Yeshaya 17:11 - MUKANDA WA MYIDI MUKULU

¹¹ Kadi nansha binuvua bakune bitoloke dituku adi, nansha bionsu binuvua bamiamine dinda, biele bilongu amu dituku adi, kanuena nunowa tshintu to. Dituku dia diakabi adi, nenumone amu makenga, muntu nansha umue kena mua kunuambuluisha.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Mu dituku diudi wikuna nansha wewe winyunguluka ne luhangu lua mitshi hatshiabu ne dinda wewe mumane kukuna nansha wewe muvuishe maminu ebe bilongo, kadi bintu bia kunowa nebikujimine mu dituku dialua masama ne kanyinganyinga kadi kakayi kamanye mua kuholeshibua.

Yeshaya 17:11 교차 참조

Osheya 8:7

Nanku, tshiudi ukuna, ke tshiudi upola. Udi ubuelakana ne mvidie ya patupu, udi udienza kabidi wa patupu. Tshikolakola katshiyi ne miepu, katshiena mua kupetesha ntete ya kuenza bukula to. Nansha yoyi mitupeshe bukula, nebabudie anu kudi bantu benyi.

Yobe 4:8

Meme nkadi mumone ne: Padi muntu ukuna bubi, nansha umiamina makenga, udi unowa amu bubi ne makenga.

Rome 2:5

Kadi udi ne muoyi mupape. Kuena musue kudilengeja. Ke muudi udikebela dinyoka dipite bunene, dituku diamueneka tshiji tshia Mvidi Mukulu, diakosaye nsambu pa yoyi.

Osheya 9:16

Bena Efrayime mbamane kupeta dikenga. Badi bu miji idi yuma, bu mutshi udi kauyi ukuama bimuma. Nansha bakaji babu balela bana, nengumushe bana abu, badibu bananga, mu buloba.

Yirmeya 5:31

Bambi, badi bamba malu mu dina dia mvidie ya tshianana. Batuangaji badi bakeba amu kudisankisha nkayabu. Bantu banyi bena Izrayele badi banyisha bionsu ebi. Kadi, ku nshikidilu nenuenze tshinyi?

Misambu 90:6

mu dinda tshiela nzeba, tshidiunda, dilolu tshifuba, tshiume.

Lewitiki 26:20

Nenuditatshishe bua kudima, kadi biakudia kabiakutoloka, mitshi kayakukuama bimuma.

Dielulula 28:39

Nenukune mitshi ya mvinyo, nuyilame bimpe. Kadi kanuakunua maluvu ayi, kanuakupola nansha tumuma. Bualu nebatudie kudi meshi.

Yeshaya 17:5

Nebadimone bu badi mu tshikondu tshia dinowa. Bakadi bamane kunowa ntete ya kuenza bukula. Bakadi bamane kusangisha bisumbu bia miepu. Bidi amu bu mudibu benza mu tshibandabanda tshia bena Refayime, bapele bashala bapumbulula amu miepu mikese.

Yowele 1:17

Maminu mmumine mu mabuwa a buloba. Mu mayeba mudi mushale mutupu, nzubu ya kulamina biakudia mmiupuke, ntete yonsu mmijike.