Yeshaya 20:3 - MUKANDA WA MYIDI MUKULU

³ “Kudi mpindiewu bidimu bisatu bidi muntu wanyi Yeshaya wendakana butaka, kayi bilamba nansha bisabata. Ke mudiye uleja malu adi ne bua kuenzekela bena Ejipitu ne bena Kushe.

Mukanda wa Nzambi Dihungila Dikulukulu ne Dihungila Dihia-dihia 2003

³ Hashishe Yehowa wakamba ne, Bu muakuenda muntu wanyi Yeshaya butaka ne kayi ne bisabata bidimu ebi bisatu, bu tshimanyinu ne bu bualu bua dikema kudi ba mu Ejipitu ne kudi ba mu Atiopa,

Yeshaya 20:3 교차 참조

Yeshaya 19:4

Maweja-Nangila muena bukole buonsu, Mfumu wa bamfumu udi wamba ne: “Nemfile bena Ejipitu, ku bumfumu bua mfumu wa malu makole. Nebabamune kudi mukalenga wa tshinyangu.”

Yeshaya 37:9

Pashishe kuyabu kuambila mukalenga wa bena Ashure ne: Tiraka, muena Kushe, mukalenga wa bena Ejipitu, mmufike bua kukuluisha. Nanku, Senakeribe kutumina Izkiya,

Yeshaya 43:3

Bualu meme Maweja-Nangila, ndi Mvidi Mukulu webe. Meme ndi Wa tshijila wa bena Izrayele. Ndi mukusungididi webe. “Ndi mfila Ejipitu, bu biuma bua kukupikula; mfila Kushe ne Seba, bua kubashintakaja nebe.

Yeshaya 8:18

Meme ne bana badi Maweja-Nangila mumpeshe, tudi bimanyinu bidi bilongesha bantu mu Izrayele malu a kudi Maweja-Nangila muena bukole buonsu, udi usomba mu nzubu wende pa mukuna wa Siyone.

Yirmeya 13:1

Maweja-Nangila uvua mungele diyi ne: “Uye kusumba mukaba wa ndanda, uusuike mu tshimonu tshiebe. Kadi kuena mua kuusukula mu mayi to.”

Yezekiyele 12:6

Bantu bamone muudi ubiambula pa makaya, umuka nabi, ubuela mu midima. Udibuikile ku mesu bua kumonyi kuudi uya. Ndi nkutuma nanku bua umanyishe bena Izrayele malu onsu andi ne bua kubenzela.

Yezekiyele 30:4

Mvita neyenzeke mu Ej ipita. Bantu nebazakale too ne mu ditunga dia bena Kushe. Nebashipe bena Ejipitu; nebabanyenge bubanji buabu. Ditunga diabu nedishale makolu.

Yezekiyele 30:6

Meme Maweja-Nangila ndi njadika ne: biangatshile ku Migdole, tshimenga tshidi ku mutu too ne ku Ashuwane, kuinshi mu ditunga, bena mvita badi bambuluisha bena Ejipitu, nebafuile mu mvita. Tshiluilu tshivua bena Ejipitu baditambisha natshi netshibutuke. Eyowa, meme Maweja-Nangila Mvidi Mukulu, ndi njadika bualu ebu.

Yezekiyele 4:1

Maweja-Nangila kuamba kabidi ne: — Muntu, ambula didiotu dia buloba, uditeke kumpala kuebe. Uzole pa didiotu apu tshimenga bu tshia Yerushalayime.

Yezekiyele 4:3

Pashishe wangate tshitata tshia tshiamu, utshiteke bu tshimana pankatshi pebe ne pa tshimenga. Utangile tshimenga: utshiluishe wewe mene. Ke muudi mua kuleja bena Izrayele malu bua kubadimuja.

Sefanya 2:12

Maweja-Nangila udi wamba ne: “Nuenu kabidi bena Kushe, nennushipeshe mu nwita.”

Zekâya 3:8

“Wewe Yeshuwa, mutuangaji munene, teleja. Nuenu batuangaji badi bakuata nende mudimu, telejayi. Nuenu bonsu nudi tshimanyinu tshidi tshijadika ne: matuku adi kumpala nenupete lupandu. Nentume muntu wanyi, dina diende Lutonga.

Dibadika 14:34

Nuvua batentekele ditunga adi matuku makumi anayi. Nenku, bua bubi buenu, ndi nnunyoke bidimu makumi anayi. Mmumue ne: dituku dimue nedienze tshidimu tshijima tshia tshibawu. Nenujadike ne: ki mbimpe kuntombokela meme Maweja-Nangila to.