Yeshaya 14:4 - MUKANDA WA MYIDI MUKULU

⁴ Diba adi nebimbe musambu wa kuseka nawu mukalenga wa bena Babilone, bambe ne: Kia! Ebi mbienzeke munyi? Mfumu wa tshikisu mmufue bishi? Kakukengesha kabidi muntu nansha umue.

Mukanda wa Nzambi Dihungila Dikulukulu ne Dihungila Dihia-dihia 2003

⁴ neubange kuimba musambu eu wa kutshimbisha nʼau mukelenge wa mu Babulona. Newambe biebe ne, Mona mudi mutukengeshi muholeshibue, ne mudi tshiji tshiandi tshiakudibandisheye nʼatshi tshihuwishibue!

Yeshaya 14:4 교차 참조

2 Kulondolola 36:18

Kuangataye bintu bionsu binene ne bikese bivua mu nzubu wa Mvidi Mukulu, ne mu tshibutshilu tshia nzubu wa Mvidi Mukulu, ne tshia mukalenga Sedekiya ne tshia balombodi ba mu bukalenga buende. Kuyaye ne bintu bionsu abi ku Babilone.

Yeshaya 13:1

Maweja-Nangila kutumina Yeshaya, muana wa Amose, mukenji bua amanyishe “Babilone” ne:

Yeshaya 13:19

Bukalenga bua mu Babilone, budi bupite makuabu onsu ku buimpe. Bena Babilone badi babusankidila bikole. Kadi Mvidi Mukulu neabubutule, muvuaye mubutule kale Sodome ne Ngomore.

Yeshaya 14:17

Uvua mushiye matunga munda mutupu, mubutule bimenga, mubenge kulekela bena lukanu.”

Yeshaya 14:5

Maweja-Nangila mmunyangakaje bumfumu bua bantu babi. Mmutshibule dikombu dia muena tshikisu.

Yeshaya 14:6

Uvua utuuta bantu ne tshiji tshikole kayi ulekela. Uvua ukengesha bantu ba mu matunga avuaye mukuate, kakuyi dikisha nansha dikese.

Yeshaya 16:4

Anyishayi bua bana betu, bavuabu bipata mu buloba bua Mowabe, basombe mu buloba buenu. Nubasokoke ku mesu a mushipianganyi. Diba nedifike didibu kabayi kabidi bakengesha bantu, kabayi babuela mu ditunga ne mvita, kabayi kabidi biba bintu.

Yeshaya 21:2

— Maweja-Nangila kundeja mu tshilota, bualu bua dikema, buenza bowa. Uvua wamba ne: “Bakengeshanganyi badi amu bakengeshangana, babutudianganyi badi amu babutulangana. Bena Elame, bangayi mvita! Bena Madayi, luishayi tshimenga! Tshiena musue bua bena Babilone batuishe kabidi bantu mikemu.”

Yeshaya 47:5

Wewe Babilone, somba talalaa, puwa. Sokoma mu miidima, bualu udi mujimije muanzu webe wa “Mukalenga mukaji wa makalenga mangi.”

Yeshaya 49:26

Nengenzele ku bukole bua badi bakukengesha, bashipangane nkayabu. Nebanue, bakuatshike mashi abu, mudibu bakuatshika maluvu a mvinyo mupiamupia. Nenku bantu bonsu nebamanye ne: Ke meme Maweja-Nangila, mupandishi webe. Ndi mudiangatshile tshilumbu tshiebe ne manza abidi. Meme Mvidi Mukulu tshilobu tshia Yakobe.

Yeshaya 51:13

Udi upua Maweja-Nangila muoyi anyi? Ke yeye uvua mukufuke. Uvua mubalule diulu, mushindike buloba. Matuku onsu wewe udi uzakala, utshina muena tshinyangu, wela meji ne: neambutule amu mpindiewu. Kadi tshidiye mua kukuenzela ntshinyi?

Yeshaya 51:23

Nendinuishe bavua banukengeshe, bavua banuamba ne: ‘Lalayi panshi, tunudiate.’ Nuvua ne bua kufila nyima yenu, kudi bantu aba bavua bendelapu, bu badi bapitshila mu njila.”

Yeshaya 54:14

Kuakutenkakana kabidi to. Kuakutshina kabidi tshintu to. Kabakukukengesha kabidi. Kuakukuatshika bowa. Muntu kakukutshinyisha nansha.

Yeshaya 9:4

Bisabata bia baluishi bidi bizakaja buloba, binkutu biabu binyanguke ne mashi, nebabioshe mu kapia, babishidisha.

Yirmeya 24:9

Nanku bantu ba mu matunga onsu a pa buloba, pamonabu bionsu abi nebakeme bikole, bakuatshike bowa. Miaba yonsu indi mbatangalaja, bantu nebabaseke, babapende. Nebasake misambu, batela dikenga diabu bua tshilejilu tshia dikenga dinene. Bantu nebabatshipe.

Yirmeya 48:17

Nuenu bonsu bena mutumba ne Mowabe badi bamumanye bimpe, muelayi muoyi wenu wa dibungama. Nudile ne: “Eyi mbabutule bukalenga buenu ne bukole buabu! Lumu luabu ndujimine!”

Muadi 4:1

Tshiamu tshia mpawungi etshi tshivua tshimpe, tshiengelela bikole, muditshi tshibuitshidile nunku mmunyi? Mmunyi mudi mabue a tshijila matangalake ku mielelu yonsu ya njila?

Yezekiyele 5:15

Nennyoke tshimenga tshia Yerushalayime ne tshiji tshikole. Nentshikengeshe, ntshitandishe bikole! Nanku bantu badi ku nseke, nebaseke tshimenga etshi, batshipenda. Padibu batshivuluka, nebakuatshike bowa. Nenuikale tshilejilu tshia kubabela natshi. Meme Maweja-Nangila, ndi nnujadikila bualu ebu.

Danyele 2:38

Mmukuteke ku mutu kua bukua bantu, kua nyama ya mu mpata, ne kua nyunyi ya mulu. Udi mfumu wabi miaba yonsu idibi. Mukalenga, mutu wa tshiamu tshia mpawungi ke wewe!

Abakuke 2:17

Nebanutape, munuvua penu batape mitshi ya mu metu a mu Lebanone. Nuvua bashipe nyama ya mu metu awu. Nanku nyama neyinukuatshishe bowa. Bionsu abi nebinuenzekele, bua mashi a bantu anuvua bele panshi, bua tshinyangu tshinuvua banyange bimenga ne matunga abu natshi.

Didimanyisha 17:6

Ke meme kumona mukaji awu, mukuatshike mashi a bantu ba Mvidi Mukulu. Uvua mukuatshike mashi a bonsu bavuabu bashipe bualu bavua bitabe Yezu. Pamvua mumumone nanku, meme kukuatshika buowa bunene.

Didimanyisha 18:16

bamba ne: “Diakabi kaayi edi! Dikenga kaayi bunene nanku didi dikuata tshimenga! Tshivua tshivuale bilamba bimpe bienza ne ndanda, bilamba bia lumu bifikuluke ne bikunze bia mushinga mukole. Tshivua tshidilengeja ne bintu bia bungi bia mpawungi, kabidi ne mabue a mushinga mukole, ne a busanga.

Didimanyisha 18:20

Wewe diulu, sanka, bua padi tshimenga etshi tshibutuke. Nuenu bantu ba Mvidi Mukulu, nuenu bapostolu ne bambi, tuayi tshianga! Bualu Mvidi Mukulu mmutshifundile tshibawu tshia bubi buvuatshi tshinuenzele!