Yeshaya 11:11 - MUKANDA WA MYIDI MUKULU

¹¹ Dituku adi Maweja-Nangila neenze tshiakabidi muende muonsu, bua kupikula bantu bende. Neapingaje kuabu bavua bashale ne muoyi mu ditunga dia Ashure ne dia Ejipitu, mu ditunga dia Patrose ne dia Kushe, mu Elame ne mu Babilone, mu Amate wa bena Arame, ne mu matunga a ku muelelu wa mayi manene.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Mu dituku adi Mukelenge neolole tshianza tshiandi tshiakabidi bua kuhikuleye difuka dia bantu bandi badi mu Ashû, mu Ejipitu, mu Patelosa, mu Atiopa, mu Elama, mu Shinâ, mu Hamata ne mu maloba adi ku muelelu wa mai manene.

Yeshaya 11:11 교차 참조

Genese 10:10

Bimenga binene bia kumpala bivua ku bumfumu buende bivua: Bahele, Ereke, Akade ne Kalne mu ditunga dia Babilone.

Genese 10:22

Bana ba balume ba Sheme badi: Elame, Ashure, Arpakshade, Lude ne Arame.

Genese 11:2

Kadi bumuke ku luseke ludi diba dipatukila, kusanganabu mpata munene mu ditunga dia Babilone. Kuasabu muaba awu.

Genese 14:1

Mu tshikondu atshi, bakalenga banayi, Amrafele, mukalenga wabena Babilone, Ariyoke, mukalenga wa bena Elazare, Kedorlayomere, mukalenga wa bena Elame, ne Tidale, mukalenga wa bena Ngoyime,

Genese 2:13

Dina dia musapa muibidi didi Ngishone; wowu udi munyungulule ditunga dia Kushe.

2 Bakalenga 17:24

Mukalenga wa bena Ashure, kubikidisha bantu ba mu Babilone, Kuta, Ava, Amate ne Sefawayime, bua kubapesha miaba ya kuasa mu ditunga dia Samariya. Kuasabu mu misoku ivua bena Izrayele bashiye, bualu bavua babakuata baye nabu mu bupika. Nanku, bantu aba, kuangata buloba abu, kuasamu misoku yabu.

Estere 10:1

Mukalenga Ahashaveroshe uvua wenzeja bantu ba mu matunga a ku muelelu wa mayi manene, ne ba mu bidila bivua ku bukalenga buende midimu mikole.

Misambu 68:22

Kadi Mvidi Mukulu neabose mitu mikale ne nsuki mile ya baluishi bende, neazaze tubalubalu tua mitu ya benji ba bibi.

Yeshaya 1:9

Kadi bu Maweja-Nangila muena bukole buonsu, kayi mupandishe kasumbu kakese ka bantu, tuvua mua kubutuka bu tshimenga tshia Sodome, tuvua mua kujimina bu tshimenga tshia Ngomore.

Yeshaya 10:20

Dituku adi, bena Izrayele badi bashale ne muoyi, bena diku dia Yakobe badi kabayi bafue mu mvita, nebumuke kudi muntu uvua mubakume. Kadi nebanyemene kudi Maweja-Nangila, Mvidi Mukulu wa tshijila wa bena Izrayele. Nebamulamate kashidi.

Yeshaya 10:9

Meme kukuata tshimenga tshia Kalne, kukuata ne tshia Karkemishe. Meme kukuata tshimenga tshia Amate, kukuata tshia Arpade, kukuata Samariya, kukuata Damase.

Yeshaya 11:16

Bu muvua bena Izrayele bavua bapatuka mu Ejipitu, benda mu njila munene, ke mudi bantu bavua bashale ne muoyi, mu ditunga dia bena Ashure, mua kuenda kabidi mu njila munene.

Yeshaya 19:21

Nenku Maweja-Nangila neadimanyishe kudi bena Ejipitu. Bobu kabidi nebamumanye, bamutendelele ne milambu ya kuosha, ne milambu ya bia pa madimi. Nebaditshipe kudiye, nebashale balama mitshipu yabu.

Yeshaya 19:22

Maweja-Nangila neanyoke bena Ejipitu, bua bamone mua kudilengeja. Nebapingane kudiye. Yeye neanyishe malomba abu, neabambuluishe.

Yeshaya 21:2

— Maweja-Nangila kundeja mu tshilota, bualu bua dikema, buenza bowa. Uvua wamba ne: “Bakengeshanganyi badi amu bakengeshangana, babutudianganyi badi amu babutulangana. Bena Elame, bangayi mvita! Bena Madayi, luishayi tshimenga! Tshiena musue bua bena Babilone batuishe kabidi bantu mikemu.”

Yeshaya 22:6

Bena mvita ba bena Elame bisumbu ne bisumbu, badi bambula mata ne mikete; bakuabu badi babanda mu matempu, babanda pa nyama ya tubalu. Bena mvita ba bena Kire badi balongolola ngabu yabu.

Yeshaya 24:15

“Nuenu bena ku luseke ludi diba dipatukila, tumbishayi Maweja-Nangila. Nuenu badi basomba ku mielelu ya mayi manene, kobolayi dina dia Maweja-Nangila Mvidi Mukulu wa Izrayele.”

Yeshaya 37:31

Bena mu bukalenga bua bena Yuda badi bashala ne muoyi, nebikale tshiakabidi bu mutshi udi muele miji mu buloba: matamba awu neikale ne bimuma bia bungi.

Yeshaya 42:10

Imbilayi Maweja-Nangila musambu mupiamupia. Nuenu badi benda mu mayi manene, nuenu bifukibua bidi biendamu, ne nuenu bantu badi base kulekule, numutumbishe too ne ku ndekelu kua buloba.

Yeshaya 42:12

Bantu badi base kule, batumbishe Maweja-Nangila, bamusamune ne meyi makole!

Yeshaya 42:4

Kakuteketa mu maboku, kakupungila, too ne muabuejaye malu malenga pa buloba bujima. Bantu ba ku matunga a kule, badi amu bamuindila, bua abalongeshe.

Yeshaya 45:14

Izrayele, Maweja-Nangila udi ukuambila ne: tshionsu tshidi bena Ejipitu bapeta ku mudimu wabu, makasa adi bena Kushe, nansha bantu bale ba kafiondu ba mu Seba bapeta, bionsu ebi nebipitshile muebe, nebikale bintu biebe. Bantu aba nebakulonde, bamane kubasuika ne nkanu. Nebadiele panshi kumpala kuebe, bakutondela ne: “Mvidi Mukulu udi amu kuebe. Kena munga muaba to.”

Yeshaya 49:12

Tangilayi, mbobu aba bakadi bafika. Badi pa mayi manene, batumina kule. Bamue mbafumine ku mutu kua matunga, banga kudi diba dibuelela, bakuabu ku Ejipitu kuinshi kua ditunga.”

Yeshaya 66:19

Nembaleje mundi ne bumfumu. Kadi bantu bakuabu bandi mumane kupandisha, nembatume mu bisamba bia bena Tarshishe, bena Pule, bena Lude, — ke bantu badi bamanye bikole mua kuela mikete, — bia bena Tubale ne bena Yavane, ne mu bidiila bidi kulekule. Miaba yonsu ayi bantu kabena banji kumvua butumbi buanyi. Kadi bantu bambatuma, nebamanyishe bena bisamba ebi butumbi buanyi.

Yirmeya 25:25

— ke bakalenga bonsu ba mu Zimri, ba mu Elame, ne bena Madayi;

Yirmeya 31:10

Nuenu bisamba bikuabu, telejayi tshidi Maweja-Nangila wamba. Numanyishe bantu too ne ba mu bidiila bidi kule ne: “Maweja-Nangila uvua mutangalaje bena Izrayele. Kadi mpindiewu udi mubakunguje. Udi ubakuba mudi mulami wa mikoku ukuba mikoku yende.”

Yirmeya 44:1

Maweja-Nangila kuambila Yirmeya malu avuaye ne bua kumanyisha bena Yuda bonsu bavua baye kusokoma mu Ejipitu mu tshimenga tshia Migdole, tshia Tapanese, tshia Memfise, ne mu buloba bua Patrose. Ke Yirmeya kubambila ne:

Yirmeya 49:23

Bua bena Damase Maweja-Nangila udi wamba ne: Bena mu tshimenga tshia Amate ne tshia Arpade, nebakuatshike bowa bunene pumvuabu lumu lubi. Nebazakale kabayi bapeta dikisha.

Yezekiyele 27:6

Bavua benza mibambu ne mabaya a lusanga lua mu Bashane. Bavua bibake majuwa, benza ne bisasa, ne mitshi ya Sedre ya mu bidila bia bena Ngreke, balamikaku mibanga.

Yezekiyele 29:14

Nengandamune malu abu bua bapingane ku Patrose mu ditunga diabu dia kale. Nengenzemu bukalenga budi kabuyi ne bukole,

Yezekiyele 30:14

Nennyange Patrase. Nengoshe tshimenga tshia Sowane. Nennyoke ne tshimenga tshia No.

Yezekiyele 32:24

“Mukalenga wa bena Elame udi muaba awu ne tshiluilu tshiende. Lukita luende ludi munkatshi mua nkita ya bena mvita bende bonsu bafuile mu mvita. Bantu aba, bavua bakuatshisha bantu bowa pa buloba, badi lelu mu kandondu ka bafue. Badi bumvua bundu, bualu badi balala pamue ne bantu bafue bakuabu ba patupu.

Yezekiyele 38:8

Padi bidimu bia bungi bipita, nenkutume bua kuluisha bena Izrayele. Bena Izrayele batua bapanduke ku mvita, nebumuke mu matunga mashilangane atuabu basombe. Nebaye kusomba pa mikuna ya Izrayele itua mishale munda mutupu bidimu bia bungi. Katshia bena Izrayele bumuke munkatshi mua bisamba bikuabu, batua basomba amu talala.

Danyele 1:2

Maweja-Nangila kufila Yoyakime mu bianza bia Nebukadnesare, kabidi ne bintu bikuabu bia tshijila bia mu nzubu wa Mvidi Mukulu. Nebukadnesare kuya ne bena lukanu mu Babilone, kuteka bintu bia tshijila abi mu nzubu wa mvidie yende, mu tshibambalu tshia kulamina bintu.

Danyele 11:18

Kunyima neaye ne mvita yende ku muelelu wa ditunga. Neakuate maloba a bungi, too ne padi mukalenga muenyi umutshimuna, umupingajila malu mabi onsu avuaye muenzele bakuabu.

Danyele 8:2

Ke tshimvua mumone etshi: Mvua mu Shushane, tshimenga tshikulu tshia ditunga dia Elame, ku muelelu wa mukidi udi dina dia Ulayi.

Osheya 11:10

Bena tshimuangi nebalonde Maweja-Nangila. Yeye udi udila bu nyama wa ntambue. Padiye udila, bana bende badi bafika, benda bazakala, batumina dishiya dia mayi manene.

Osheya 11:11

Nebafumine kabidi ku Ejipitu bu mudi nyunyi ya mishamisha, ne ku bena Ashure, bu mudi tshisaku tshia nyunyi ya nkudimba. “Nembapingaje mu ditunga diabu.” Ke mudi Maweja-Nangila wamba nanku.

Mika 7:12

Pashishe, bana benu, nebapingane mu ditunga dienu, bafumina ku bena Ashure ne ku Ejipitu, ku mielelu ya Nile ne Perate, ku mielelu ya mayi manene, ne ku matunga a mikuna.

Sefanya 2:11

Maweja-Nangila neabakuatshishe bowa. Neabutule nwidie yonsu ya pa buloba. Diba adi, bantu bonsu, nansha badi basomba kule kupite, nebamutendelele, muntu yonsu muaba udiye usomba.

Zekâya 5:11

Kungandamunaye ne: — Badi baya natshi ku Mezopotamiya. Nebatshiashile nzubu, pashishe nebatshienzele tshibumba, bua kutshitekapu.

Zekâya 8:7

Ndi nnulaya ne: neusungidile bantu banyi, badi mu bupika mu matunga a kudi diba dipatukila ne kudidi dibuelela.

Zekâya 9:2

Diyi diende ndifike mu tshimenga tshia Amate, tshidi pabuipi ne tshimenga tshia Damase, ne mu tshimenga tshia Tire ne tshia Sidone, bimenga bidi ne bantu ba meji.

Rome 11:15

Bualu pavuabu babateke ku luseke, bantu ba pa buloba kupingana mu diumvuangana ne Mvidi Mukulu. Nanku dituku didibu babakidila, nebienzeke bishi? Diba adi nebikale bu bantu badi bumuka ku lufu, babuela mu muoyi.

Rome 11:26

Ke muasungidilabu bena Izrayele bonsu. Bualu Mukanda wa tshijila udi wamba ne: “Mupikudi neafume mu Siyone. Neumushe buntomboji kudi ndelanganyi ya Yakobe.

2 Korente 3:16

Kadi Mukanda wa tshijila udi wamba ne: “Padi muntu umonangana ne Maweja-Nangila, badi bumusha tshilamba.”

Dielulula 9:29

Maweja-Nangila, bena Izrayele aba mbantu bebe, baudi mudisunguile, bauvua mupikule, mupatule mu Ejipitu ku bukole ne ku makanda ebe mapite.”