Yeshaya 10:4 - MUKANDA WA MYIDI MUKULU

⁴ Diba adi, nudi mua kusungula amu malu abidi: kubuelakana ne bena lukanu, nansha kufua. Kadi tshiji tshia Maweja-Nangila katshiena tshijika, tshianza tshiende tshitshidi tshiela mulu.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Nenumanye anu mua kusokoma munkatshi mua bena lukuna badi bakuatshibue mu nvita, nenubatame munkatshi mua bitalu bia bantu bashihibue! Bua malu â onso tshiji tshiandi katshiena tshikudimuke, kadi tshianza tshiandi tshitshidi tshiolola.

Yeshaya 10:4 교차 참조

Yeshaya 22:2

Mitoyi bungi nanku mu tshimenga, mbila mikole nya tshinyi? Bantu mbasanke anyi? Bafue ba muebe ki mbafuile mu mvita anyi? Kabavua babashipe anyi?

Yeshaya 24:22

Nebabasangishe bonsu pamue bu bena lukanu, babela mu dijimba. Nebabakangile mu nzubu wa lukanu. Papita matuku mavule, bonsu aba nebapitshile ku tshilumbu.

Yeshaya 34:3

Badibu bashipa, badi babimansha panshi, kabayi babajika to. Bitalu biabu bidi bibola, binunka bibi. Mashi abu adi apueka pa mikuna.

Yeshaya 5:25

Nanku Maweja-Nangila mmufikile bantu bende munda. Mmubakanyine, mubatume. Mikuna imona nanku, kuzakalayi. Bitalu bia bantu kushala panshi mu misesu, bu butu bua kuimansha mu dyala. Kadi tshiji tshia Maweja-Nangila katshiena tshijike to. Udi amu ukanyina bantu bende.

Yeshaya 66:16

Ku kapia ne ku muele wa mvita, ke kudi Maweja-Nangila ukosela nsambu mu bukua bantu. Bantu nebafue bapite bungi.

Yeshaya 9:11

kumpala kuabu kudi bena Arame, kunyima kuabu bena Peleshete. Bantu bonsu aba bakanyanga bena Izrayele bikole, babanyenga buloba buabu. Kadi tshiji tshia Maweja-Nangila katshiena tshijika. Utshidi amu ubakanyina.

Yeshaya 9:12

Ke muvua Mvidi Mukulu munyoke bantu bende nanku. Kadi bena Izrayele, nansha bobu bamone bionsu abi, kabena bapingane kudi Mvidi Mukulu wabu to. Kabena balonda tshidi Maweja-Nangila muena bukole bonsu musue.

Yeshaya 9:16

Ke padi Maweja-Nangila kayi mua kupandisha bansongalume babu ku mvita. Kena mua kufuila bakaji bakamba ne bana ba nshiye luse. Bualu bantu bonsu badi benza bibi, babenga diyi dia Mvidi Mukulu, bakula bu bantu badi kabayi bangata Mvidi Mukulu ne mushinga. Kadi tshiji tshia Maweja-Nangila, katshiena tshijika. Utshidi amu olola tshianza bua kunyoka.

Yeshaya 9:17

Eyowa, bubi budi butampakana kudi bantu bu kapia katua ku tshisuku, kalambuluka mu ditu, kajuula muishi mupite bungi bu mavuba.

Yeshaya 9:20

Bisamba bivua bibundangana, tshia Menashe kubunda tshia Efrayime, etshi kabidi kubunda tshia Menashe. Bionsu bibidi ebi kubunda tshia Yuda. Kadi tshiji tshia Maweja-Nangila katshiena tshijika. Tshianza tshiende tshitshidi tshiela mulu.

Yirmeya 15:2

Pikalabu bakukonka ne: “Netuye penyi” wandamune ne: Maweja-Nangila udi wamba ne: Muntu yonsu neaye muaba udibu bamufundile. Udibu bafundile disama dia tshiambu neadipete. Udibu bafundile kufua mu mvita, neafuilemu. Udi ne bua kufua ku tshiyole tshia nzala, neafue. Udibu ne bua kuya nende mu bupika, nebaye nende!

Yirmeya 37:10

Nansha nuenu batshimune tshiluilu tshionsu tshia bena Babilone tshidi tshinuluisha, nansha bena Babilone badi bashale bikale amu bantu batapike mputa, yonsu wa kudibu neapete bukole, neimane kulu mu ntenta wende. Nebafike bua kuosha tshimenga etshi tshionsu ne kapia.

Yirmeya 4:8

Vualayi bilamba bikayapale, nudile miadi, nudituute bianza pa tshiadi. Bualu Maweja-Nangila utshidi ne tshiji, unulondakaja ne tshiji tshiende tshikole.

Osheya 9:12

Nansha bobu bakolesha bana, nembumushe panu, kabayi banji kufika ku bantu. Pangikala mumane kubenga bena Efrayime, nebashale bena diakabi!

Lewitiki 26:17

Nennukengeshe. Baluishi benu nebanutshimune, banutshimbakaje. Nenudinyemene, kakuyi muntu unuipata.

Dielulula 32:30

Pandi meme Maweja-Nangila, lubuebue ludi bukole buabu, mbafila mu bianza bia baluishi babu, muluishi umue neatshimune bena Izrayele tshinunu, baluishi babidi nebanyemeshe bena Izrayele binunu dikumi.