Yeshaya 24:12 - MUKANDA WA MYIDI MUKULU

¹² Mu tshimenga mudi mushale amu nzubu minyanguke. Tshiibi tshia tshimenga ntshitshibulukangane tshionsu.

Mukanda wa Nzambi Dihungila Dikulukulu ne Dihungila Dihia-dihia 2003

¹² Mu musoko mudi mushala dibutuka, ne tshibuelelu tshiau tshiakubutudibua, tshiakutshihuka bituha bituha.

Yeshaya 24:12 교차 참조

Yeshaya 14:31

Nuenu bena bimenga bidibu bakoleshe ne bimana, dilayi muadi, elayi mbila mikole. Bena Peleshete bonsu kabena mua kutekemena kabidi tshia nsongu. Baluishi badi bafuma luseke lua ku mutu kua ditunga, bafuane divuba dia muinshi. Baluishi bonsu badiku, muena mvita nansha umue kena mushale to.

Yeshaya 32:14

Nzubu wa mukalenga mmushale mutupu, tshimenga, tshivua bantu tente, tshikadi tshipela. Mukuna wa Ofele, ne kaleya ka batentekedi, mbishale dikolu kashidi. Nyama ya mpunde ya ditu ikadi inayilamu, bimuna bikadi bikebelamu biakudia biabi.

Yeshaya 32:19

Mabue a mvula nealoke bikole muitu, mua baluishi babu, tshimenga tshiabu netshidine mu mayi.

Yeshaya 45:2

Meme ndi ngenda kumpala kuebe, bua kumusha bionsu bidi mua kukujingakaja, kutshibula biibi bia tshiamu tshikunze, kuzaza milonda ya kupayika nayi biibi.

Yirmeya 9:11

Muntu udi ne meji makumbane, bua kutujinguluila bualu ebu udiku anyi? Pikala Maweja-Nangila mumumanyishe bualu ebu, atuandamune ne: ditunga ndinyanguke bua tshinyi? Didi dishale anu tshipela, muntu kayi upitshilamu bua tshinyi?

Muadi 1:1

Eyi, monayi tshimenga etshi, tshivua kale ne bantu ba bungi, kabidi ne lumu lunene munkatshi mua bisamba bikuabu, tshidi mpindiewu bu mukaji mukamba! Kale, Yerushalayime uvua mukalenga mukaji, utumina bisamba bikuabu diyi. Lelu bisamba abi mbimukuate ku bupika.

Muadi 1:4

Njila idi ifumina ku Siyone idi ne madilu, bualu bantu kabena bafika kabidi ku bibilu bia disanka. Biibi bia Siyone bidi buashi. Batuangaji bende badi batua mikemu. Nsongakaji yende mmibungame. Malu onsu adi mamubipile!

Muadi 2:9

Biibi bia tshimenga kupuka. Mvidi Mukulu kutshibula milonda ya kukanga nayi biibi abi. Mukalenga ne balombodi ba mu bukalenga buende, badi mu bianza bia bantu ba bisamba bikuabu. Kakuena muntu udi mua kuamba tshidi Mvidi Mukulu musue; nansha bambi mene kabatshiena bapeta mukenji wa kudi Mvidi Mukulu.

Muadi 5:18

bualu mukuna wa Siyone mmukudimuke tshipela, mmuandamuke tshisombelu tshia nyama ya mibuabua.

Mika 1:12

Badi basomba mu Marote, badi bazakala bua bintu biabu bidibu mua kujimija. Dikenga didi Maweja-Nangila utuma, ndifike ne ku biibi bia Yerushalayime. Nedibuele ne mu ditunga dijima dia Yuda.

Mika 1:9

Mituutu idibu batuuta Samariya, idi imubutula kashidi. Baluishi mbabuele ne mu ditunga dia Yuda, mbafike ku biibi bia Yerushalayime, kudi bantu banyi basombe.

Matayi 22:7

Mukalenga kufika munda bikole. Kutumaye tshiluilu tshiende, bua kushipa bashipianganyi aba, ne kuosha tshimenga tshiabu.