Yeshaya 22:5 - MUKANDA WA MYIDI MUKULU

⁵ Bualu lelu, Maweja-Nangila, Mvidi Mukulu muena bukole buonsu, mmututshiompakaje.” Mbalutshimune, tuetu kutangalaka mu tshibandabanda, muaba udi Mvidi Mukulu uleja malu, kudila muadi mukole.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Bualu bua edi ndituku dia tshintompatompa, dia kudiata bantu muinshi mua makasa, dia kulubakana kua mitshima, difume kudi Mukelenge, Yehowa wa misumba, mu tshibanda tshia tshikena kumona; ndituku dia kushimbula ngumbu ya musoko, ne dia muadi udi ufika tô ne ku mikuna.

Yeshaya 22:5 교차 참조

2 Bakalenga 19:3

Kuyabu kuambila muambi Yeshaya ne: “Mukalenga Izkiya udi wamba ne: Lelu ndituku dia kutukengeshabu, kutunyoka, ne kubifuisha bundu. Bu mudibu bamba ne: muana ukadi pabuipi, kadi mamuende kena ne bukole bua kulela to.

2 Bakalenga 25:10

Bena mvita ba bena Babilone, bavua ne mfumu wa bena mvita, kupulabu bimana bivua binyunguluke Yerushalayime.

Estere 3:15

Bantu bavua mukalenga mutume kuya lukasa. Pashishe kumanyishabu bantu bonsu bavua basomba pa mukuna wa Shushane bualu. Diba adi, mukalenga ne Amane kuya kunua maluvu, kadi bena mu tshimenga tshia Shushane bavua ne kanyinganyinga kakole.

Yeshaya 10:6

Meme kubatuma bua kuluisha tshisamba tshidi tshimbenga. Meme kubambila bua kubunda tshisamba tshidi tshimfikisha munda. Meme kuanyisha bua biibe, bapawule bantu aba, babadiatakaje bu bitotshi bia mu njila.

Yeshaya 22:1

Badi bamanyisha malu adi atangila bena “Tshibandabanda, muaba udi Maweja-Nangila uleja malu.” Yerushalayime, tshidi tshienzeka muebe nanku ntshinyi? Tshidi bantu bebe bonsu babandila ku misaka ya nzubu ntshinyi?

Yeshaya 25:10

Tshianza tshia Maweja-Nangila, tshidi tshilama bimpe mukuna wa Siyone!” Kadi nebadiatakaje bena Mowabe. bu bisosa bidibu badiata ku makasa, mu tshiina tshia bufuke.

Yeshaya 37:3

Kuyabu kuambila muambi Yeshaya ne: “Mukalenga Izkiya udi wamba ne: — Lelu ndituku dia kutukengeshabu, dia kutunyokabu, ne kutufuishabu bundu. Bu mudibu bamba ne: muana ukadi pabuipi, kadi mamuende kena ne bukole bua kumulela to.

Yeshaya 5:5

Kadi mpindiewu, ndi nnuambila tshindi musue kuenzela budimi buanyi. Nentule lupangu lua meba lumvua muaseku, nyama neidiemu. Nengupule tshimana tshia lupangu. Bantu badi bapita ne njila nebabudiatakaje.

Yeshaya 63:3

— Eyowa, ndi mukame tumuma mu tshiamu nkayanyi. Tshivua ne muena kuetu nansha umue uvua ungambuluisha. Mvua ne tshiji ne lonji. Meme kudiata bantu, kubatua miseba. Mashi abu avua mansampukile ku bilamba, ke mudi bilamba bianyi ne makeji makunze nanku.

Yeshaya 63:6

Meme kuzaaza bantu, bualu mvua ne tshiji. Meme kubalembakaja ne tshiji tshianyi, kutangalaja mashi abu panshi.

Yirmeya 30:7

Dituku dia dikenga didi dienda disemena pabuipi. Kakuena dikuabu bu diodi. Makenga neikale miaba yonsu munkatshi mua ndelanganyi ya Yakobe. Kadi nebashale ne muoyi!

Muadi 1:5

Baluishi bende mbamupite bukole. Badi bamutshimuna mbasombe talalaa. Maweja-Nangila ke udi ukengesha Siyone, bualu malu ende mabi adi a bungi. Badi bamutshimune badi basaka bana bende, baya nabu mu bupika.

Muadi 2:2

Maweja-Nangila kubutula buloba bua bantu bende, kayi luse. Bua tshiji tshiende, kushimbulaye bimenga bia Yuda, bivuabu bakoleshe ne bimana. Kunyangaye bukalenga, kufuishaye balombodi babu bundu.

Muadi 2:8

Maweja-Nangila uvua mushindike bua kubutula bimana bia Yerushalayime. Kubiupulaye bionsu, kulandakaja. Tshibumba ne bimana kuela muadi, bionsu kupuka musangu umue.

Yezekiyele 7:7

Nuenu bena ditunga, mbamane kulongolola kabutu kenu. Tshikondu tshia ndekelu tshikadiku! Dituku dia tshilumbuluilu dikadi pabuipi. Pa mikuna mbila ya disanka neyijike. Bowa nebubuele miaba yonsu.

Osheya 10:8

Miaba yonsu ya tshijila, ivua bena Izrayele benza malu mabi, mminyanguke. Tshisuku ne meba a mingonga mbibuikile bilambuilu biabu. Musangu awu, nebambile mikuna minene ne mikese ne: “Nutubuikile! Nutupukile.”

Mika 7:4

Bu mu mionji ya mpesa tshisumbu, kamuena bualu buimpe nansha bumue munkatshi muabu. Nansha muntu wa kudibu udi ubenga malu mabi, udi mubi mupite lupangu lua mingonga. Kadi dituku dia kununyoka, divua bambi benu banubela nadi, dikadi disemena pabuipi. Bowa mbumane kunukuata.

Sefanya 1:15

Dituku adi nedikale dia tshiji, dia dikenga ne kanyinganyinga, dia kubutula ne kushidisha. Dituku adi nedikale dia midima mikole, dia mavuba ne mabungi.

Matayi 24:16

Diba adi, badi mu Yudeya, baye kusokoma mu mikuna.

Luke 23:30

Diba adi bantu nebambile mikuna minene ne: “Nutupukile!” Nebambile mikuna mikese ne: “Nutujibikile!”