Yeshaya 13:20 - MUKANDA WA MYIDI MUKULU

²⁰ Ditunga dia Babilone nedishale munda mutupu kashidi kashidi. Nansha bena ngendu, kabena basamu mitanda yabu to. Nansha badishi ba bimuna, kabena bimanamu to.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Kena wikala ne bantu kashidi, bantu kabena bashikamamu kabidi tô ne tshiendelele. Muena Alaba kena ushimikamu ntenta wandi kabidi, ne balami ba mikoko kabena baladikaku mikoko yabo.

Yeshaya 13:20 교차 참조

2 Kulondolola 17:11

Bena Peleshete mene bavua batuadila Yosafate milambu ne bintu bia tshiamu tshitoke tshia mushinga mukole, bia kumuambuluisha nabi. Bena Arabe bavua bamutuadila mikoku ya bimpanga binunu muanda mutekete ne nkama muanda Mutekete, ne mbuji ya mpumbu amu bungi bua momumue.

Yobe 3:7

Eyowa, butuku abu, kabena mua kuluangana to, kabena mua kuela tunkunduluila nansha!

Musambu wa Solomo 1:7

Wewe undi munange, ungambile muaba uudi udishila mikoku yebe, uudi uyiteka bua kuikishayi munda munya, bua tshipambuku, tshikukebi muaba udi balunda bebe badishila mikoku yabu.

Yeshaya 14:23

Nengenze Babilone bu mudi tshisense, muaba udibu basombe kudi nyunyi ya kasonga-mule. Nembutule bionsu. Meme Maweja-Nangila, ndi njadika nanku.”

Yeshaya 21:1

Badi bamanyisha malu adi atangila Babilone, “Tshipela tshidi ku musulu.” Muena lukuna udi utumina ku tshipela, ku ditunga didi dikuatshisha bantu bowa, amu mudi mvunde ukosolola tshipela tshia Negebe.

Yeshaya 25:2

Wewe uvua mudishimbuile tshimenga, tshishale dikolu, uvua mubutule tshimenga, tshivuabu bakoleshe ne bimana, tshishale munda mutupu kamuyi bantu. Muaba uvua bena ditambisha bakoleshe ne bimana, kautshiena kabidi tshimenga to. Kabena mua kuwibakulula kabidi nansha.

Yeshaya 34:17

Maweja-Nangila uvua mutshinke, tshitupa tshia ditunga, tshidi yonsu wa kudiyi mua kupeta. Uvua muangate muonji, bua kupima ditunga, kudiabanyina nyama ayi. Nedishale diayi kashidi, neisombemu tshiendelele.

Yirmeya 49:33

Tshimenga tshia Ashore netshikale muaba udi nyama ya mibuabua ilala, tshipela tshidi tshikuatshisha bowa kashidi. Muntu nansha umue kakuasamu nansha kusokomamu to.

Yirmeya 50:13

Bua tshiji tshia Maweja-Nangila, ditunga dia Babilone nedishale munda mutupu, nedishale anu tshipela. Bantu badi bapitshila mu njila, basemena pabuipi ne Babilone, nebakeme, nebazakale, nebele bibingu, pamonabu mudi bionsu binyanguke.

Yirmeya 50:21

Maweja-Nangila udi wamba ne: Nuye kuluisha ditunga dia Maratime, nuluangane ne bena mu Pekode, nubashipe, nubabutule bonsu. Nukumbaje bionsu bimvua munutumine diyi.

Yirmeya 50:3

Tshisamba tshidi tshiluisha Babilone, netshifumine ku mutu wa ditunga. Netshinyange ditunga, dishale tshipela tshidi tshikuatshisha bantu bowa. Muntu nansha umue kakusombamu. Bantu ne nyama bionsu nebinyeme.

Yirmeya 50:39

Nanku nyama ya tuanda ne ya bimungu neyibuele mu tshimenga. Nyunyi idi ne mikiya neisombemu. Kadi, bantu kabakuasa, kabakusomba kabidi mu ditunga dia Babilone kashidi kashidi.

Yirmeya 50:45

Nanku, telejayi tshidi Maweja-Nangila musue kuenzela bena Babilone, tshidiye mulongoluela bantu bende. Kanuedi mpata: bana ne bena butekete mene, nebaye nabu bonsu, bu mudibu basaka bimuna.

Yirmeya 51:25

Eyowa, wewe Babilone, ndi nebe ne tshilumbu. Udi bu nyama mubi udi ukeba kubutula bionsu bidi pa buloba. Kadi meme Maweja-Nangila ndi muluishi webe! Nenkukuate mu bianza, nenkuele mu kandondu, nenkoshe ne kapia.

Yirmeya 51:29

Buloba budi buzakala! Tshikumina tshidi tshienzeka! Bualu Maweja-Nangila udi ukumbaja tshivuaye muambe. Udi unyoka ditunga dia Babilone. Udi udienza tshipela, muaba udi bantu kabayi mua kusomba.

Yirmeya 51:37

Nembutule tshimenga tshia Babilone, netshishale muaba udi nyama ya mibuabua ilala, tshimenga tshidi bantu kabayi mua kuasa, tshidi tshikuatshisha bantu bowa, tshidi bantu batele bazakala.

Yirmeya 51:43

Bimenga biende mbinyanguke! Ditunga diende dikadi tshipela, muaba udi bantu kabayi mua kusomba, muaba udi bantu kabayi nansha mua kupitshila.