Yeshaya 22:12 - MUKANDA WA MYIDI MUKULU

¹² Dituku adi, Maweja-Nangila, Mvidi Mukulu muena bukole buonsu, uvua munubele bua nudile muadi, bua nunyingalale, nubeye nsuki, nuvuale bilamba bia mu madilu.

Mukanda wa Nzambi Dihungila Dikulukulu ne Dihungila Dihia-dihia 2003

¹² Mu dituku adi Mukelenge, Yehowa wa misumba, wakanubikila bua kudila ne bua kuasa madilu, bua kubeya nsuki yenu ne bua kudiluatshisha bilulu bikayabala;

Yeshaya 22:12 교차 참조

2 Kulondolola 35:25

Muambi Yirmeya kuenza kasala ka madilu a lulu lua Yoshiya. Biangatshile musangu awu, too ne ku lelu, bimbi ba misambu, balume ne bakaji, bonsu badi bimba, batela dina dia Yoshiya mu miadi yabu. Bikadi bishale tshibidilu mu Izrayele. Badi bafunde Miaku ya Misambu eyi mu mukanda wa Miadi.

Ezela 9:3

Pangumvu miaku ayi, meme kupanda tshinkutu tshianyi ne bilamba bianyi. Meme kuditula nsuki ne miedi. Meme kusomba mubungame bikole.

Nehemya 9:9

Wewe kutangila bankambua betu, kumona muvuabu babakengesha mu Ejipitu. Wewe kumvua muvuabu bela mbila ku muelelu wa Mayi manene makunze, bakusengelela bua ubambuluishe.

Yobe 1:20

Ke Yobe kujuka, kupanda tshinkutu tshiende, kubeya nsuki, kudishinda mutue mpala panshi.

Muambi 3:11

Bionsu bidi Mvidi Mukulu muenze bidi bimpe, udi ubikumbaja ne tshikondu tshiabi. Uvua mutupeshe kabidi ne dijinga dia kumanya bia kale ne bitshidi kumpala. Kadi katuena mua kujingulula bionsu bidi Mvidi Mukulu wenza, biangatshile ku ntuadijilu too ne ku ndekelu nansha.

Muambi 3:4

Kudi tshikondu tshia kudila muadi, ne tshikondu tshia kuseka, tshikondu tshia kutua mikemu, ne tshikondu tshia kuja maja.

Yeshaya 15:2

Bena mu Dibone badi baya muaba wabu wa tshijila bua kudila. Bena Mowabe kuela miyenga, pa mukuna wa Nebo ne mu tshimenga tshia Medeba. Badi bakungula mu mitu, babeya miedi.

Yeshaya 26:10

Kadi padibu bafuile benji ba bibi luse, kabena balonga bidibu ne bua kuenza to. Nansha mu ditunga edi mudi bantu bakutshina, badi benza amu bibi, kabayi bavuluke muudi wewe Maweja-Nangila ne bukole.

Yeshaya 29:1

“Eyi, Ariyele, Ariyele we, tshimenga tshia Yerushalayime, muaba uvua Davide muase mitanda yende, udi muena diakabi! Matuku onsu wewe kuenza amu bibilu, ku tshidimu ku tshidimu,

Yeshaya 3:24

Pa mutu pa kununka mupuya muimpe wa manananshi, nebanunke mupuya mubi wa bintu bibole. Pa mutu pa mukaba, nebavuale anu muonji. Pa mutu pa kulukisha nsuki bimpe, nebakungule mu mutu. Pa mutu pa bilamba bilenga, nebavuale bia madilu. Eyowa, bulenga buabu nebuandamuke bundu.

Yeshaya 32:11

Nuenu bakaji badi kabayi basumpakena tshintu, zakalayi, nuenu bana ba bakaji badi benda bu badi kabayi ne lutatu, nusumpakane. Vulayi bilamba bienu, vualayi bilamba bia madilu mu tshimonu.

Yeshaya 37:1

Mukalenga Izkiya mumane kumvua bionsu bivuabu bambe, kudipandaye bilamba biende. Kuvualaye bilamba bia madilu. Kuyaye mu nzubu wa Maweja-Nangila.

Yeshaya 37:2

Kutumaye diakamue Eliyakime, mulombodi wa nzubu wa bukalenga, Shebna, mufundi, ne bakulu ba batuangaji, kudi muambi Yeshaya, muana wa Amose. Bantu abu kuvuala kabidi bilamba bia madilu.

Yeshaya 58:3

Kadi badi bankonka ne: “Mutuajila biakudia mmunyi, paudi kuyi utumona? Mutuadikengesha mmunyi, paudi ulengulula bualu ebu?” Nenku meme kuandamuna ne: Tangilayi mene tshinudi nuenza: nansha nuenu bajile biakudia, nudi nukeba kudisankisha amu nuenu nkayenu. Nudi nukengesha bena mudimu benu.

Yirmeya 16:6

Nanku, mu ditunga edi bantu bonsu, bena biuma ne bapele, nebafue. Bantu kabakubajika, kabakubadila. Kakuakuikala muntu udi mua kunyingalala, kuditapa mputa pambidi, nansha kudibeya nsuki.

Yirmeya 16:8

Kuena mua kubuela kabidi mu nzubu udibu benza tshibilu. Kuena mua kusomba bua kudia nansha kunua ne bantu badibu babikila.

Yirmeya 4:8

Vualayi bilamba bikayapale, nudile miadi, nudituute bianza pa tshiadi. Bualu Maweja-Nangila utshidi ne tshiji, unulondakaja ne tshiji tshiende tshikole.

Yirmeya 7:29

Maweja-Nangila kuamba ne: Nuenu bena Yuda, beyayi nsuki yenu mile, idi ileja munudi bantu ba tshijila, nuyimanshe. Asayi miadi pa mikuna idi kayiyi ne tshintu. Bualu nuenu bena tshikondu etshi, nudi bamfikishe munda. Ndi munubenge. Tshiena nenu kabidi ne bualu to.

Yezekiyele 27:31

Bavua babeya nsuki bualu buebe, bavuala bilamba bikayabale. Bavua babungama, bakudila, batua mikemu bikole.

Danyele 5:1

Dituku dikuabu, mukalenga Baltazare kulongoluela bantu banene tshinunu ba mu bukalenga buende didia dinene. Kunuaye nabumaluvu.

Osheya 9:1

Nuenu bena Izrayele, kanuena mua kuenza tshibilu, nansha kusanka, mudi bisamba bikuabu bienza. Bualu nudi balekela Mvidi Mukulu wenu, nutendelela mvidie ya patupu. Miaba yonsu idibu bashipule ntete ya bukula, nudi nukeba difutu dia ku buenzavi buenu.

Yowele 1:13

Nuenu batuangaji, vualayi bilamba bia mu madilu! Nuenu badi benza mudimu ku tshilambuilu, dilayi! Nuenu bantu ba Mvidi Mukulu wetu, luayi, bungamayi butuku bujima! Bualu milambu ya ntete, nansha ya maluvu, kabatshiena bafika nayi mu nzubu wa Mvidi Mukulu.

Yowele 1:8

Asayi muadi, mudi mukaji utshidi nsongakaji wenza mu madilu, udila bayende utshivua umuselelaku!

Yowele 2:12

Maweja-Nangila udi wamba ne: “Patshidiku diba, pinganayi mpindiewu kundi, ne muoyi wenu mujima. Nujile biakudia, nudile muadi, nuntendelele!

Yowele 2:17

Batuangaji, badi bakuatshila Maweja-Nangila mudimu, badidile muadi mu nzubu wa Mvidi Mukulu, pankatshi pa tshibuelelu ne tshilambuilu, basengelele Mvidi Mukulu, bamuambile ne: “Maweja-Nangila, utufuile luse, tudi bantu bebe, kutufuishishi bundu, kuanyishi bua bantu batuseke, batukonke ne: ‘Tshidi Mvidi Mukulu wabu ubenzela ntshinyi?’ ”

Amosa 8:10

Nengandamune bibilu bienu bia masanka, bienza matuku a madilu a nuenu kudila. mMisambu inudi nuimba nutshionkomoka, neyandamuke yonsu misambu ya miadi ne mikemu. Nenuvuale bonsu bilamba bikayapale, nenukungule mitu yenu yonsu bu baledi badi mu madilu, badila nsongalume mulela anu umue. Dituku adi nedijike mu tshinyongopelu, mu kanyinganyinga kakole, kakuyi udi unusamba.

Yona 3:6

Lumu alu kufika kudi mukalenga wa tshimenga tshia Ninive. Yeye kujuka mu nkuasa wende wa bumfumu, kuvula bilamba bia bukalenga, kuluata bilamba bikayapale, kusomba panshi mu butu.

Mika 1:16

Nuenu badi basomba mu Yerushalayime, nubeye nsuki, nukungule mu mutu, mushale dibala, bu dia mukanku. Nudile bana benu banudi bananga: bualu nebaye nabu kule mu bupika.

Yakobe 5:1

Mpindiewu ndi nnubela nuenu, bena biuma! Dilayi, nutue mikemu, bualu makenga neanukuate!