Yeshaya 10:9 - MUKANDA WA MYIDI MUKULU

⁹ Meme kukuata tshimenga tshia Kalne, kukuata ne tshia Karkemishe. Meme kukuata tshimenga tshia Amate, kukuata tshia Arpade, kukuata Samariya, kukuata Damase.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Kaleno kawena bu Kâkemisha, anyi? Hamata kawena bu Apada, anyi? Samalea kawena bu Damaseke, anyi?

Yeshaya 10:9 교차 참조

Genese 10:10

Bimenga binene bia kumpala bivua ku bumfumu buende bivua: Bahele, Ereke, Akade ne Kalne mu ditunga dia Babilone.

2 Samuele 8:9

Towu, mukalenga wa Amate kumvua ne: Davide mmutshimune bena mvita bonsu ba Adadezere.

2 Bakalenga 16:9

Mukalenga wa bena Ashure kukumbaja bionsu bivua Akaze mulombe. Kuyaye kuluisha tshimenga tshia Damase, kutshikuata, kuya ne benatshi mu bupika ku Kire. Kadi, kushipeshaye Reshine, mukalenga wa bena Arame.

2 Bakalenga 17:24

Mukalenga wa bena Ashure, kubikidisha bantu ba mu Babilone, Kuta, Ava, Amate ne Sefawayime, bua kubapesha miaba ya kuasa mu ditunga dia Samariya. Kuasabu mu misoku ivua bena Izrayele bashiye, bualu bavua babakuata baye nabu mu bupika. Nanku, bantu aba, kuangata buloba abu, kuasamu misoku yabu.

2 Bakalenga 18:34

Mvidie wa tshimenga tshia Amate ne tshia Arpade, ivua mingenzele tshinyi? Nansha mvidie ya tshimenga tshia Sefarvayime, tshia Ena, ne tshia Ava? Mvidie nansha umue kavua munkandike bua meme kukuata tshimenga tshia Samariya to.

2 Kulondolola 32:14

Kumvidie yamatunga onsu adi bankambua banyi banyanga, mvidie nansha umue ki mmupandishe bantu bende to. Nanku, Mvidi Mukulu wenu udi mua kunupikula kundi munyi?

2 Kulondolola 35:20

Dituku dikuabu, Yoshiya mumane kulongolola nzubu wa Mvidi Mukulu, Neko, mukalenga wa bena Ejipitu, kuya ne bena mvita bende ku Karkemishe, ku musulu wa Perate, bua kuluangenaku mvita. Yoshiya kavua musue ne: bena Ejipitu bapitshile mu ditunga diende to.

Yeshaya 10:8

Bualu udi wamba ne: “Balombodi ba bena mvita banyi, badi ne bukole bu bua bakalenga ba matunga!

Yeshaya 17:1

Badi bamanyisha malu adi atangila “Damase”. Nkushale amu matuku makese, Damase kakuikala kabidi tshimenga to. Bionsu bidimu nebibutuke.

Yeshaya 17:3

Bukalenga bua Efrayime kabuakuikala kabidi ne bena mvita. Bena Damase kabakuikala kabidi ne mukalenga to. Bantu badi bashala ne muoyi mu Damase, nebikale bakese, mudi bena Izrayele mene. Maweja-Nangila muena bukole buonsu, ke udi ujadika nanku awu.

Yeshaya 33:8

Njila idi munda mutupu. Bantu kabena bapitshilamu. Muena tshikisu mmupule ndondu, mubenge mikanda idi imujadika. Muoyi wa muntu kawena ne mushinga ku mesu ende.

Yeshaya 36:19

Mvidie ya bena tshimenga tshia Amate ne tshia Arpade, ivua mienze tshinyi? Nansha ya bena tshimenga tshia Sefarvayime? Muntu uvua mumpangishe mua kukuata tshimenga tshia Samariya anyi?

Yeshaya 37:11

Udi mumane kumanya muvua bakalenga ba bena Ashure benzele matunga makuabu onsu, baanyangakaje. Nanku wewe udi wela meji ne: neupanduke anyi?

Yeshaya 37:13

Ela meji bimpe. Bakalenga ba mu tshimenga tshia Amate, tshia Arpade, tshia Layire, tshia Sefawayime, tshia Ena ne tshia Eva, badi penyi?”

Yeshaya 7:8

Bualu, Damase udi tshimenga tshikulu tshia bena Arame, Resine udi mukalenga amu wa bena Damase. Samariya udi tshimenga tshikulu tshia bena Efrayime, Peka udi mukalenga amu mu Samariya. Kadi nkushale amu bidimu makumi asambombu ne bitanu, bua tshisamba tshia bena Efrayime kubulukatshi.’ Panudi kanuyi nushindika muoyi wenu kudi Maweja-Nangila, kanuakuikala bantu bashindame to.”

Yirmeya 46:2

Umvuayi malu avua Mvidi Mukulu mumanyishe bua Ejipitu, ne tshiluilu tshia Neko, mukalenga wa bena Ejipitu. Neko uvua mu Karkemishe, ku muelelu wa musulu wa Perate, pavua Nebukadnesare, mukalenga wa Babilone mumutshimune. Bivua bienzeka tshidimu tshinayi tshivua Yoyakime, muana wa Yoshiya, mu bukalenga bua Yuda.

Yirmeya 49:23

Bua bena Damase Maweja-Nangila udi wamba ne: Bena mu tshimenga tshia Amate ne tshia Arpade, nebakuatshike bowa bunene pumvuabu lumu lubi. Nebazakale kabayi bapeta dikisha.

Yezekiyele 47:16

Pashishe mukalu udi upitshila ku bimenga bia Bereta ne Sibrayime, bidi pankatshi pa bukalenga bua Damase ne bua Amate, ne ku tshimenga tshia Ashere-Tikone pabuipi ne mukalu wa buloba bua Awurane.

Abakuke 1:10

Badi baseka bakalenga ba matunga, banaya nabu, batshimbakaja bakulu ba mu bukalenga buabu. Bimana bivua bantu bakoleshe nabi bimenga, badi babimona bu bintu bia tshianana, benza anu kabumba ka buloba, babandapu, bakuata tshimenga.

Dibadika 34:8

Mukalu awu udi umuka ku mukuna wa Ore, upitshila ku Lebo-Amate ne ku Sedade.