Yeshaya 21:1 - MUKANDA WA MYIDI MUKULU

¹ Badi bamanyisha malu adi atangila Babilone, “Tshipela tshidi ku musulu.” Muena lukuna udi utumina ku tshipela, ku ditunga didi dikuatshisha bantu bowa, amu mudi mvunde ukosolola tshipela tshia Negebe.

Mukanda wa Nzambi Dihungila Dikulukulu ne Dihungila Dihia-dihia 2003

¹ Dî dia tshijila bualu bua tshihela tshia ku luseke lua mai manene. Bu mudi nvunde ya mu Sude ihitshilamu bikole, lumu ludi lufuma ku tshihela, ku buloba budi bukuatshisha bantu buowa.

Yeshaya 21:1 교차 참조

Yobe 37:9

Mvunde mukole udi umuka kuinshi kua ditunga. Lupepele lua mashika ludi lufuma ku mutu kuadi.

Yeshaya 13:1

Maweja-Nangila kutumina Yeshaya, muana wa Amose, mukenji bua amanyishe “Babilone” ne:

Yeshaya 13:13

Diulu nedizakale, buloba nebunyungakane, dituku didi Maweja-Nangila muena bukole buonsu, uleja tshiji tshiende.

Yeshaya 14:1

Bushuwa, Maweja-Nangila nealeje tshiakabidi mudiye munange ndelanganyi ya Yakobe, mudiye musungule bena Izrayele. Neapingaje bantu bende mu matunga abu. Bantu benyi nebadisange kudibu, nebapetangane ne bena tshisamba tshia Yakobe.

Yeshaya 14:14

Nembande pa mutu pa mavuba. Nemfuanangane ne Mvidi Mukulu, muena bukole buonsu.”

Yeshaya 14:23

Nengenze Babilone bu mudi tshisense, muaba udibu basombe kudi nyunyi ya kasonga-mule. Nembutule bionsu. Meme Maweja-Nangila, ndi njadika nanku.”

Yeshaya 17:1

Badi bamanyisha malu adi atangila “Damase”. Nkushale amu matuku makese, Damase kakuikala kabidi tshimenga to. Bionsu bidimu nebibutuke.

Yeshaya 47:1

Maweja-Nangila udi wamba ne: Wewe Babilone, tuluka mu nkuasa webe wa lumu. Somba mu lupuishi. Eyowa, somba panshi pa buloba, bualu kutshiena mukalenga mukaji to. Udi mujimije mianzu yebe, kabatshiena bakuinyika ne: “Babilone, mukaji mulengele”, “Babilone, nsongakaji muimpe”.

Yeshaya 5:28

Mikete yatshi idi minona bimpe, mata adi mamana kunana. Tubalu tuatshi, tudi ne bikonu bikole bu mabue. Nkata ya matempu atshi, idi inyema lubilu mifuane mvunde.

Yirmeya 51:1

Maweja-Nangila udi wamba ne: “Nentume tshipepela tshikole tshidi mua kubutula ditunga dia Babilone, ne bantu bende.

Yirmeya 51:42

Mayi manene kufika too ne ku Babilone, kumubikila ne muenji mukole.

Yirmeya 51:51

Tuvua ne bundu bua bungi patuvua tunwua bipendu! Tuvua ne bundu patuvua bamone bantu ba bisamba bikuabu, babuele mu muaba wa tshijila mu nzubu wa Maweja-Nangila.

Yezekiyele 1:4

Bimvua mumone mbiebi: lupepele lukole lua mvunde, luvua lufumina ku mutu wa ditunga, lusaka dituba dinene dinyungulukila kudi bukenke. Mu divuba amu mutua mupatuka miele ya mvula. Munkatshi mua divuba edi, muvua kapia katema bu tshiamu tshiengelela.

Yezekiyele 30:11

Nebukadnesare neavue kunyanga ditunga edi ne bantu ba tshikisu ba mu ditunga diende. Nebatape bena Ejipitu, babashipe ku muele. Mu ditunga nemuikale anu bitalu.

Yezekiyele 31:12

Bavua baukose kudi bantu benyi kamuyi luse. Kuushiyabu panshi muaba awu. Matamba awu avuabu batshibule mmapone panshi. Adi matangalake pa mikuna ne mu bibandabanda bia mu ditunga. Bantu ba mu bisamba bionsu bavua bikishe mu dileji diawu, mbaushiye, banyema.

Yezekiyele 38:9

Kadi wewe Ngoge Mubaluishe ne tshiluilu tshiebe, kabidi ne bantu ba mu bisamba bikuabu baudi nabu. Neubuele ne mvita mu ditunga diabu ne lubilu bu lua mvula wa tshipupu. Newikale bu matuba adi abuikila ditunga diabu.

Danyele 11:40

“Mu tshikondu tshia ku nshikidilu, mukalenga wa ditunga dia kuinshi neabangulule mvita. Kadi mukalenga wa ditunga dia ku mutu neamupishe ne matempu a mvita, ne badi babanda pa nyama ya tubalu, kabidi ne matu mavule a mvita. Neabuele mu matunga mashilangane ne bena mvita bende. Neasambuke mikalu, bu mudi mayi a musulu apasalala.

Zekâya 9:14

Maweja-Nangila neamueneke, ku mutu kua bantu bende. Mukete wende neuye bu muele wa mvula. Maweja-Nangila Mvidi Mukulu, neele mpungi, neafike munkatshi mua mvunde, udi ufuma kuinshi kua ditunga.