Yeshaya 19:2 - MUKANDA WA MYIDI MUKULU

² Maweja-Nangila udi wamba ne: “Nensonsole bena Ejipitu, bua baluishangane bobu nkayabu. Muntu nealuangane ne muanabu, tshimenga netshiluishe tshikuabu, bukalenga nebuluishe bukuabu.

Mukanda wa Nzambi Dihungila Dikulukulu ne Dihungila Dihia-dihia 2003

² Nensonsole Bena Ejipitu bua kuluishangana ne Bena Ejipitu bakuabo, nebaluangane muntu yonso ne muanʼabo, muntu yonso ne muena mutumba nʼandi; ba mu musoko umue nebaluangane ne ba mu munga musoko, bena bukelenge bumue nebaluangane ne bena bukelenge bukuabo.

Yeshaya 19:2 교차 참조

1 Bakalenga 16:21

Zimri mumane kufua, bena Izrayele kukosoloka bitupa bibidi: aba basue kusungula Tibni, muana wa Nginate, bua kuikalaye mukalenga, bakuabu basue kusungula Omri.

2 Kulondolola 15:6

Bantu ba mu tshisamba kampande bavua bashipangana ne ba mu tshisamba tshikuabu, ba mu tshimenga kampande bavua bashipangana ne ba mu tshimenga tshikuabu. Bualu Maweja-Nangila uvua mubanyoke, mubatumine bipupu bishilangane.

Yeshaya 3:5

Netshikale tshikondu tshia buntomboji, tshia kufuila mianzu. Bansonge nebakengeshe bakulumpe, bantu babule meji nebapetule bantu ba mushinga.

Yirmeya 46:12

Bantu ba mu matunga makuabu mbumvue lumu lua makenga avuabu bakukengesha nawu. Miaba yonsu bavua bumvua miadi yebe! Tshilobu tshidi tshituuta kudi tshikuabu. Bonsu babidi badi batetuka, badishinda panshi.

Yirmeya 51:46

Kanutekeshi mu maboku, kanutshinyi. Lelu badi bamba nenku, maloba bamba munga! Bilondeshile mushindu udi bidimu, badi batela mudi bantu bakengeshangana pa buloba, mudi mukalenga wa tshikisu wipata mukuabu mu nkuasa wa bumfumu.

Yezekiyele 38:21

Nenkukuatshishe bowa mishindu yonsu. Meme Maweja-Nangila Mvidi Mukulu, ndi njadika nanku. Bena mvita bebe nebashipangane munkatshi muabu.

Zekâya 8:10

Ku kale kabavua bafuta muntu, bua mudimu uvuaye wenza, nansha bua mudimu uwa nyama ikuata. Bantu kabavua mua kutambakana mu ditunga, bualu baluishi bavua miaba yonsu, kabidi meme mvua musongakaje bantu.

Matayi 10:21

Bantu nebafile bana babu bua kubashipabu. Baledi nebenze bia momumue ne bana babu balela. Bana pabu nebatombokele baledi babu; nebabashipeshe.

Matayi 10:36

Baluishi ba muntu nebikale anu bena diku diabu.

Matayi 12:25

Kadi Yezu uvua mujingulule lungenyi luabu. Nanku kubambilaye ne: — Bukalenga buonsu budi benabu baluishangana nkayabu, nebunyanguke lukasa. Tshimenga tshionsu tshidi benatshi baluishangana, nansha diku dionsu didi benadi benza nanku, tshimenga atshi, nansha diku adi, kabiakutungunuka nansha.

Matayi 24:7

Tshisamba netshiluishe tshikuabu. Bukalenga nebuluishe bukuabu. Biyole bia nzala nebienzeke. Buloba nebuzakale miaba mishilangane.

Marke 3:24

Padi badi mu bukalenga baluangana nkayabu, bukalenga ebu kabuena mua kutungunuka nansha.

Balombodi 7:22

Pavua bena mvita abu nkama isatu bela mpungi, Maweja-Nangila uvua usaka bena Madiyane bua bashipangane nkayabu mu mitanda yonsu. Ku nshikidilu, bena Madiyane bavua bashala, kunyema too ne ku Bete-Shita luseke lua ku Sereda, nansha too ne ku tshimenga tshia Abele-Mekola, pabuipi ne Tabate.

Balombodi 9:23

Pashishe Mvidi Mukulu kutuma tshimvundu pankatshi pa mukalenga Abimeleke ne bena Shekeme, kabatshiyi bumvuangana kabidi to. Bena Shekeme kutombokela Abimeleke.

1 Samuele 14:16

Batentekedi ba Shawule bavua ku Ngibeya, tshimenga tshia bena Binyamine, kumona bena Peleshete bavule banyemakane nseke yonsu.

1 Samuele 14:20

Shawule kusangisha bena mvita bende, kuyabu mu mvita. Kadi, kusanganabu baluishi babu baluangana nkayabu mu tshimvundu tshinene.