Yeshaya 16:10 - MUKANDA WA MYIDI MUKULU

¹⁰ Kanutshiena ne disanka, bua mitshi yenu ya bimuma to. Kanutshiena nusanka, nutshionkomoka bua madimi enu a mvinyo to. Bualu mu mabungu a maluvu mmushale mutupu, bakami ba tumuma bonsu mbumuke, misambu ya bakami ba maluvu mmikoseke.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Disanka ne tuseku biakumuka mu budimi buakadi ne maminu; ne mu madimi a tumuma tua nvinyo kamuena muikala kuimba kua misambu anyi kuela kua mbila ya disanka. Kakuena mukami wa nvinyo wadiata tumuma mu bikaminu bua kukameye nvinyo, Nakuhuwisha mbila ya disanka ya bahuodi ba tumuma tua nvinyo.

Yeshaya 16:10 교차 참조

Yobe 24:11

Badi ne bua kukama mafuta mu tshiamu, nansha tumuma tua mvinyo, kabayi mua kubilabula to.

Yeshaya 24:11

Bantu badi badidila mu misesu, bualu kabatshiena ne mvinyo. Disanka dionsu ndijike, tuseku ntujimine mu ditunga.

Yeshaya 32:10

Papita tshidimu ne matuku, nuenu, bana ba bakaji badi benda kabayi ne lutatu, nenupampakane. Bualu kabakupola kabidi tumuma tua mvinyo to, kabakunowa kabidi bintu mu madimi enu to.

Yirmeya 48:33

Mu madimi a mvinyo a bena Mowabe, kamuena kabidi disanka, kamuena kabidi musangelu. Kamuena maluvu a mvinyo adi mashale mu milondu. Kamuena kabidi bantu badi mua kukama tumuma tua mvinyo. Bantu kabena bumvua kabidi mbila yabu ya disanka, kadi amu dikenga.

Yezekiyele 7:7

Nuenu bena ditunga, mbamane kulongolola kabutu kenu. Tshikondu tshia ndekelu tshikadiku! Dituku dia tshilumbuluilu dikadi pabuipi. Pa mikuna mbila ya disanka neyijike. Bowa nebubuele miaba yonsu.

Yowele 1:12

Mionji ya nwinyo mmiume, mitshi ya mfiku mmifube. Mitshi yonsu ya bimuma mmishawuke. Disanka dionsu ndijike munkatshi mua bantu.

Amosa 5:11

Nudi nukengesha udi kayi bukole, numunyenga ntete ivuaye munowe. Nanku kanuakulala mu nzubu mipiamipia, inuvua base ne mabue. Kanuakunua maluvu a mvinyo anuvua bapete, ku mionji misunguluke inuvua bakune.

Amosa 5:17

Nansha mu madimi a mvinyo, nebadile amu kudila, pandi mpitshila munkatshi muenu bua kununyoka. Meme Maweja-Nangila ndi ngamba nanku.”

Amosa 9:13

Maweja-Nangila udi wamba kabidi ne: “Matuku adi kumpala, ntete neimene, ibobe lukasa, babidime ne banowi balondangane lukasa. Amu bamane kumiamina ntete, nebapole tumuma tua mvinyo, bua kukama maluvu, Diba adi maluvu neavulangane, apueka mu bibandabanda, abolesha mikuna yonsu.

Sefanya 1:13

Kadi nebapawule bubanji buabu, nebupule nzubu yabu. Nebibake nzubu, kadi kabena balalamu. Nebakune mionji ya nwinyo, kadi kabena banua maluvu ayi.”

Balombodi 9:27

Kuyabu ku mionji yabu ya tumuma tua mvinyo. Kupolabu tumuma, kutukama. Kulongololabu tshibilu. Kuyabu mu nzubu wa mvidie wabu. Kuenzabu didia dinene dia disanka. Kushipabu Abimeleke.