Yeshaya 22:6 - MUKANDA WA MYIDI MUKULU

⁶ Bena mvita ba bena Elame bisumbu ne bisumbu, badi bambula mata ne mikete; bakuabu badi babanda mu matempu, babanda pa nyama ya tubalu. Bena mvita ba bena Kire badi balongolola ngabu yabu.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Bena Elama bakambula nkaha ya mikete, bakalua ne bena makalu ne babandi ba ha nyima ha tubalu; Bena Kî bakasulula tshibuikilu tshia ha ngabu.

Yeshaya 22:6 교차 참조

Genese 10:22

Bana ba balume ba Sheme badi: Elame, Ashure, Arpakshade, Lude ne Arame.

2 Bakalenga 16:9

Mukalenga wa bena Ashure kukumbaja bionsu bivua Akaze mulombe. Kuyaye kuluisha tshimenga tshia Damase, kutshikuata, kuya ne benatshi mu bupika ku Kire. Kadi, kushipeshaye Reshine, mukalenga wa bena Arame.

Yeshaya 11:11

Dituku adi Maweja-Nangila neenze tshiakabidi muende muonsu, bua kupikula bantu bende. Neapingaje kuabu bavua bashale ne muoyi mu ditunga dia Ashure ne dia Ejipitu, mu ditunga dia Patrose ne dia Kushe, mu Elame ne mu Babilone, mu Amate wa bena Arame, ne mu matunga a ku muelelu wa mayi manene.

Yeshaya 15:1

Badi bamanyisha malu adi atangila bena “Mowabe.” Butuku bumue badi babutula tshimenga tshia Are tshidi mu ditunga dia Mowabe. Bantu badi bapuwa, bibatonda. Butuku bumue badi babutula tshimenga tshia Kire, tshidi mu ditunga dia Mowabe, bantu bapuwa bibatonda.

Yeshaya 21:2

— Maweja-Nangila kundeja mu tshilota, bualu bua dikema, buenza bowa. Uvua wamba ne: “Bakengeshanganyi badi amu bakengeshangana, babutudianganyi badi amu babutulangana. Bena Elame, bangayi mvita! Bena Madayi, luishayi tshimenga! Tshiena musue bua bena Babilone batuishe kabidi bantu mikemu.”

Yeshaya 22:7

Wewe Yerushalayime, bena matempu ne bena tubalu, mbabuele mu bibandabanda biebe bilengela. Mbele mualu wa mvita ku tshibuelelu tshiebe.

Amosa 1:5

Nentshibule mabaya adibu bapayika nawu biibi bia mu tshimenga tshia Damase. Nenshipeshe bantu badi basombamu, kabidi ne mukalenga wa tshimenga tshia buenzayi atshi, mulombodi wa musoku wa masanka mabi awu. Bena Arame badi basomba mu ditunga, nebaye nabu mu bupika ku Kire. Meme Maweja-Nangila, ndi njadika nanku.”

Amosa 9:7

Maweja-Nangila udi wamba ne: “Bena Izrayele, nudi nuela meji ne: mushinga wenu ku mesu anyi, udi upita wa bena Kushe anyi? Nudi nuamba bimpe ne: ndi munupatule mu Ejipitu! Kadi bena Peleshete tshiena mubapatule mu Kaftore, ne bena Arame mu Kire anyi?”