Yeshaya 13:8 - MUKANDA WA MYIDI MUKULU

⁸ Monayi bakadi bapanga tshia kuenza. Bowa ne dikenga mbibakuate. Badi badinyenga bu bakaji pa lulelu. Bakadi batangilangana, buminyine ne bowa, mpala yabu mikunze ne bundu.

Mukanda wa Nzambi Dihungila Dikulukulu ne Dihungila Dihia-dihia 2003

⁸ ne bobo nebakuatshike buowa. Makenga ne tunyinganyinga nebibakuate; nebikale ne dikenga bu mukashi udi ne didinyenga dia ha kuleleye, Nebatangilangane muntu ne muntu ne ditshina, mpala yabo mikale bu mpala miteme ne kahia.

Yeshaya 13:8 교차 참조

2 Bakalenga 19:26

Bena bimenga abi, kabavua ne bukole, mikolu yabu kuteketa bua bowa. Kumvuabu bundu. Badi bafuana bisosa bia mu mpata, midioku ya mu madimi, ne bikunyibua bidi bitoloka ku musaka wa nzubu, biuma, kabiyi bianji kukola.

Misambu 48:7

Luzakalu kubenza, bu mudi dikenga dikuata mukaji pa kulela,

Yeshaya 26:17

Maweja-Nangila, tuetu kukukeba, tudila, bu mukaji udi udinyenga, udila muadi, diba dikadiye pa kulela.

Yirmeya 13:21

Pawamona balunda bebe bakuvuila bua kudia bumfumu mu ditunga ne bua kukukengesha, newambe tshinyi? Newikale ne dikenga bu dia mukaji pa lulelu.

Yirmeya 30:6

Kadi ebejanganayi ne: nukadi bamone muntu mulume muimite difu mulela muana anyi? Kadi mmunyi mundi mmona bantu balume bonsu, bianza mu tshimonu bu mukaji ukenga pa kulela. Badi batokoloka mpala bu bafue.

Yirmeya 4:31

Ndi mumvue muadi bu wa mukaji ukeba kulela, mikemu ya nsongakaji udi ukeba kulela muanende wa kumpala. Lubila alu ndua Siyone, udi utua mikemu, utendakana, muolole bianza ne: “Eyi, nungambuluishe, bakadi banshipa!”

Yirmeya 46:5

Kadi Maweja-Nangila udi webeja ne: Bidi bienzeka mbinganyi? Tshindi mmona ntshinyi? Badi bumuka muaba udibu bimane, basemena panyima. Nansha bobu bilobu, badi babatshimuna! Bonsu badi banyema lubilu eku ne eku. Kabena batangila kunyima. Bowa budi butampakana miaba yonsu!

Yirmeya 48:41

Nebakuate bimenga, nebabuele mu nzubu mikolesha ne bimana. Bilobu bia mvita bia bena Mowabe, bidi ne dikenga bu dia mukaji pa lulelu.

Yirmeya 49:22

Baluishi nebatantshile pabuipi ne Bosra mudi nyunyi wa mukanku ujinguluka mulu. Dituku adi, bilobu bia mvita bia bena Edome nebikenge bu mukaji udi pa lulelu.

Yirmeya 49:24

Bena Damase nebatekete mu mikolu. Nebapingane tshianyima, banyema. Nebumvue bowa, bakenga bu mukaji udi ukeba kulela.

Yirmeya 50:43

Mukalenga wa ditunga dia Babilone, upeta lumu lua mvita, mu mikolu kumuteketa. Bowa kumukuata bu mukaji pa lulelu.

Yirmeya 51:30

Bilobu bia mvita bia mu Babilone bikadi bilekela kuluangana mvita. Bikadi bisokoma mu nzubu yabi. Kabitshiena ne bukitu, bikadi bu bakaji. Baluishi mbamane kuupula biibi bia tshimenga, mbamane kuela kapia ku nzubu yatshi.

Osheya 13:13

Nanku, bena Efrayime nebakenge, mudi mukaji ukenga pa kulela. Kadi, muana awu kakuledibua bimpe to. Pakumbana diba dia kumulela, neabenge kupatuka mu difu dia mamuende.

Yowele 2:6

Padiyi isemena pabuipi, bantu bonsu badi bazakala, mpala yabu idi itokoloka.

Nahume 2:10

Pawulayi biamu bitoke bia mushinga mukole, pawulayi mpawungi! Mu tshimenga mudi bintu bia bungi, bia mushinga mukole, bia mishindu yonsu.

Yowanane 16:21

Padi mukaji wamba kulela, udi ne dibungama, bualu tshikondu tshiende tshia dikenga ntshifike. Kadi padiye ulela muana, kena uvuluka kabidi dikenga divuaye nadi to. Bualu udi ne disanka dia muntu udiye mufikishe panu.

1 Tesalonike 5:3

Diba diamba bantu ne: “Tudi talalaa. Bionsu bidi mu bupole,” diakamue kabutu nekabakuate, mudi makenga akuata mukaji pa lulelu. Kabakupanduka to.