Yeshaya 22:17 - MUKANDA WA MYIDI MUKULU

¹⁷ Wewe udi udimona bu muntu udi ne bukole, kadi Maweja-Nangila neakuele panshi, ku tshisusu amu tshimue. Neakusuike bikole bu kabuki.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Mona, wewe muntu mukole, Yehowa neakuhidie kule ne bukole buandi buonso. Neakukuate bikole,

Yeshaya 22:17 교차 참조

Estere 7:8

Amane kudiela mu nkuasa wa tshisaka, muaba uvua Estere musombele. Diba adi mukalenga kufika mu nzubu wa didia, utumina mu lupangu. Kuelaye diyi ne: — Mulumiana ewu udi musue kabidi kuibidila mukajanyi pambidi ku bukole, bua kumufikisha ku bubi, mu nzubu muanyi, meme mutangile anyi? Amu mukalenga wamba miaku ayi, bena mudimu kusuika Amane tshilamba ku mesu.

Yobe 9:24

Padi ditunga mu bianza bia muena tshikisu, Mvidi Mukulu udi ufofamija mesu a bakoshi ba nsambu. Padiye kayi muenze nanku, mukuabu udi mua kuenza nanku nnganyi?

Yeshaya 22:16

Bumfumu buudi nabu muaba ewu mbumfumu kaayi? Bulela buudi nabu apa mbulela kaayi? Udi udiumbuila lukita, udiumbuila majambu pa mukuna, udiumbuila webe muaba wa ndekelu munda mua lubuebue bishi?

Yeshaya 22:18

Neakuele kule, mu ditunga dialabale, amu bu mudibu bela ndundu wa dinaya nende. Muaba awu ke uwafuila, neufuilemu, pabuipi ne matempu ebe audi uditemba nawu, bualu udi munyange lumu lua lubanza lua mfumuebe!

Yirmeya 10:18

Maweja-Nangila udi wamba ne: Mpindiewu mona, nengipate bantu bonsu badi mu ditunga. Nembatutshishe bikole kabakupanda to.

Yirmeya 14:3

Bamfumu badi batuma bena mudimu babu bua kusuna mayi, Padibu bafika ku biina bia mayi, badi babisangana kamuyi mayi nansha makese. Badi bapingana bapungile, bapampakana, binyike mitu panshi, bipanza bia mayi munda mutupu.