Yeshaya 24:10 - MUKANDA WA MYIDI MUKULU

¹⁰ Tshimenga tshidi tshinyanguke, katshiyi ne bantu ba bungi. Bantu badi bashala, badi badipayila mu nzubu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Musoko wa kabutu wakushimbuka hanshi; bibi bia ku nsubu yonso bidi binshila, bua muntu kabuedimu.

Yeshaya 24:10 교차 참조

Genese 11:9

Badi babikila tshimenga atshi ne: Babele, bualu Maweja-Nangila uvua mubondakajilamu miakulu ya bisamba bionsu. Kabidi uvua mumuangalajilamu bantu pa buloba bujima.

2 Bakalenga 25:4

bena Babilone kupula tshitupa tshia tshimana tshia tshimenga. Butuku, bena mvita ba bena Yuda kunyema. Bena Babilone bavua anu banyungulula Yerushalayime. Kadi, bena mvita ba bena Yuda kuyila mu njila, bapitshila pa tshiibi tshivua pankatshi pa bimana bibidi bia tshimenga, pabuipi ne lupangu lua mukalenga. Diba adi, mukalenga Sedekiya uvua mulonde njila wa ku tshibandabanda tshia musulu wa Yardene.

Yeshaya 23:1

Badi bamanyisha malu adi atangila tshimenga tshia “Tire”. “Nuenu badi benda ne matu mu mayi manene, asayi muadi, bualu bavua babutula tshisabu tshienu, ne nzubu inuvua mua kunyemena, kuikishila.” Amu matu afika, afuma ku tshidiila tshia Kitime, ke bobu kushisha kumanya bualu ebu.

Yeshaya 24:12

Mu tshimenga mudi mushale amu nzubu minyanguke. Tshiibi tshia tshimenga ntshitshibulukangane tshionsu.

Yeshaya 25:2

Wewe uvua mudishimbuile tshimenga, tshishale dikolu, uvua mubutule tshimenga, tshivuabu bakoleshe ne bimana, tshishale munda mutupu kamuyi bantu. Muaba uvua bena ditambisha bakoleshe ne bimana, kautshiena kabidi tshimenga to. Kabena mua kuwibakulula kabidi nansha.

Yeshaya 26:5

Bualu yeye uvua mutulule panshi bantu bavua basombe miaba mitumbuke. Uvua mushimbule, tshimenga tshivuabu kabayi mua kukuata. Uvua mubumbule bimana biatshi, mubilandakaje, mubiele panshi.

Yeshaya 27:10

Mu tshimenga tshivuabu bakoleshe ne bimana, mudi mutupu. Tshimenga tshidi amu bu mu tshipela, kamuyi bantu. Ngombe idi idiamu, ilalamu, ibulukuta mabeji a mitshi.

Yeshaya 32:14

Nzubu wa mukalenga mmushale mutupu, tshimenga, tshivua bantu tente, tshikadi tshipela. Mukuna wa Ofele, ne kaleya ka batentekedi, mbishale dikolu kashidi. Nyama ya mpunde ya ditu ikadi inayilamu, bimuna bikadi bikebelamu biakudia biabi.

Yeshaya 32:19

Mabue a mvula nealoke bikole muitu, mua baluishi babu, tshimenga tshiabu netshidine mu mayi.

Yeshaya 34:11

Tshikololu ne nkese nebisombemu. Tshipungulu ne kanyunyu kadi kafuana tshikololu, nebienzemu masua abi. Maweja-Nangila neapime ditunga, bua kudibutula dijima, bua dishale tshipela, kamuyi bantu.

Yirmeya 39:4

Mukalenga Sedekiya ne bena mvita bende, kunyemabu pavuabu bamone bena Babilone. Butuku buila, kumukabu mu tshimenga. Kupitshilabu ku lupangu lua bukalenga ne ku tshiibi tshivua pankatshi pa bimana bibidi. Pashishe kupitshilabu mu njila uvua mutangile mu tshibanda tshia Yardene.

Yirmeya 39:8

Bena Babilone kuosha nzubu wa bukalenga mu Yerushalayime, ne nzubu mikuabu. Kushimbulabu kabidi tshimana tshia tshimenga.

Yirmeya 52:7

bena Babilone kunyanga tshitupa tshia tshimana tshia tshimenga. Butuku, bena mvita ba bena Yuda kunyema. Nansha muvua bena Babilone banyungulukile tshimenga, bena Yuda kupatukila ku tshiibi tshia pankatshi pa bimana bibidi, pabuipi ne lupangu lua mukalenga. Pashishe kuyilabu ku njila wa ku tshibanda tshia Yardene.

Mika 2:13

Mvidi Mukulu udi upanda njila. Neende kumpala kuenu. Mbamane kunupikula. Nudi nudipandila njila, nupatuka, nuya! Maweja-Nangila mukalenga wenu, ke udi unulombola.”

Mika 3:12

Nanku bualu buenu, Siyone neikale bu budimi, budibu babundulula ne lukasu. Yerushalayime neashale makolu. Mukuna wa nzubu wa Mvidi Mukulu nebaubuikile kudi tshipuka.

Luke 19:43

Matuku neafike adi bena lukuna bebe bakuela munkatshi ne biamu binene bia mvita, bakuluisha, bakufimpakaja nseke yonsu.

Luke 21:24

Nebabashipe ku muele wa nwita. Nebaye nabu mu matunga makuabu onsu, basuika nkanu. Bantu ba bisamba bikuabu nebanyange Yerushalayime, too ne pakumbana tshikondu tshiabu.

Didimanyisha 18:2

Uvua wela diyi dikole, wamba ne: “Eyi, tshimenga ntshibutuke! Tshimenga tshinene tshia Babilone ntshibutuke! Tshikadi mpindiewu muaba udi diabolu ne mikishi mibi ya mishindu yonsu bisombela. Nyunyi mibi ya mikiya ya mishindu yonsu kabidi idi isombamu.