Yeshaya 20:6 - MUKANDA WA MYIDI MUKULU

⁶ Dituku adi, badi basomba ku muelelu wa mayi manene, muaba utudi base, nebambe ne: “Monayi tshidi tshienzekela batuvua batekemene! Tuvua basue kunyemena kudibu, bua batupandishe ku tshinyangu tshia kudi mukalenga wa bena Ashure… Watupandisha kabidi mpindiewu nnganyi?”

Mukanda wa Nzambi Dihungila Dikulukulu ne Dihungila Dihia-dihia 2003

⁶ Ne badi bashikame mu buloba ebu budi ku muelelu wa mai manene nebambe mu dituku adi ne, Monai, ebu mbualu buakukuata batuakutekemena, batuakunyemena bua batukuatshishe bua tuetu kuhanduka mu bianza bia mukelenge wa Ashû! Ne tuetu hetu netuhanduke munyi?

Yeshaya 20:6 교차 참조

Ebrewu 2:3

Nanku, patualengulula lupandu bunene nenku, mutuapanduka dinyoka mmunyi? Maweja-Nangila nkayende uvua mudianze kutumanyisha lupandu elu. Pashishe bavua bumvue mudi lupandu elu kutujadikilabu bunene bualu.

1 Tesalonike 5:3

Diba diamba bantu ne: “Tudi talalaa. Bionsu bidi mu bupole,” diakamue kabutu nekabakuate, mudi makenga akuata mukaji pa lulelu. Kabakupanduka to.

Matayi 23:33

Nudi nyoka, kabidi bana ba nyoka! Nudi nuela meji ne: nenupanduke ku kapia ka tshinyangu anyi?

Yirmeya 47:4

Ke dituku didibu ne bua kubutula bena Peleshete bonsu, nanku muntu nansha umue kakushala bua kuambuluisha bena Tire ne bena Sidone. Maweja-Nangila udi ubutula ditunga dijima dia bena Peleshete, ndelanganyi ya bantu aba bavua bafume ku tshidila tshia Kaftore.

Yeshaya 28:17

Monji wa kupima nawu, newikale buakane. Nshinga wa kululamija nende, ke kuenza malu mimpe.” Kadi mabue a mvula neumushe, dishima dienu dinudi batekemene. Mayi neabumbule, muaba unuvua banyemene.

Yeshaya 10:3

Kadi dituku didi Maweja-Nangila ukosa nsambu, tshipepele tshikole tshifuma kule netshinupete. Diba adi, nenuenze tshinyi? Nenuye kudi nganyi? Nenupete diambuluisha muaba kaayi? Nenuye kuteka mpetu yenu penyi?

Yobe 22:30

Udi usungidila bantu badi kabayi ne bualu. Udi upandisha badi kabayi ne katoba ku bianza,

Yobe 6:20

Kadi, badi ne kanyinganyinga, bualu bavua bela meji ne: netupete musulu wa mayi. Kadi bobu bamane kufika, kusanganabu musulu mume.

Yirmeya 4:30

Kadi, wewe Yerushalayime, utshidi uvuala bilamba bikunze bimpe bua tshinyi? Utshidi uvuala bilengejilu biebe bia mpawungi, utshidi ulaba mishila pa makiki bua tshinyi? Udi mudilengeje tshianana. Bavua bakunange, mbamane kukubenga. Badi bajinga kukushipa.

Yirmeya 30:1

Maweja-Nangila kuambila Yirmeya ne:

Yirmeya 30:7

Dituku dia dikenga didi dienda disemena pabuipi. Kakuena dikuabu bu diodi. Makenga neikale miaba yonsu munkatshi mua ndelanganyi ya Yakobe. Kadi nebashale ne muoyi!

Yirmeya 31:1

Maweja-Nangila udi wamba ne: “Pakumbana tshikondu, nengikale Mvidi Mukulu wa meku onsu a bena Izrayele. Bobu nebikale bantu banyi.”