Yeshaya 23:3 - MUKANDA WA MYIDI MUKULU

³ mu mayi manene.” Bena Sidone badi basumba, basumbisha, bionsu bidibu bamiamina, banowa ku muelelu wa Nile. Amu bobu bena Sidone, ke badi bangata bintu, bidibu bapana mu bisamba bionsu.

Mukanda wa Nzambi Dihungila Dikulukulu ne Dihungila Dihia-dihia 2003

³ maminu a ku Shihô akadi luhetu luabo, bia kudia biakahuolabo ku luseke lua musulu wa Nile; musoko au wakadi tshisalu tshia bisamba bia bantu.

Yeshaya 23:3 교차 참조

1 Kulondolola 13:5

Davide kubikidisha bena Izrayele bonsu, biangatshile ku bavua basomba kuinshi mu ditunga ku mikalu ne bena Ejipitu, too ne ba ku mutu mu ditunga, ku tshimenga tshia Lebo-Amate. Uvua mubabikile bonsu bua kuya kuangata mushete wa tshijila mu tshimenga tshia Kiriyate-Yeyarime.

Yeshaya 19:7

amu bu mudi bisosa bia ku muelelu wa mayi, muaba udi musulu wa Nile uya kudiela mu mayi manene. Madimi onsu, avua musulu wa Nile mufukishe, akadi munda mutupu, lupepele lumana kuambula bivuamu. Kamuena mushala kabidi tshintu to.

Yeshaya 23:8

Tire ke uvua wabanya makalenga. Bangenda mushinga bende ke bavua balombodi ba matunga. Bapanyishi bende ba bintu, ke bavua bantu banemeka. Kadi udi mujadike bua kubutula Tire nnganyi?

Yeshaya 32:20

Kadi bantu ba Maweja-Nangila nebikale bena diakalenga. Nebakune biakudia biabu ne disanka, bualu mayi neikale mavule. Ngombe ne mpunde nebiendakane miaba yonsu kakuyi bualu, bua bungi bua biakudia bidi mu ditunga.

Yirmeya 2:18

Mpindiewu, nudi nuya kuenza tshinyi mu Ejipitu? Nudi nuya kunua mayi a musulu wa Nile anyi? Nudi nuya kudi bena Ashure bua tshinyi? Bua kunua mayi a mu musulu wa Perate anyi?

Yezekiyele 27:33

Pavuabu bapatule mu majuwa ebe bintu biuvua musumbishe, bantu ba bungi bavua babipeta. Bakalenga ba pa buloba kupeta bubanji, ku biuma biebe ne ku bintu biuvua wenda usumbisha.

Yezekiyele 28:4

Udi mupete biuma, bualu udi ne lungenyi, mumanye malu. Udi ne tshiamu tshitoke tshia mushinga mukole ne tshiamu tshia mpawungi tshipite bungi.

Yowele 3:5

Nanku muntu yonsu udi utela dina dia Maweja-Nangila, nebamusungidile. Bualu bamue nebapanduke ku dikenga mu Yerushalayime ne pa mukuna wa Siyone, bu muvua Maweja-Nangila mumane kulaya. Ke bantu badiye usungidila, bua bapete muoyi.

Dielulula 11:10

Ditunga dinudi nukuata mpindiewu, kadiena bu ditunga dia Ejipitu dinudi bumuke to. Bualu mu Ejipitu, panuvua nukuna ntete, nuvua numbula mikidi bua kufikishisha mayi mu budimi amu, bu mudibu benza mu lupangu lua biseki.

Yoshua 13:3

mmumue ne: ditunga didibu batangila bu dia bena Kenaane, biangatshile ku musulu wa Shikore, ku mikalu ne Ejipitu, too ne ku ditunga dia Ekrone ku mutu wa ditunga. Ke mudi bakalenga batanu ba bena Peleshete. Bimenga biabu binene bia bukalenga: ke Ngaza, Asdode, Askalone, Ngate ne Ekrone. Mudi kabidi ditunga dia bena Avi,