Yeshaya 19:3 - MUKANDA WA MYIDI MUKULU

³ Bena Ejipitu nebapange tshia kuenza. Nennyangakaje bidibu balongolole. Nenku nebakonke mvidie yabu ya dishima, nebaye kudi babukishi ba mbuku, ne kudi bena lubuku lua muzangu.”

Mukanda wa Nzambi Dihungila Dikulukulu ne Dihungila Dihia-dihia 2003

³ Nyuma wa ba mu buloba bua Ejipitu neahange munda muabo, ne nentuhakashe meji adibo nʼau; nebaye kudi mpingu bua kudikebela lungenyi, ne kudi batempi ba mbuku, kudi bena mbuku ya mibangu, ne kudi bena muhongo.

Yeshaya 19:3 교차 참조

2 Samuele 15:31

Kuambilabu Davide ne: Akitofele udi munkatshi mua bantu badi ku luseke lua Absalome, bakeba mua kuangata bukalenga. Ke Davide kuamba ne: “Maweja-Nangila ndi nkusengelela ne: ngenyi yonsu idi Akitofele ufila, ikale ya budingidingi, kayiyi mimpe to”

2 Samuele 17:14

Absalome ne bena Izrayele kuamba ne: — Lungenyi lua Ushayi nduimpe lupite lua Akitofele! Maweja-Nangila ke uvua muenze bua babenge lungenyi lua Akitofele luvua luimpe. Bualu Maweja-Nangila uvua musue kukengesha Absalome.

2 Samuele 17:23

Akitofele umona ne: kabena bitabe lungenyi luende, kusuikaye biseba bia kusomba pa nyama wende wa mpunde, kupinganaye mu tshimenga tshia Ngilo, nuwuaye musombela. Kulayaye bena nzubu wende, pashishe kudiowaye. Kumujikabu mu lukita lua tatuende.

2 Bakalenga 1:2

Dituku dikuabu, mukalenga Akaziya uvua mu tshibambalu tshia nzubu wende wa bukalenga wa tshilalakulu, uvua mu tshimenga tshia Samariya, kukulukaye pa dididishi, kudishinda, kutapikaye bikole. Bualu bua njiwu ayi, mukalenga Akaziya kutuma bantu mu tshimenga tshia Ekrone, bua kukonkamu mvidie Baale Zebube ne: nengumvue bimpe anyi?

1 Kulondolola 10:13

Shawule uvua mufue bualu uvua mutombokele Maweja-Nangila. Uvua mubenge diyi diende. Uvua muye kutempa, bua mikishi imuambile malu avuaye uyikonka,

Misambu 107:27

Bavua ne tshinyingu, bavua batetuka, bu mudi muntu mukuatshika maluvu. Meji abu onsu avua matutubile.

Misambu 33:10

Maweja-Nangila udi utupakaja ngenyi ya bukua bisamba, upumbisha meji adi bantu bela.

Misambu 76:12

Uditshipe kudi Maweja-Nangila, Mvidi Mukulu webe wenze muuvua mumulaye. Nuenu bonsu badi bamunyunguluke, nufike ne milambu yenu kudi Mvidi Mukulu wa kutshina.

Nsumuinu 21:30

Meji, lungenyi nansha dimanya bidi tshianana, paudi uluisha Maweja-Nangila.

Yeshaya 14:27

Padi Maweja-Nangila muena bukole buonsu muangate dipangadika, udi mua kumukandika, bua kukumbajaye tshidiye muele meji nnganyi? Padiye musue kunyoka muntu, udi mua kumbusha dinyoka adi nnganyi?

Yeshaya 15:2

Bena mu Dibone badi baya muaba wabu wa tshijila bua kudila. Bena Mowabe kuela miyenga, pa mukuna wa Nebo ne mu tshimenga tshia Medeba. Badi bakungula mu mitu, babeya miedi.

Yeshaya 19:1

Badi bamanyisha malu adi atangila “Ejipitu”. Maweja-Nangila ukadi ufika mu Ejipitu, muimane pa divuba didi diya lukasa. Mvidie ya tshianana ya mu Ejipitu, neizakale kumpala kuende. Bena Ejipitu nebatekete mu maboku.

Yeshaya 44:25

Kadi mpindiewu malu onsu, adi bena mbuku bamba, ndi ngakudimuna a patupu. Bonsu badi bamanyisha malu atshidi kumpala, ndi mbapangisha malu abu. Ndi mbenga meji a bena meji, ndi ndeja mudi meji abu a bantu batshimbakane.

Yeshaya 47:12

Wewe tungunuka ne mbuku yebe, enza anu malu ebe onsu a majimbu. Ke biuvua mulonge bikole, pautshivua muana. Bumue nebikuambuluishe! Bumue nebipate baluishi bebe!

Yeshaya 57:16

Bualu tshiena ntandisha bantu banyi, tshiena mbafikila munda kashidi. Tshianana bantu banyi bonsu bandi mufuke, nebajimine kashidi.

Yeshaya 8:19

Bantu bakuabu badi bamba ne: “Nukonke bakishi malu, bualu badi batumanyisha malu adi kaayi manji kuenzeka. Nukonke bena mbuku, bakuambile malu ku ditshi. Bualu tshisamba tshionsu tshidi tshikonka mvidie yatshi, tshikonka bakishi buakulongolola malu a bantu badi panu.” Padibu bakuambila nanku,

Yirmeya 46:15

Kadi bidi bienzeka mbinganyi? Bilobu biebe bidi panshi, Maweja-Nangila mmubole panshi kabayi batua nkanana!

Yezekiyele 21:7

— Yezekiyele, kudimuka utangile ku Yerushalayime. Ukanyine miaba ya kutendelela mvidie, utandishe ditunga dia Izrayele.

Yezekiyele 22:14

Nenuikale ne bukitu bukumbane, kabidi ne bukole bua kuluangana nanyi, pandi mfika bua kununyoka anyi? Bualu meme Maweja-Nangila nengenze amu tshindi ngamba.

Danyele 1:20

Pa malu onsu avua mukalenga ubakonka, avua atangila meji ne lungenyi, uvua ubasangana bapite misangu dikumi bena majimbu ne bena mbuku ba mu bukalenga buende.

Danyele 2:2

Mukalenga kubikidisha babuki ba mbuku, benji ba majimbu, bapaki ba manga ne bena bilengulengu, bua kumujinguluilabu tshilota tshiende. Kufikabu, kuimanabu kumpala kua mukalenga.

Danyele 5:7

Mukalenga kuela diyi dikole ne: bafike ne bena meji ba mu Babilone, benji ba majimbu, bena bilengulengu ne bamanyi ba malu a mitotu. Kubambilaye ne: — Muntu yonsu wabala tshidibu bafunda etshi, watshinjinguluila, nebamuvuadike bilamba bia lumu. Nebamuele mabue a tshiamu tshia mpawungi mu nshingu. Neikale umue wa ku balombodi banene ba mu ditunga.

1 Samuele 25:37

Abiyayile uvua muindile bua maluvu atenduke Nabale, pashishe amuambile malu onsu awu dinda. Nabale umvua malu awu, kumutondawu bikole. Kushalaye katshiyi ne bukole.