Yeshaya 16:12 - MUKANDA WA MYIDI MUKULU

¹² Nansha bena Mowabe babanda pa mukuna wa tshijila, baya mu nzubu wa mvidie wabu, benda bapungila, batendelela mvidie wabu, kabakupeta tshintu to.

Mukanda wa Nzambi Dihungila Dikulukulu ne Dihungila Dihia-dihia 2003

¹² Mu diba adi, halua Moaba ku mpala kuanyi, hadihangisheye ne mitendelelu ha mutu ha mukuna, habueleye mu tshitendelelu tshiandi bua kutendelela, kena udikuatshisha ne bualu bumue bua malu â.

Yeshaya 16:12 교차 참조

1 Bakalenga 11:7

Tshikondu atshi, Shelomu kulongoluela Kemoshe, mvidie mubi wa bena Mowabe, muaba wa tshijila pa mukuna uvua mutangilangane ne Yerushalayime. Kulongololaye kabidi Milkome, mvidie mubi wa bena Amone, muaba wa tshijila.

1 Bakalenga 18:29

Diba dia munda munya dimane kupita, kubikilabu kabidi mvidie Baale bikole, bamutendakena too ne ku dilolu diba didibu balambula. Kadi, mvidie Baale kena mubandamune diyi nansha dimue: kena mubambile bualu, kena mubaleje nansha tshimanyinu to.

2 Bakalenga 19:12

Bakalenga bavua mu bukalenga kumpala kuanyi, bavua babutula bimenga ebi: Ngozane, Arane, Reshefe, ne Telashare tshimenga tshinene tshia bena Edene. Mvidie ya mu bisamba ebi, kayena unsungidile bimenga ebi to.

2 Bakalenga 3:27

Ke mukalenga wa bena Mowabe, kubikidisha muanende wa balume muanabute, uvua mua kumupingana mu bukalenga. Kumulambulaye pa tshimana tshia tshimenga atshi bu mulambu wa kuosha. Bena Izrayele bamone nanku, kutshinabu bikole. Kumukabu muaba awu, kupingana kuabu.

Nsumuinu 1:28

Dituku adi nenumbikile bua meme kunuambuluisha, kadi tshiakunuandamuna to. Nenunkebe, kadi kanuakummona to.

Yeshaya 15:2

Bena mu Dibone badi baya muaba wabu wa tshijila bua kudila. Bena Mowabe kuela miyenga, pa mukuna wa Nebo ne mu tshimenga tshia Medeba. Badi bakungula mu mitu, babeya miedi.

Yeshaya 16:13

Ke tshivua Maweja-Nangila muambe kale bua bena Mowabe.

Yeshaya 26:16

Maweja-Nangila, patuvua mu dikenga, tuvua bakujinge. Pauvua mutunyoke, tuvua bakusengelela.

Yeshaya 37:38

Dituku dikuabu, pavua Senakeribe utendelela mu nzubu wa mvidie wende Nisroke, bana bende ba balume babidi: Adrameleke ne Sareshere kumushipabu. Pashishe kunyemabu, kuya mu ditunga dia Ararate. Muanende mukuabu Asharadone, kumupinganaye mu bukalenga.

Yeshaya 47:13

Udi upungila patupu, kuyi upeta tshintu, ukonka badi bamanye malu a mitotu. Bantu aba badi bakosolola diulu mu bitupa, bajoja mabulunge, bamanyisha ku ngondu ku ngondu bidi mua kukukuata, bamueneke, badileje tumone, bavue kukusungidila!

Yirmeya 10:5

Mpingu eyi kayena yakula. Idi anu bu mudi mitshi idibu basa mu madimi, bayivuadika bilamba bia bantu bua kutshinyisha nyunyi. Muntu ke udi uyambula, bualu kayena mua kuenda nkayayi. Kanuyitshinyi to, bualu kayena mua kuenza bualu bubi, bu mudiyi kayiyi mua kuenza bualu buimpe.”

Yirmeya 48:13

Nebafuishe Mowabe bundu kudi mvidie wende Kemoshe, muvuabu bafuishe bena bukalenga bua bena Izrayele bundu kudi mvidie wabu wa ku Betele uvuabu batekemena bikole.

Yirmeya 48:35

Maweja-Nangila udi wamba ne: “Nembutule bena Mowabe badi baye muaba wa kutendelela, bua kulambula mvidie yabu milambu.”

Yirmeya 48:46

Nuenu bena Mowabe, nudi bena diakabi. Nuenu bavua batendelela mvidie wa Kemoshe, nudi nufua. Bana benu ba balume ne ba bakaji badi babakuata mu lukanu, baye nabu.

Yirmeya 48:7

Mowabe, wewe udi udimona ne bukole, ne bintu bia bungi. Kadi nebakukuate wewe kabidi! Kemoshe, mvidie webe, neaye mu ditunga dia bende mu bupika, kabidi ne batuangaji bebe, ne balombodi ba mu bukalenga buebe.

Dibadika 21:28

Tshimenga tshia Eshebone ntshikuate kapia. Ndimi ya kapia mmibande mu tshimenga tshia Sihone. Kapia kabutulu Are mu ditunga dia Mowabe, kabutulu bakalenga bavua ku mikuna ya ku musulu wa Amone.

Dibadika 22:39

Balaame ne Balake kuya ku Kiriyate-Ushote.

Dibadika 22:41

Butshia dinda, Balake kuya ne Balaame ku Bamote-Baale, bualu muaba awu uvua mua kudimuena tshitupa tshia bena Izrayele.

Dibadika 23:14

Balake kuya ne Balaame ku lusongu lua mukuna wa Pisga muaba wa kutentekela. Kuenzaye kabidi bilambuilu muanda mutekete muaba awu. Kulambulaye ngombe mulume umue, ne mukoku wa tshimpanga umue, pa tshilambuilu tshionsu.

Dibadika 23:28

Kuyabu kulu kua mukuna wa Peyore, muaba udibu mua kumona tshipela.

Dibadika 24:17

“Ndi mmona malu adi ne bua kuenzeka. Kadi, kaena enzeka mpindiewu to. Ndi njadika ne: kudi bualu, kadi kabuena pabuipi to: Mutotu neupatuke mu ndelanganyi ya Yakobe. Mukalenga nealedibue mu tshisamba tshia bena Izrayele. Neatuute bena Mowabe dikombu ku mbanga. Bantu badi bendakanyi mu ditunga neababoze mutu.