Yeshaya 22:1 - MUKANDA WA MYIDI MUKULU

¹ Badi bamanyisha malu adi atangila bena “Tshibandabanda, muaba udi Maweja-Nangila uleja malu.” Yerushalayime, tshidi tshienzeka muebe nanku ntshinyi? Tshidi bantu bebe bonsu babandila ku misaka ya nzubu ntshinyi?

Mukanda wa Nzambi Dihungila Dikulukulu ne Dihungila Dihia-dihia 2003

¹ Dî dia tshijila bualu bua tshibanda tshia tshikena kumona. Bualu kai buakunkuata mpindiu bua buonso buenu nuakubanda ha mitu ha nsubu?

Yeshaya 22:1 교차 참조

Genese 21:17

Mvidi Mukulu kumvua muadi wa muana. Mutumibue wa Mvidi Mukulu kuela diyi difumine mu diulu, kuebeja Agare ne: — Tshidi tshikutonda nanku ntshinyi? Kutshinyi to. Mvidi Mukulu umvu muadi wa muana.

2 Samuele 14:5

Mukalenga Davide kumukonka ne: — Tshiudi ujinga ntshinyi? Mukaji kuandamuna ne: — Akia! Mukalenga, meme ndi mukaji mukamba. Bayanyi mmumane kufua.

2 Bakalenga 6:28

Kadi mukalenga kumukonka kabidi ne: — Tshiudi ujinga ntshinyi? Mukaji kuandamuna ne: — Udi mumone mukaji ewu anyi? Dituku dikuabu uvua mungambile ne: tudie muanebe wa balume lelu, patshiabu netudie wanyi.

Misambu 114:5

Wewe mayi manene, tshiudi unyemena ntshinyi? Wewe musulu wa Yardene, tshiudi upingena tshianyima ntshinyi?

Misambu 125:2

Bu mudi mikuna milame Yerushalayime, ke mudi Maweja-Nangila ulama tshisa tshiende, mpindiewu ne kashidi.

Nsumuinu 29:18

Padi bambi kabayi bamanyisha malu a kudi Maweja-Nangila, bantu badi basomba mu bubi. Kadi muntu udi ulama mikenji ya Mvidi Mukulu mmuena diakalenga.

Yeshaya 13:1

Maweja-Nangila kutumina Yeshaya, muana wa Amose, mukenji bua amanyishe “Babilone” ne:

Yeshaya 15:3

Mu misesu ya mu bimenga, bantu badi bavuala bilamba bia madilu. Bonsu badi bela miyenga, badila pa mitu ya nzubu, ne mu bisalu.

Yeshaya 22:5

Bualu lelu, Maweja-Nangila, Mvidi Mukulu muena bukole buonsu, mmututshiompakaje.” Mbalutshimune, tuetu kutangalaka mu tshibandabanda, muaba udi Mvidi Mukulu uleja malu, kudila muadi mukole.

Yirmeya 19:13

Nzubu ya mu Yerushalayime ne ya bakalenga ba mu Yuda neikale ne mikiya bu muaba ewu wa Tofete. Bualu kulu kua nzubu eyi bavua balambuilaku musenga wa kamonya, bua kutendelela tshituilu tshia mitotu, bavua balambuilamu mvidie ya bantu ba bisamba bikuabu milambu ya maluvu.”

Yirmeya 21:13

Meme ndi nnuluisha nuenu badi base kuinshi pa mukuna. Nudi nuamba ne: Muluishi nansha umue kena mua kumpeta, kena mua kubuela muaba utudi basombe!

Yirmeya 32:29

Bena Babilone badi batshiluisha mpindiewu, nebabuelemu. Nebatshinyenge, batshioshe. Neboshe nangananga nzubu eyi ivuabu bampendele pa kuosha musenga wa kamonya bua kutendelela Baale, ne pa kulambula milambu ya maluvu bua kutendelela mvidie ya bantu ba bisamba bikuabu.

Yirmeya 32:32

Ndi musue kutshibutula bua malu mabi avua bena Izrayele ne bena Yuda benza, ne avuabu benza kabidi kudi bakalenga babu, kudi bamfumu babu, kudi batuangaji babu, kudi bambi babu, kudi bantu ba mu ditunga dia Yuda ne ba mu Yerushalayime.

Yirmeya 48:38

Kulu kua nzubu ne miaba yonsu idi bantu basangila, mu Mowabe, badi bumvua amu miyenga. Maweja-Nangila udi wamba ne: — Ndi mubutule ditunga dia Mowabe, mudibu bashipa luesu ludi kaluyi ne mudimu. —

Mika 3:6

Nenku, nuenu bambi, tshiakunuleja kabidi malu adi kumpala, tshiakunumanyisha kabidi tshindi musue. Miidima neyinunyunguluke. Butuku nebunuvuile. Kanuakumona kabidi tshintu, bu dituku didi diba dimane kubuela.”

Sefanya 1:5

Nembutule bonsu badi babanda ku misonga ya nzubu, bua kutendelela mitotu, ne bonsu badi bantendelela, baditshipa mu dina dianyi, kadi baditshipa musangu umue mu dina dia mvidie Milkome.

Matayi 10:27

Bualu bundi nnuambila mu midima, nubuambe patoke; bunudi numvua bamba mu musokoku, nubuambe, bantu bonsu bumvue.

Rome 3:2

Mushinga wa bionsu abi mmunene. Bangabanga bualu Mvidi Mukulu uvua mudianze kumanyisha bena Yuda miaku yende.

Dielulula 22:8

Panudi nuasa nzubu mupiamupia, nuenze bimana binyungulule musaka wa nzubu awu. Bualu bu muntu mukuluke ku musaka mufue, nenupete tshilumbu.

Balombodi 18:23

Kuelabu bena Dane bibingu. Bena Dane kukudimuka kudi Mika, kumukonka ne: — Tshidi tshikutonda ntshinyi? Udi utulonda ne bantu bungi nenku bua tshinyi?

1 Samuele 11:5

Shawule utshivua ufumina ku madimi ne ngombe yende. Kukonkaye tshivua bantu bonsu badidila. Kumuambilabu bionsu bivua bena Yabeshe bamba.

1 Samuele 3:1

Kadi, Samuwele muana uvua wenzele Mvidi Mukulu mudimu, bamulombola kudi mutuangaji Eli. Tshikondu atshi, bua Maweja-Nangila kuyukila ne muntu, nansha kumumuenekela, bivua bualu bukole.