Yeshaya 15:2 - MUKANDA WA MYIDI MUKULU

² Bena mu Dibone badi baya muaba wabu wa tshijila bua kudila. Bena Mowabe kuela miyenga, pa mukuna wa Nebo ne mu tshimenga tshia Medeba. Badi bakungula mu mitu, babeya miedi.

Mukanda wa Nzambi Dihungila Dikulukulu ne Dihungila Dihia-dihia 2003

² Muana mukashi wa Dibona wakubanda ku bitendelelu bia mu mukuna bua kudilaku; ba mu Moaba badi badila ha mukuna wa Nebo, ne ha mukuna wa Medeba. Ha mitu yabo yonso hadi mabala, muedi wonso udi mubeyibue.

Yeshaya 15:2 교차 참조

2 Samuele 10:4

Nanku Anune kutuma diyi, bua bakuate balombodi ba mu bukalenga bua Davide. Kubakuatabu, kubabeya miedi luseke lumue. Kubakosabu bilamba bivuabu bavuala, kushalabi bishikidila pa mataku. Kubalekelabu bua bapingane kuabu.

1 Kulondolola 19:4

Nanku, Anune kukuatshisha balombodi ba mu bukalenga bua Davide abu. Kubabeyabu miedi. Kukosabu bilamba bivuabu bavuale, kushalabi bishikidila pa mataku. Kubalekelabu bua bapingane kuabu.

Yobe 1:20

Ke Yobe kujuka, kupanda tshinkutu tshiende, kubeya nsuki, kudishinda mutue mpala panshi.

Yeshaya 14:31

Nuenu bena bimenga bidibu bakoleshe ne bimana, dilayi muadi, elayi mbila mikole. Bena Peleshete bonsu kabena mua kutekemena kabidi tshia nsongu. Baluishi badi bafuma luseke lua ku mutu kua ditunga, bafuane divuba dia muinshi. Baluishi bonsu badiku, muena mvita nansha umue kena mushale to.

Yeshaya 15:3

Mu misesu ya mu bimenga, bantu badi bavuala bilamba bia madilu. Bonsu badi bela miyenga, badila pa mitu ya nzubu, ne mu bisalu.

Yeshaya 16:12

Nansha bena Mowabe babanda pa mukuna wa tshijila, baya mu nzubu wa mvidie wabu, benda bapungila, batendelela mvidie wabu, kabakupeta tshintu to.

Yeshaya 16:7

Mpindiewu bena Mowabe, bakadi badila, bela miyenga ya miadi, badila mikata ya bimuma, ivuabu nayi mu musoku wa Kire-Erese. Badi badila bikole, kabayi bamona tshia kuenza.

Yeshaya 22:12

Dituku adi, Maweja-Nangila, Mvidi Mukulu muena bukole buonsu, uvua munubele bua nudile muadi, bua nunyingalale, nubeye nsuki, nuvuale bilamba bia mu madilu.

Yeshaya 3:24

Pa mutu pa kununka mupuya muimpe wa manananshi, nebanunke mupuya mubi wa bintu bibole. Pa mutu pa mukaba, nebavuale anu muonji. Pa mutu pa kulukisha nsuki bimpe, nebakungule mu mutu. Pa mutu pa bilamba bilenga, nebavuale bia madilu. Eyowa, bulenga buabu nebuandamuke bundu.

Yirmeya 3:21

Meyi adi umvuika pa mikuna. Bena Izrayele ke badi badila, batendakana. Bualu bavua bambenge, bapambuke mu njila. Bavua bampue muoyi, meme Maweja-Nangila Mvidi Mukulu wabu.

Yirmeya 47:2

Maweja-Nangila udi wamba ne: Mayi manene adi afuma ku mutu kua ditunga adi ne muenji mukole, apasalala mu ditunga, mu madimi, mu bimenga ne mu nzubu ya bantu. Bantu bonsu badi bela miyenga. Bena ditunga badi badila miadi.

Yirmeya 47:5

Bena Ngaza mbakungule mu mitu, badi mu madilu. Bena mu Askalone mbashale bapuwa ne kanyinganyinga. Nuenu ndelanganyi ya bantu ba mpolondu. Nenuditape mputa pambidi too ne ku diba kaayi?

Yirmeya 48:1

Maweja-Nangila wabukole buonsu, Mvidi Mukulu wa Izrayele udi umanyisha mukenji udi utangila bena Mowabe, wamba ne: Bena Nebo nebakenge! Tshimenga tshiabu netshinyanguke! Bena Kiriyatayime nebafue bundu. Nebakuate tshimenga tshiabu. Bena Mowabe nebafue bundu, kabakuikala ne bukole kabidi!

Yirmeya 48:18

Bena Dibone, nutuluke mu nkuasa wenu wa lumu, nusombe mu lupuishi. Bualu baluishi bavua babutula Mowabe badi bafika bua kunuluisha nuenu. Badi bashimbula nzubu yenu inuvua bakoleshe ne bimana.

Yirmeya 48:31

Nanku pandi mvuluka bena Mowabe, ndi ndila muadi, nsengelela bantu bua bambuluishe bena Mowabe bonsu aba. Ndi ngela mbila, ndila bantu ba mu Kire-Erese.

Yirmeya 48:35

Maweja-Nangila udi wamba ne: “Nembutule bena Mowabe badi baye muaba wa kutendelela, bua kulambula mvidie yabu milambu.”

Yirmeya 49:3

Nuenu bena Eshebone dilayi muadi. Nuambe ne: “Tshimenga tshia Ayi ntshibutuke.” Nuenu misoku idi mutumba ne Raba, lombayi bua banuambuluishe. Luatayi bilamba bia lufuila. Dilayi muadi. Lambakanayi mu lupangu eku ne kuaka: mvidie Milkome udi uya mu ditunga dia bende mu bupika, pamue ne batuangaji bende ne balombodi ba mu bukalenga.

Yirmeya 7:29

Maweja-Nangila kuamba ne: Nuenu bena Yuda, beyayi nsuki yenu mile, idi ileja munudi bantu ba tshijila, nuyimanshe. Asayi miadi pa mikuna idi kayiyi ne tshintu. Bualu nuenu bena tshikondu etshi, nudi bamfikishe munda. Ndi munubenge. Tshiena nenu kabidi ne bualu to.

Yezekiyele 27:31

Bavua babeya nsuki bualu buebe, bavuala bilamba bikayabale. Bavua babungama, bakudila, batua mikemu bikole.

Yezekiyele 30:2

— Muntu, akula, umanyishe bindi meme Maweja-Nangila Mvidi Mukulu ngamba ne: “Nuenu bena Ejipitu, asayi miadi ya madilu, bualu dituku dikadi pabuipi, didi Maweja-Nangila uleja tshiji tshiende.

Yezekiyele 7:18

Nebavuale bilamba bikayapale. Luzakalu nelubakuate. Bundu budi bumuenekela pa mpala yabu. Nebakungule bonsu mu mitu yabu.

Lewitiki 13:40

“Padi muntu ne dibala mutu mujima, kena mupie mikiya to.

Lewitiki 21:5

“Padi batuangaji mu madilu, kabena mua kubeya biketu mu nsuki, kabena mua kukungula miedi ku nseke, nansha kuditapisha nsalu pambidi.

Amosa 8:10

Nengandamune bibilu bienu bia masanka, bienza matuku a madilu a nuenu kudila. mMisambu inudi nuimba nutshionkomoka, neyandamuke yonsu misambu ya miadi ne mikemu. Nenuvuale bonsu bilamba bikayapale, nenukungule mitu yenu yonsu bu baledi badi mu madilu, badila nsongalume mulela anu umue. Dituku adi nedijike mu tshinyongopelu, mu kanyinganyinga kakole, kakuyi udi unusamba.

Dibadika 21:28

Tshimenga tshia Eshebone ntshikuate kapia. Ndimi ya kapia mmibande mu tshimenga tshia Sihone. Kapia kabutulu Are mu ditunga dia Mowabe, kabutulu bakalenga bavua ku mikuna ya ku musulu wa Amone.

Dibadika 21:30

Kadi tuakuasa bena Amore mikete! Tuakubutula Eshebone! Tuakunyangakaja ditunga dijima too ne ku Dibone, too ne ku Nofa, ne ku Medeba mene.”

Dibadika 32:3

— Bimenga ebi, Atarote, Dibone, Yazere, Nimra, Eshebone, Elale, Sebame, Nebo ne Beyone,

Dibadika 32:38

Nebo, Baale-Meyone, bivuabu bamane kukudimuna dina. Pashishe kuasabu kabidi Sibma. Bimenga bikuabu bivuabu base, kubinyikabu mena mapiamapia.

Dielulula 14:1

Nuenu bena Izrayele, panudi mu madilu, kanuena mua kuditapa nsalu, nansha kukungula pa lubombu to. Bualu nudi bana ba Maweja-Nangila Mvidi Mukulu wenu.

Dielulula 34:1

Moshe kumuka mu mpata ya Mowabe, kubanda pa mukuna wa Nebo, ku lusongu lua Pisga, ludi luseke ludi diba dipatukila lua Yeriko. Maweja-Nangila kumuleja ditunga dia Kenaane dijima, kutuadijila ku ditunga dia Ngilaade too ne dia Dane,