Yeshaya 19:1 - MUKANDA WA MYIDI MUKULU

¹ Badi bamanyisha malu adi atangila “Ejipitu”. Maweja-Nangila ukadi ufika mu Ejipitu, muimane pa divuba didi diya lukasa. Mvidie ya tshianana ya mu Ejipitu, neizakale kumpala kuende. Bena Ejipitu nebatekete mu maboku.

Mukanda wa Nzambi Dihungila Dikulukulu ne Dihungila Dihia-dihia 2003

¹ Di dia tshijila bualu bua Ejipitu. Monai, Yehowa udi wenda mubande ba ditutu didi diya lukasa, ne neafike ku Ejipitu. Mpingu ya mu Ejipitu neyizakale ku mpala kuandi, mitshima ya ba mu Ejipitu neyivingutuke munda muabo.

Yeshaya 19:1 교차 참조

Misambu 104:3

Udi muase nzubu webe wa mulu pa mayi, udi ubanda pa mavuba bu pa ditempu diebe, udi uya ne lupepele bu mapuapua.

Misambu 104:34

Maweja-Nangila, musambu wanyi ukulengelele, meme ndi ne disanka bua pandi nebe wewe Mvidi Mukulu!

Misambu 18:9

Muinshi kupatuka mu diulu diende, kapia ka tshinyangu mukana muende, kela tuntolentole, kosha.

Misambu 68:4

Kadi bantu ba Mvidi Mukulu nebamutumbishe, Nebasanke batue tshianga!

Ekesode 12:12

“Butuku abu, meme Maweja-Nangila nempitshile mu ditunga dia Ejipitu. Nenshipe bamuanabute bonsu ba bantu ne ba nyama. Kabidi nembutule mvidie idi bena Ejipitu batendelela.

Yeshaya 13:1

Maweja-Nangila kutumina Yeshaya, muana wa Amose, mukenji bua amanyishe “Babilone” ne:

Yeshaya 13:7

Ke padi bonsu bateketa mu maboku, kabayi dikanda.

Yeshaya 19:16

Dituku dikuabu, bena Ejipitu nebazakale bu tukajikaji. Nebikale ne bowa, padibu bamona Maweja-Nangila wa bukole buonsu, olola tshianza bua kubanyoka.

Yeshaya 21:9

Wamanya! Ke muntu awu ufika, mubande mu ditempu dikoka kudi tubalu. Udi wela lubila ne: ‘Mbakuate tshimenga tshia Babilone. Mbatshikuate! Mpingu ya mvidie yende mbayitonkole panshi, mmitshibuke bitupa bitupa!’ ”

Yirmeya 25:19

Pashishe meme kunuisha bisamba bikuabu. — Ke mukalenga wa bena Ejipitu, ne balombodi bende ba mvita, ne balombodi bende ba bukalenga, kabidi ne bantu bende bakuabu bonsu,

Yirmeya 4:13

Monayi mubishi udi ubanda, bu mavuba a mvula wa tshipupu. Matempu ende a mvita adi anyema lubilu bu mvunde. Nyama yende ya tubalu idi inyema mipite nyunyi wa tshiminyi ku lubilu. Tuajiminyi, tuabutuku!

Yirmeya 44:8

Nudi nukeba kumfikisha munda ne malu enu mabi, ne milambu inudi nulambula mvidie ya bantu ba bisamba bikuabu mu ditunga dia Ejipitu, munuvua baye kusokoma. Nudi basue bua banubutule, banuteke tshilejilu tshibi tshia kutshipa natshi bantu, tshia kufuisha natshi bantu bundu ku mesu a bisamba bionsu bia pa buloba anyi?

Yirmeya 50:2

Numanyishe bantu bonsu lumu elu: Nuambile bantu bonsu bidi bienzeka. Kanusokoki bualu nansha bumue! Eyowa, baluishi nebakuate Babilone. Mpingu yende neifue bundu! Mvidie yende ya dishima neyizakale! Eyowa Bele neafue bundu! Marduke neazakale.

Yirmeya 51:44

Maweja-Nangila udi wamba ne: “Nennyoke Baale, mvidie wa bena Babilone. Nemmulukishe bintu bionsu bivuaye mumine. Bisamba bia bantu kabiena bifika kabidi kudiye bua kumulambula. Bimana bia tshimenga tshia Babilone nebiupuke panshi.

Yezekiyele 30:13

“Meme Maweja-Nangila ndi njadika ne: Nembutule mpingu ne mvidie ya dishima ya mu tshimenga tshia Memfise. Kamuakuikala kabidi muntu udi ulombola Ejipitu. Nenkuatshishe bena ditunga bonsu bowa.

Nahume 1:1

Mu mukanda ewu mudi malu avua Mvidi Mukulu mumanyishe muambi Nahume, wa mu musoku wa Elkoshe, bua kukanyina bena tshimenga tshia Ninive.

Nahume 1:3

Maweja-Nangila kena ufika munda lukasa, udi ne bukole bupite. Kadi kena ubingisha muntu udi mupile. Padi Maweja-Nangila wenda, tshipepele tshikole tshidi tshijuka. Mavuba ke lupuishi ludiye ujula padiye wenda.

Zekâya 10:11

Nebasabuke mayi manene adi ne njiwu. Meme Maweja-Nangila nentekeshe mavuala, nenkamishe musulu wa Nile. Ditunga dia bena Ashure didi diditambisha, nedifue bundu, ditunga dia Ejipitu kadiakuikala ne bukole.

Zekâya 14:18

Pikala bena Ejipitu babenga kuya ku Yerushalayime, bua kuenzaku tshibilu tshia tuzubu tua Bisasa, tshipupu netshibakuate, muvuatshi tshikuate bisamba bikuabu, bivua bibenga kuya kuenza tshibilu etshi.

Dibadika 33:4

Ke bena Ejipitu kushisha kujika bitalu bia bamuanabute babu, bavua Maweja-Nangila mushipe bonsu. Ke muvua Maweja-Nangila muleje bukole buende kudi mvidie ya bena Ejipitu nanku.

Dielulula 33:26

Pashishe Moshe kuamba ne: “Nuenu bena Yeshurune, numanye ne: kakuena mvidie udi ufuana Mvidi Mukulu wenu. Udi upitshila mu diulu, upueka, wenda pa mavuba, anu bua kuvua kunuambuluisha.

Yoshua 2:11

Tuetu bamane kumvua lumu lua bionsu abi, tuvua tupampakana bikole, kakuyi udi mumvue bukole bua kunubunda kabidi to. Bualu Maweja-Nangila Mvidi Mukulu wenu udi Mvidi Mukulu muena kulu ne muena buloba.

Yoshua 2:24

Kujadikilabu Yoshuwa ne: — Eyowa, Maweja-Nangila mmumane kutupa ditunga edi dijima. Bena ditunga mbamane kuteketa mu maboku. Kabena mua kutufuila nkanana to.

Yoshua 2:9

Kubambilaye ne: — Ndi mumanye ne: Maweja-Nangila mmumane kunupa ditunga dietu edi. Nudi nutukuatshisha bowa bukole. Bantu bonsu badi anu banutshina.

Didimanyisha 1:7

Tangila: udi upueka mu mavuba! Bantu bonsu nebamumone, nansha bavua bamutubule mubidi. Bisamba bionsu bia pa buloba nebidile muadi bualu buende. Eyowa, nebikale nanku! Amene.