua malu enu mabi, bavua babenge mamuenu bua buntomboji buende, bua buntomboji buenu.

Yeshaya 9:17

Eyowa, bubi budi butampakana kudi bantu bu kapia katua ku tshisuku, kalambuluka mu ditu, kajuula muishi mupite bungi bu mavuba.

Yirmeya 11:10

Badi benzamalu mabi avua bankambua babu benza, kabayi banteleja. Badi banemeka mvidie ya bantu ba bisamba bikuabu, bayitendelela. Nenku bena Yuda ne bena Izrayele mbanyange ndondu umvua mutue ne bankambua babu.

Yirmeya 50:5

Nenukebe njila udi muye ku Siyone. Bualu ke muaba unudi nuenda nukeba. Nenufike kundi bua meme kutua nenu ndondu wa kashidi, unudi kanuyi mua kupua muoyi tshiendelele.

Yezekiyele 16:59

“Teleja tshindi meme Maweja-Nangila Mvidi Mukulu ngamba ne: kuena munemeke malaya auvua mulaye. Kadi udi munyange ndondu wetu. Nanku nenkunyoke bilondeshile biuvua muenze.

Yezekiyele 20:13

Kadi bena Izrayele bavua bantombokela mu tshipela. Bavua balengulula mikenji yanyi. Bavua bapepeja meyi anyi adi afikisha muntu udi walama ku muoyi. Bavua banyange bikole dituku dia Dikisha. Nanku meme kuela meji tshiakabidi a kubajikijila tshiji tshianyi mu tshipela bua kubabutula.

Yezekiyele 20:24

Mvua muditshipe nanku, bualu kabavua balame meyi ne mikenji bianyi, kabavua banemeka dituku dia Dikisha. Kadi bavua batendelela mvidie mibi ya batatuabu.

Yezekiyele 37:26

Nentue nenu ndondu bua kunupesha bupole bua kashidi. Nemvudije bantu benu. Nenteke nzubu wanyi munkatshi muenu kashidi.

Danyele 7:25

Neadiwule Mvidi Mukulu, Muena kulu, ne meyi a kapeja. Neakengeshe tshisamba tshia tshijila. Neapangidije bua kushintulula bikondu ne mikenji bia tshisamba tshia tshijila. Nebafile tshisamba tshia tshijila mu bianza biende, bua atshikokeshe bidimu bisatu ne tshitupa.

Danyele 9:10

Katuvua bakuteleje, pauvua ututumina diyi kudi bambi, bena mudimu bebe, ulomba bua tutumikile mikenji yebe.

Danyele 9:5

Tuvua babenge kuitaba diyi diebe. Tuvua benze malu mabi. Tudi bena tshibawu. Tuvua bakutombokele. Tuvua babenge mikenji yebe.

Osheya 6:7

Kadi, nuenu bena Izrayele, panuvua mu tshimenga tshia Adame, nuvua bambenge, banyangakaje ndondu utuvua batue nenu.

Lewitiki 20:22

Maweja-Nangila kuamba kabidi ne: “Nulame meyi anyi ne mikenji yanyi bimpe, nuyilonde. Nanku ditunga dindi nnupa bua kusomba, kadiakunubipilato.

Lewitiki 26:35

Eyowa, buloba nebuikishe bua bukumbaje bungi bua bikondu bimuma kanuyi babuikishishe, diba dinuvua basombamu.

Mika 2:10

Jukayi! Umukayi! Dikisha dienu diajiki! Malu mabi anuvua benze, neanukebele makenga makole mapite!”

Luke 1:6

Bonsu babidi bavua bakumbaja bivua Mvidi Mukulu musue, batumikila bimpe menemene mikenji yonsu ne meyi onsu bia Maweja-Nangila.

Dielulula 32:15

Yeshurune mumane kudia mukute, mumane kudiunda, kusenena, kulengulula Mvidi Mukulu uvua mumufuke, kupetula mulami wende ne mupandishi.

Dielulula 32:20

Ke Maweja-Nangila kuamba ne: “Tshiena mua kutekemena kudi bena Izrayele to. Kabena ne kanemu nansha kakese to. Tshiena musue kubalama kabidi to. Nemmone bidi mua kubenzekela.

Ebrewu 13:20

Mvidi Mukulu uvua mubishe ku lufu Mfumu wetu Yezu, udi mulami munene wa mikoku, ku mashi a mulambu wende, adi ajadika ndondu wa tshiendelele.

Ebrewu 9:1

Ndondu wa kumpala uvua ne mikenji milongolola bua kutendelela Mvidi Mukulu, uvua kabidi ne nzubu wa Mvidi Mukulu wa pa buloba.

Yoshua 23:16

Nuenu banyange ndondu uvua Maweja-Nangila mutume diyi bua kunemeka, nuenu biname kumpala kua mvidie ya bantu benyi bua kuyitendelela, Maweja-Nangila neanufuile munda, anujimije lukasa mu ditunga edi dimpe, didiye mumane kunupa.

Yoshua 24:25

Dituku adi, Yoshuwa kutua ndondu ne bena Izrayele ku Shekeme. Kubajadikilaye meyi ne mikenji bia nsombelu muimpe.