Yeshaya 24:2 - MUKANDA WA MYIDI MUKULU

² Bualu bua mumue budi bukuata batuangaji ne bantu bakuabu, bukuata bamfumu ne bapika babu, bukuata bamamu ba nzubu ne bena mudimu babu, bukuata basumbishi ba bintu ne badi basumba, bukuata basombeshanganyi ba bintu ne badi basomba bintu, bukuata bangatshi ba kasombela ne bafidi ba kasombela.

Mukanda wa Nzambi Dihungila Dikulukulu ne Dihungila Dihia-dihia 2003

² Mu dituku adi, bu mudibo benzela bantu mbu mudibo benzela bakuidi; bu mudibo benzela muhika mulume mbu mudibo benzela nfumu wandi; bu mudibo benzela muhika mukashi mbu mudibo benzela nfumu wandi mukashi; bu mudibo benzela musumbi wa bintu mbu mudibo benzela muhanyi wa bintu; bu mudibo benzela musombeshanganyi mbu mudibo benzela muena dibanza; bu mudibo benzela muangatshi wa kasombela mbu mudibo benzela mutentekedi wa kasombela.

Yeshaya 24:2 교차 참조

Genese 41:50

Tshiyole tshia nzala katshiyi tshianji kuenzeka, Yozefe kulela bana ba balume babidi ne mukajende Asnate, muana wa Potifera, mutuangaji wa mu tshimenga tshia One.

2 Kulondolola 36:20

Mukalenga Nebukadnesare kuangata bantu bavua kabayi bafue mu mvita, kuya nabu muende mu Babilone. Kushalabu bapika bende ne ba ndelanganyi yende, too ne ku dibuela dia bena Persa mu bukalenga.

Yeshaya 2:9

Ke padi bantu bonsu ne bua kuinama, kudia lupuishi. Kadi wewe Maweja-Nangila, kubajudi to.

Yeshaya 24:3

Mu buloba nemushale mutupu bulelela. Nebabutule buloba bujima. Bualu Maweja-Nangila udi wamba ne:

Yeshaya 28:7

Nansha batuangaji ne bambi, badi batenkakana, bakuatshika maluvu makole. Bavua banua maluvu makole mapite bungi, kabayi nansha mua kuimana kulu, lungenyi luabu lujimina. Bambi badi bamona malu, kabayi mua kuajingulula. Batuangaji badi bakosa bilumbu, batatakana, badishinda panshi.

Yeshaya 5:15

Nanku bantu bonsu nebiname badia buloba. Nansha muntu muena ditambisha, neinyike mesu panshi.

Yirmeya 41:2

Ishemayele kujuka musangu umue, ne bantu bavua bamufila, kutapabu Ngedaliya ne muele, kumushipa. Yeye ke uvua mukalenga wa Babilone muteke bua kulombola ditunga dia Yuda.

Yirmeya 42:18

Yirmeya kuamba kabidi ne: — Maweja-Nangila wa bukole buonsu, Mvidi Mukulu wa Izrayele, udi wamba ne: “Mvua mufikile bena Izrayele munda bikole. Nuenu kabidi nennufikile munda panudi nuya mu Ejipitu. Diba edi nebanuteke tshilejilu tshia tshintu tshibi tshidi tshikuatshisha bantu bowa, tshienza bundu. Nuenu mene kanuakumona kabidi ditunga edi to.”

Muadi 4:13

Tshipupu etshi ntshienzeke bua bilema bia bambi, ne bua mibi ya batuangaji. Bavua bashipe bantu bakane munkatshi mua tshimenga.

Muadi 4:16

Maweja-Nangila nkayende ke uvua mubamuangalaje. Kena musue kubamona kabidi. Kabavua banemeka batuangaji, nansha bantu bakulakaje.

Muadi 4:6

Bubi bua tshisamba tshianyi mbupite bua bena tshimenga tshia Sodome, tshivuabu babutule diakamue, kakuyi bantu basumpakane bua kutshisungidila.

Osheya 4:9

Batuangaji ne bena Izrayele, nembanyoke mushindu umue. Nembanyoke bua buenzayi buabu, nembakengeshe bua bubi buabu.