Yeshaya 18:2 - MUKANDA WA MYIDI MUKULU

² Ditunga edi, didi dituma mienampala, idi yenda pa musulu wa Nile, mu matu maluka ne ntupu. — Nuenu badi benda lukasa, nuenu badibu batuma, pinganayi kuenu kudi bantu bale ba kafyondu, ba mubidi wengelela. Kuenu kudi tshisamba, tshidibu bakakala miaba yonsu, kuetu kunu too ne ku nshikidilu kua buloba. Nuenu nudi tshisamba tshidi ne bukole bupite, tshidi tshibutula baluishi batshi. Nanku pinganayi kuenu ne mukenji wenu, mu ditunga dienu didi ne misulu ya bungi.

Mukanda wa Nzambi Dihungila Dikulukulu ne Dihungila Dihia-dihia 2003

² budi butuma miloho yabu mu nshila udi uyila ha mutu ha mai manene, yenda biayi mu matu maluka ne papyrus ha mai! Yai bienu, nuenu miloho idi yenda lubilu, kudi tshisamba tshia bantu badi bale ne badi basenene, kudi bantu badi bakuatshisha bakuabo badi ha buihi ne badi kule buowa; ntshisamba tshidi tshikole ne tshidi tshidiata banga bantu muinshi mua makasa, tshidi misulu itahulula buloba buatshi.

Yeshaya 18:2 교차 참조

2 Kulondolola 14:9

Asa kuya kusambakena nende. Kuelabu mualu wa mvita mu tshibandabanda tshia Sefata pabuipi ne Maresha.

2 Kulondolola 16:8

Bena Kushe ne bena Libiya bavua badisangisha tshisumbu tshimue, bikale bena mvita ba bukitu. Bavua ne matempu a mvita, ne babandi ba pa nyama ya tubalu bapite bungi. Kadi, Maweja-Nangila mmubafile bonsu mu bianza biebe, bualu uvuamumuitabe diba adi.

Yobe 9:26

Adi apita lubilu bu buatu budi kabuyi ne bujitu, bu mudi nyunyi wa tshiminyi upueka panshi bua kukuata tshintu.

Ekesode 2:3

Mukaji umona ne tshiena ne mushindu wa kusokoka muana kabidi musangu mule, kumutekaye mu tshisaka tshiluka ne ntupu, tshilaba budimbu. Kutshisokokaye mu malenga avua ku muelelu wa musulu wa Nile.

Yeshaya 18:7

Ke tshikondu tshidibu batuadila Maweja-Nangila wa bukole buonsu milambu kudi bantu aba bale ba kafyondu, badi mibidi yengelela, kudi tshisamba tshidi bantu bakakala, kunu too ne ku ndekelu kua buloba, kudi ditunga didi ne bukole bupite, didi dibutula baluishi badi, kudi ditunga didi ne misulu mivule. Milambu eyi, nebayituadile Maweja-Nangila wa bukole buonsu, muaba udiye musombele, pa mukuna wa Siyone.

Yirmeya 49:14

Maweja-Nangila uvua mutume mukenji kudi muntu umanyisha bukua bisamba ne: “Nsangishilayi bena mvita benu, nuye kuluisha bena Edome. Jukayi nuye kubanga mvita.

Yezekiyele 30:9

Dituku dindi mbutula Ejipitu, nentume bantu mu buatu, baya kuambila bena Kushe bivua bienzeka. Nanku, bena Kushe nebakuatshike bowa, nebazakale. Dituku adi dikadi pabuipi.

Obadya 1:1

Telejayi bivua Maweja-Nangila Mvidi Mukulu mumanyishe Obadya, bua kukanyina bena Edome. Maweja-Nangila kutuma muntu ne mukenji, kudi bantu ba bisamba bikuabu. Tuetu kumvua muntu awu wamba ne: “Jukayi, tuye kuluisha bena Edome.”

Abakuke 1:7

Badi batshinyisha bantu, babakuatshisha bowa. Badi badienzela mudibu basue, bajadika nkayabu bidi bimpe kuenza.

Luke 10:19

Telejayi: mvua munupeshe bumfumu bua nudiate nyoka ne tuminyimynyi, ne bua nutshimune bukole buonsu bua muluishi. Kakuena tshintu tshianuenzela bibi.