Yeshaya 24:1 - MUKANDA WA MYIDI MUKULU

¹ Maweja-Nangila neanyange buloba, neabushiye tshipela. Udi uvundulula buloba, utangalaja badi basombapu.

Mukanda wa Nzambi Dihungila Dikulukulu ne Dihungila Dihia-dihia 2003

¹ Monai, Yehowa udi wamba kuvuisha buloba butuhu, udi wamba kubuvuisha bu tshihela tshia lusenga, udi wamba kubukudimuna ubutua mutu wabu muinshi, ne kumuangalasha bantu babu kuonso.

Yeshaya 24:1 교차 참조

2 Bakalenga 21:13

Nembutule Yerushalayime, bu mumvua mubutule Samariya ne bena diku dia Akabe. Meme nenshiye Yerushalayime munda mutupu, anu bu mudibu basukula dilonga, pashishe, badibuikija.

Nehemya 1:8

Uvuluke meyi ebe avua Moshe mutuambile ne: “Nuenu kanuyi bangitabe ne muoyi umue, nennutangalaje munkatshi mua bisamba bikuabu.

Misambu 146:9

Maweja-Nangila udi ulama bantu badibu bipata, wambuluisha muana nshiya ne mukaji mukamba, kadi udi unyanga malu adi bantu babi bapangadika mua kuenza.

Yeshaya 13:13

Diulu nedizakale, buloba nebunyungakane, dituku didi Maweja-Nangila muena bukole buonsu, uleja tshiji tshiende.

Yeshaya 13:5

Badi batumina ku matunga a kulekule, muaba udi diulu ne buloba bituangene, bua kuya kunyanga ditunga dijima: ke Maweja-Nangila ne badiye muangate, bua kunyoka bantu ba buloba bujima.

Yeshaya 2:19

Bantu nebabuele mu mbuebue, nebabuele muinshi mua buloba. Nebatshine tshiji tshia Maweja-Nangila, tshidi tshibakuata bowa. Nealeje bunene buende, ne butumbi. Neazakeje buloba bikole.

Yeshaya 24:19

Buloba budi butayika, bupandika, butenkakana bikole.

Yeshaya 24:20

Buloba nebulenduke bu muntu mukuatshike maluvu, nebutenkakane eku ne eku bu kazubu ka bisosa. Nebudishinde panshi, bualu mibi yabu mipite bujitu. Kabuena bujuuka kabidi to.

Yeshaya 27:10

Mu tshimenga tshivuabu bakoleshe ne bimana, mudi mutupu. Tshimenga tshidi amu bu mu tshipela, kamuyi bantu. Ngombe idi idiamu, ilalamu, ibulukuta mabeji a mitshi.

Yeshaya 29:16

Nudi bantu batshimbakane, panudi nuteka diima ne mudifumbi mulongu umue! Tshintu tshidibu benza kudi muntu, katshiena mua kuambila muntu ne: “Udi mungenze ki ngwewe to.” Luesu ludi mua kuambila mulufumbi ne: “Kuena mumanye mudimu wa ditumba anyi?”

Yeshaya 29:2

kadi nenkunyoke! Meme Maweja-Nangila ndi njadika nanku. Neudile muadi, neubungame. Tshimenga tshijima netshikale amu bu tshilambuilu tshitampakane mashi miaba yonsu.

Yeshaya 30:32

Misangu yonsu idi Maweja-Nangila ubatuta, udi amu ubalongesha. Musangu onsu udiye ubakuma, udi ubajija maja, ngoma ne nzenze bidila.

Yeshaya 32:12

Dikumayi bianza pa tshiadi, nudile miadi; jingayi budimi buenu bulenga, ne mionji yenu ya mvinyo ivua ikuama bimpe.

Yeshaya 33:9

Ditunga didi mu madilu, diume, dilakata. Mikuna ya Lebanone idi ifubidila ne bundu. Mpata wa Sarone ukadi tshipela. Mu Bashane ne pa mukuna wa Karmele, mitshi idi idinyuka, mabeji apopoka panshi.

Yeshaya 34:10

kadi katema bufuku ne munya, kabandisha amu kubandisha muinshi mulu. Ditunga nedishale dikolu, muntu kayi upitshilamu, kashidi ne kashidi.

Yeshaya 34:2

Maweja-Nangila udi mufikile bisamba bionsu bia bantu munda. Udi ne tshiji bualu buabi. Maweja-Nangila mmumane kushindika dibutuka diabi. Mmumane kuanyisha bua bifue.

Yeshaya 42:15

Nembutule mikuna minene ne mikese, nengumishe bisosa ne mitshi bidipu. Nengumishe misulu, ishale tshipela. Majiba a mayi neakame.

Yeshaya 5:6

Nebushale lububa: muntu nansha umue kena mua kusolela budimi abu, muntu kena mua kubuipidila kabidi Meba ne mingonga nebitolokemu. Nenkandike mavuba, bua mvula kalokedi kabidi mu budimi ebu.”

Yirmeya 4:7

Nyama wa ntambue kupatuka, ufumina mu tshipuka muvuaye. Mubutudi wa bisamba bia bantu udi mu njila. mMumbuke mu diende ditunga bua kunyangakaja ditunga dienu. Bimenga bienu nebibutuke, nebishale munda mutupu.

Yirmeya 40:15

Ke Yowanane kuya ku Mispa mu musokoku kudi Ngedaliya umukonka ne: — Udi musue bua nye kushipa Ishemayele anyi? Muntu kakumanya bualu to. Katuena mua kuanyisha bua akushipe to. Yeye mukushipe, bena Yuda baudi wewe musangishe nebatangalake tshiakabidi. Bantu bonsu batshidi basomba mu bukalenga bua Yuda nebabutuke!

Yirmeya 50:17

Bena Izrayele bavua bu mikoku mipambuke, ivua nyama ya ntambue ipatshila. Mukalenga wa bena Ashure uvua wa kumpala, uvua muyidie. Pashishe, Nebukadnesare, mukalenga wa bena Babilone, uvua muyitshibule mifuba.

Yirmeya 51:34

“Nebukadnesare, mukalenga wa Babilone, mmundie, mmunsunsule, mmushiye bu dilongu didi munda mutupu. Mmumine bu mudi nyama wa tshidika wenza. Udi muwuje difu tente ne bintu bilenga bionsu bimvua nabi. Pashishe yeye kungimansha.

Yirmeya 9:16

Ke mudi Mvidi Mukulu wa bukole buonsu wamba nanku. Elayi meji ku malu adi enzeka lelu. Nubikile bakaji badi badila. Nutume bantu baye kukeba bakaji badi bamanye mua kudila mu madilu.

Yezekiyele 12:20

Mu bimenga nemushale mutupu, kamuyi muntu. Mpata neyishale tshipela. Nanku nenujadike ne: meme ndi-Maweja-Nangila.”

Yezekiyele 24:11

Pashishe uteke luesu lua munda mutupu pa mbabula, bua lupie, lukunze, bua mikiya idi munda mualu ijike, bua dimoma diumbuke.

Yezekiyele 35:14

“Meme Maweja-Nangila Mvidi Mukulu ndi ngamba ne: Nennuvingutule bua kusankisha bena matunga onsu adi pamue nenu.

Yezekiyele 5:14

Bantu ba matunga adi manunyungulule, ne bonsu badi bapitshila muaba awu, nebamone mundi munyange tshimenga tshia Yerushalayime tshishale tshintu tshianana.

Yezekiyele 5:2

Padi matuku a kuluisha tshimenga ajika, oshile nsuki ya mu tshisumbu tshimue mu kapia, munkatshi mua tshimenga. Wangate ya mu tshisumbu tshibidi, uyikose ne muele webe awu, uyimiamine miaba yonsu ku mpenga kua tshimenga. Tshisumbu tshia ndekelu, umuangalaje nsuki yatshi mulu mu lupepele. Meme Maweja-Nangila nenyipate ne muele wanyi.

Yezekiyele 6:14

Nembaleje bukole buanyi. Nennyange ditunga diabu, nembutule bantu badi basombamu, biangatshile ku luseke lua ku tshipela tshidi kuinshi mu ditunga, too ne ku tshimenga tshia Ribla tshidi ku mutu wa ditunga. Bantu bonsu nebajadike ne: meme ndi Maweja-Nangila.”

Yezekiyele 6:6

Miaba yonsu inudi nusomba, nebabutule bimenga bienu. Miaba yenu ya kutendelela neyishale munda mutupu. Bilambuilu bienu nebinyanguke, bishale bintu bia tshianana. Nebazaze mpingu yenu, bayumbushe. Nebanyange mbabula yenu ya kuoshila manananshi. Bintu bionsu binudi benze nebijimine.

Yezekiyele 7:12

Nshikidilu wafiki. Dituku dia tshilumbuluilu didi pabuipi. Basumbi ba bintu kabena mua kusanka, nansha basumbishi ba bintu kabena mua kunyingalala, bualu ndi mufikile bantu bonsu munda.

Yezekiyele 7:14

Nansha bobu bela mpungi, balongolole mvita, muntu nansha umue kena uya ku mvita, bualu ndi mufikile bantu bonsu munda.”

Nahume 1:5

Mikuna minene idi ikanka kumpala kuende, mikuna mikese idi itenkakana. Padi Mvidi Mukulu umueneka, buloba ne bonsu badi basombapu bidi bizakala.

Nahume 2:10

Pawulayi biamu bitoke bia mushinga mukole, pawulayi mpawungi! Mu tshimenga mudi bintu bia bungi, bia mushinga mukole, bia mishindu yonsu.

Luke 21:24

Nebabashipe ku muele wa nwita. Nebaye nabu mu matunga makuabu onsu, basuika nkanu. Bantu ba bisamba bikuabu nebanyange Yerushalayime, too ne pakumbana tshikondu tshiabu.

Bienzedi 17:6

Bu muvuabu kabayi babasangane, kukuatabu Yazone ne bena ditaba bakuabu, kuyabu babapulumuna kumpala kua bamfumu ba tshimenga, bela mbila ne: — Bantu aba mbatombole bantu miaba yonsu. Mpindiewu bakadi muetu munu!

Dielulula 28:64

Pashishe neanumuangalaje miaba yonsu, munkatshi mua bisamba bia bende bidi pa buloba bujima. Neatendelele mpingu ya mvidie ya mabue, ne ya mitshi misonga, inudi kanuyi banji kumanya ku bankambua benu too ne mpindiewu.

Dielulula 32:26

“Mvua musue kubutula bena Izrayele bonsu, kabayi mua kubatela kabidi pa buloba.

Dielulula 4:27

Maweja-Nangila neanutangalaje munkatshi mua bisamba bikuabu. Kadi mu matunga ikalaye munutume awu, nenuikale anu bakese.

Yakobe 1:1

Meme Yakobe, muena mudimu wa Mvidi Mukulu ne wa Mfumu Yezu Kristu, ndi ngela bantu bonsu ba Mvidi Mukulu badi batangalake pa buloba bujima mioyi.