Yeshaya 16:2 - MUKANDA WA MYIDI MUKULU

² Bakaji ba bena Mowabe, badi bimane ku bisabu bia musulu wa Amone, amu bu mudi tunyunyi tupapalala, padibu batuipata mu disua diatu.

Mukanda wa Nzambi Dihungila Dikulukulu ne Dihungila Dihia-dihia 2003

² Bu mudi nyunyu yendakana mulu, bu tunyunyu tua mu disua didi disasula, mbu mudi bana bakashi ba Moaba ku tshisabukilu tshia ku musulu wa Ânona.

Yeshaya 16:2 교차 참조

2 Bakalenga 3:4

Mesha, mukalenga wa bena Mowabe, uvua mumunyi wa mikoku. Ku tshidimu tshionsu, uvua ne bua kulambula mukalenga wa bena Izrayele, bana ba mikoku binunu lukama, ne mikoku binunu lukama kabiyi bikosa miosa to.

Nsumuinu 26:2

Bu mudi mushamusha ne kandindi bipapelela mulu kabiyi bikisha, ke mudi mulawu muela muntu kapayi bualu kauyi umukuata.

Nsumuinu 27:8

Muntu udi wendakanangana kule ne muabu, udi bu nyunyi udi wendela kule ne disua diende.

Yeshaya 13:14

Dituku adi, bantu nebamone, mudi muntu yonsu unyema ku tshisamba tshiabu, upingana kuabu lubilu, bu ngulungu mikuatshika bowa, bu mikoku idi kayiyi ne muyilami.

Yirmeya 48:20

Nebanuandamune ne: — Bena Mowabe mbafue bundu! Mbabutuke! Elayi mbila, elayi mikunda, ambilayi badi basombe ku mielelu ya musulu wa Amone ne: Mbabutule Mowabe.

Yirmeya 48:46

Nuenu bena Mowabe, nudi bena diakabi. Nuenu bavua batendelela mvidie wa Kemoshe, nudi nufua. Bana benu ba balume ne ba bakaji badi babakuata mu lukanu, baye nabu.

Yirmeya 48:9

Longololayi lukita lua Mowabe. Bualu neabutuke kamuyi mpata. Bimenga biende nebinyanguke. Nebishale kabiyi ne bantu.

Dibadika 21:29

Nuenu bena Mowabe, diakabi kaayi! Nudi nutendelela Kemoshe! Nuabutuki! Balume bavua bapanduke, kabidi ne bakaji, bonsu mbabakuate, mbabafile kudi Sihone, mukalenga wa bena Amore.

Dielulula 2:36

Maweja-Nangila Mvidi Mukulu wetu, uvua mutuambuluishe bua kukuata bimenga bionsu bivua pankatshi pa tshimenga tshia Aroyere, tshidi pabuipi ne musulu wa Amone, ne tshimenga tshikuabu tshidi mu tshibandabanda tshine atshi, too ne ku ditunga dia Ngilaade. Tshimenga nansha tshimue tshia mu bimenga ebi, katshivua ne bukole bua kutuluisha.

Dielulula 3:12

Ke mutuvua bakuate ditunga didi ku mutu kua tshimenga tshia Aroyere, tshidi pabuipi ne musulu wa Amone. Meme Moshe, mvua mupeshe ndelanganyi ya Rubene ne ya Ngade tshitupa tshia ditunga dia mikuna dia Ngilaade, ne bimenga bionsu bivuamu.

Dielulula 3:8

Ke mutuvua bakuate tshikondu atshi matunga a bakalenga babidi ba bena Amore, bavua base luseke ludi diba dipatukila lua musulu wa Yardene, pankatshi pa musulu wa Amone wa muenji mukole, ne mukuna wa Ermone.

Yoshua 13:16

kuinshi mu ditunga kuvua tshimenga tshia Aroyere tshidi ku muelelu wa musulu wa Amone, ne tshimenga tshivua mu tshibandabanda tshia musulu awu. Mu buloba abu muvua mikuna ya pabuipi ne Medeba.

Balombodi 11:18

Pashishe kutuadijabu luendu mu tshipela. Kunyungulukabu buloba bua bena Edome, ne bua bena Mowabe. Kufikabu ku buloba budi luseke ludi diba dipatukila lua buloba bua Mowabe. Kuasabu mitanda yabu dishiya dia musulu wa Amone. Kabena babuela mu buloba bua bena Mowabe to, bualu musulu wa Amone ke udi mukalu. Nanku kabena bausabuka to.