Yeshaya 13:6 - MUKANDA WA MYIDI MUKULU

⁶ Dilayi muadi, bualu dituku dia Maweja-Nangila dikadi pabuipi, didi Mvidi Mukulu muena bukole buonsu musue kubutula bantu ne bintu.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Asai muadi! Bualu bua dituku dia Yehowa didi ha buihi; nedilue bu kubutuka kudi kufuma kudi Nzambi wa Bukole Buonso!

Yeshaya 13:6 교차 참조

Yobe 31:23

Bualu ndi ntshina Mvidi Mukulu udi mua kunyoka. Tshiena mua kuenza bidiye ubenga to.

Yeshaya 10:25

Bualu panenga tshitupa, tshiji tshimvua natshi bualu buenu netshituye. Nenkudimukile bena Ashure bua meme kubanyoka.”

Yeshaya 10:3

Kadi dituku didi Maweja-Nangila ukosa nsambu, tshipepele tshikole tshifuma kule netshinupete. Diba adi, nenuenze tshinyi? Nenuye kudi nganyi? Nenupete diambuluisha muaba kaayi? Nenuye kuteka mpetu yenu penyi?

Yeshaya 13:9

Monayi dituku dia Maweja-Nangila dikadi pabuipi, dituku kadiyi tuseku, dia tshiji, dia tshinyangu ne tshikisu. Maweja-Nangila neandamune ditunga dijima, dishale amu tshipela. Bena buenzavi nebabutuke bonsu.

Yeshaya 14:23

Nengenze Babilone bu mudi tshisense, muaba udibu basombe kudi nyunyi ya kasonga-mule. Nembutule bionsu. Meme Maweja-Nangila, ndi njadika nanku.”

Yeshaya 14:31

Nuenu bena bimenga bidibu bakoleshe ne bimana, dilayi muadi, elayi mbila mikole. Bena Peleshete bonsu kabena mua kutekemena kabidi tshia nsongu. Baluishi badi bafuma luseke lua ku mutu kua ditunga, bafuane divuba dia muinshi. Baluishi bonsu badiku, muena mvita nansha umue kena mushale to.

Yeshaya 2:12

Dituku adi, Maweja-Nangila muena bukole buonsu, yeye nkayende neakose bilumbu. Neapuekeshe muntu udi udiamba ne: ndi munene, nansha ne: ndi mfumu.

Yeshaya 23:1

Badi bamanyisha malu adi atangila tshimenga tshia “Tire”. “Nuenu badi benda ne matu mu mayi manene, asayi muadi, bualu bavua babutula tshisabu tshienu, ne nzubu inuvua mua kunyemena, kuikishila.” Amu matu afika, afuma ku tshidiila tshia Kitime, ke bobu kushisha kumanya bualu ebu.

Yeshaya 34:2

Maweja-Nangila udi mufikile bisamba bionsu bia bantu munda. Udi ne tshiji bualu buabi. Maweja-Nangila mmumane kushindika dibutuka diabi. Mmumane kuanyisha bua bifue.

Yeshaya 34:8

Bualu ke dituku didi Maweja-Nangila usombuela bantu. Ke tshidimu tshidiye ufuta baluishi ba Siyone malu mabi onsu avuabu benze.

Yeshaya 47:11

Nenku, makenga neakukuate, audi kuyi mua kuepuka. Kabutu nekapone pambidi pebe, kaudi kuyi mua kunyema. Mvula wa tshipupu neakutokele diakamue, uudi kuyi muelele meji.

Yeshaya 52:5

Mpindiewu tshinudi numona ntshinyi? Bena Babilone kabidi, bavua baye ne bantu banyi mu bupika tshianana, kabayi bafute kantu. Bantu aba badi bakengesha bantu banyi, badi baditambisha, basendeka amu kusendeka dina dianyi.

Yeshaya 61:2

Uvua muntume bua kumanyisha bantu ne: tshidimu etshi, Maweja-Nangila mmunufuile luse. Dituku edi Mvidi Mukulu wetu neanyoke baluishi bende. Mbantume bua kusamba bonsu badi mu madilu,

Yeshaya 63:4

Mvua ne dijinga munda muanyi dia kusombuela bantu banyi lelu. Bualu tshikondu tshia kupikula bantu banyi tshiakumbanyi.

Yeshaya 65:14

Nebikale ne disanka dinene, nebele mbila bua diakalenga didibu nadi. Kadi nuenu, yenu mbila neikale ya dikenga. Nenukengakane ne muadi, muoyi neunushikile munda.

Yirmeya 25:34

Asayi muadi, elayi nshiba, nuenu balombodi ba bantu. Nubunguluke panshi mu lupuishi, nuenu balami ba bantu. Bualu matuku akumbanyi a nuenu kuya ku tshishipelu. Nebanushipe mudibu bashipe bimpanga bimpe.

Yirmeya 49:3

Nuenu bena Eshebone dilayi muadi. Nuambe ne: “Tshimenga tshia Ayi ntshibutuke.” Nuenu misoku idi mutumba ne Raba, lombayi bua banuambuluishe. Luatayi bilamba bia lufuila. Dilayi muadi. Lambakanayi mu lupangu eku ne kuaka: mvidie Milkome udi uya mu ditunga dia bende mu bupika, pamue ne batuangaji bende ne balombodi ba mu bukalenga.

Yirmeya 51:8

Kadi dikopu edi kubafuka ku bianza, kudituuta panshi, kupandika tupese tupese. — Eyi, ashilayi Babilone muadi, numukebele buanga bua kumuondapa, ne udi mua kusanguluka!

Yezekiyele 13:5

Kabena baye kulongolola miaba ya ku bimana bia tshimenga ivua minyanguke. Kabena bibake tshimana bua kupeta muaba wa kunyemena mvita dituku didi Maweja-Nangila ufika munda.

Yezekiyele 21:12

Nebakuebeje ne: udi utua mikemu bua tshinyi? Newandamune ne: “Ndi mupete lumu lubi, lukadi pa kukumbana. Bianza biabu nebilengelele kabiyi ne bukole. Binu biabu nebitutakanangane. Nebasukuile mu bilamba bua bowa. Mioyi neyitekete. Tshikondu tshia kubanyoka tshikadi pabuipi. Telejayi! Bionsu abi nebikumbane mpindiewu. Maweja-Nangila ke udi umanyisha malu awu.”

Danyele 5:26

Diumvuija didi nenku: MENE, mmomumue ne: bakubala! Mbuena kuamba ne: Mvidi Mukulu mmubale matuku a bukalenga buebe, mmusue kuajikija.

Danyele 5:9

Baltazare kukuatshika bowa, mpala kutokoloka bipite. Bantu banene ba mu bukalenga buende kupampakana.

Yowele 1:11

Babidime badi bapampakana, bena madimi a mionji ya nwinyo badi bateketa mu maboku, bualu ntete yonsu mmijimine, bia pa madimi bionsu mbifue.

Yowele 1:13

Nuenu batuangaji, vualayi bilamba bia mu madilu! Nuenu badi benza mudimu ku tshilambuilu, dilayi! Nuenu bantu ba Mvidi Mukulu wetu, luayi, bungamayi butuku bujima! Bualu milambu ya ntete, nansha ya maluvu, kabatshiena bafika nayi mu nzubu wa Mvidi Mukulu.

Yowele 1:15

Eyi, dituku didi dikuatshisha bowa, dituku didi Maweja-Nangila ufika munda, dikadi pabuipi. Didi difika pamue ne kabutu kavua Mvidi Mukulu wa bukole buonsu mumane kujadika.

Yowele 1:5

Nuenu bakuatshiki ba maluvu, jukayi, dilaayi! Nuenu bonsu banu ba nwinyo, asayi miadi! Bualu bishi mbimane kudia tumuma tuonsu; nanku kanuakunua kabidi nwinyo mupiamupia!

Yowele 2:1

Elayi mpungi mu Siyone, elayi mbila pa mukuna wa tshijila wa Mvidi Mukulu! Nuenu bonsu bena ditunga, nuzakale, bualu dituku didi Maweja-Nangila ufika munda dikadi pabuipi.

Yowele 2:11

Maweja-Nangila udi wakula utantamana, ulombola bena mvita bende. Badi tshisumbu tshinene, batumikila diyi diende, kabayi ne udi mua kuambangana nabu. Dituku dia Maweja-Nangila, ndikuatshishe bantu bowa. Washala ne muoyi nnganyi?

Amosa 5:18

Bantu badi batekemena dituku dia Maweja-Nangila, didiye ne bua kudileja patoke, mbena diakabi. Dituku adi nedinulengelele ku tshinyi? — Nekuikale amu midima, butoke kabuyi bumueneka!

Sefanya 1:14

Dituku dinene didi Maweja-Nangila ufika munda dikadi pabuipi. Didi difika ne lubilu luonsu. Pafika dituku adi bantu nebele mbila, kabayi ne ditekemena nansha, nansha bantu badi ne dikima dipite nebadile muadi!

Sefanya 1:7

Puwayi, Mvidi Mukulu Maweja-Nangila udi ufika. Dituku dia tshiji tshiende dikadi pabuipi! Maweja-Nangila mmulongolole mulambu. mMumane kumusha mikiya ya badiye mubikile bua kudia nabu didia dia mulambu.

Zekâya 14:1

Dituku didi Maweja-Nangila ufika munda, dikadi pabuipi. Bena mu Yerushalayime, bantu nebabanyangane, bintu bienu, nuenu batangile.

Yakobe 5:1

Mpindiewu ndi nnubela nuenu, bena biuma! Dilayi, nutue mikemu, bualu makenga neanukuate!

Didimanyisha 18:10

Nebimane mutantshi mule, bazakale bua makenga adi ne bua kukuata tshimenga. Nebambe ne: “Babilone, ndiakabi kaayi edi! nDikenga kaayi! Wewe tshimenga tshinene, tshia bukole kabidi! Badi bakunyoka amu diba dimue, ubutuka butubutuu!”