Yeshaya 16:1 - MUKANDA WA MYIDI MUKULU

¹ “Bena Mowabe, tuminayi mukalenga wa ditunga dia Yuda mulambu wa mukoku wa tshimpanga. Numuke nawu ku Sela mu tshipela, nuye too ne ku mukuna wa Siyone.”

Mukanda wa Nzambi Dihungila Dikulukulu ne Dihungila Dihia-dihia 2003

¹ Tuminai bienu mukokeshi wa buloba mulambu wa bana ba mikoko, bumuke biabo nʼau ku Sela, bayile nʼau mu nshila wa mu tshihela, tô ne ku mukuna wa muana mukashi wa Siona.

Yeshaya 16:1 교차 참조

2 Samuele 8:2

Davide kutshimuna kabidi bena Mowabe. Kubaladikaye panshi. Ku bantu basatu, uvua ushipa babidi ba kudibu, ushiya amu muntu umue ne muoyi. Biangatshile musangu awu, bena Mowabe, kushala ku bumfumu bua Davide. Kubalambuishaye bitadi.

2 Bakalenga 14:7

Amashiya kabidi ke uvua mutshimune bena mvita ba bena Edome binunu dikumi, bavua mu tshibandabanda tshia luepu. Pavuabu baluangana, Amashiya kukuata tshimenga tshia Sela. Kutshinyikaye dina ne: “Yokteyele.” Tshimenga atshi, tshitshidi ne dina adi too ne mpindiewu.

2 Bakalenga 3:4

Mesha, mukalenga wa bena Mowabe, uvua mumunyi wa mikoku. Ku tshidimu tshionsu, uvua ne bua kulambula mukalenga wa bena Izrayele, bana ba mikoku binunu lukama, ne mikoku binunu lukama kabiyi bikosa miosa to.

Ezela 7:17

Mu Yerushalayime, makuta audi upeta, usumbe nawu nyama ya ngombe milume, mbuji ya bimpanga, bana ba mikoku, ne bintu bionsu biudi ukengela bua kulambula milambu ya bintu bia mu madimi ne milambu ya maluvu a mvinyo. Bintu bionsu abi, ubilambuile pa tshilambuilu tshidi mu nzubu wa Mvidi Mukulu webe wa mu Yerushalayime.

Yeshaya 10:32

Dituku dimue adi bena Ashure badi bakuata tshimenga tshia Nobe. Badi bakanyina bena mu Siyone, mukuna wa Yerushalayime.

Yeshaya 42:11

Bantu bimbile Mvidi Mukulu misambu, mu tshipela ne mu bimenga biatshi, ne mu mitanda idi bena Kedare base. Bena mu tshimenga tshia Sela, bele tunkunduluila! Bele mbila ya disanka, pa mitu ya mikuna!

Yezekiyele 45:16

“Milambu eyi, bantu bonsu ba mu ditunga badi ne bua kuyifila. Nebaye kuyipesha mukalenga wa ditunga dia bena Izrayele.

Mika 4:8

Wewe, mukuna wa Yerushalayime, udi ulama bantu bimpe, bu mudi kaleya ka kutentekela baluishi, neupete tshiakabidi bumfumu buebe, buuvua nabu kale. Yerushalayime neikale tshiakabidi, tshimenga tshikulu tshia bukalenga.”