Yeshaya 10:21 - MUKANDA WA MYIDI MUKULU

²¹ Kasumbu kadi kashala nekapingane. Bushuwa, bena Izrayele badi bashala nebapingane kudi Mvidi Mukulu wa bukole.

Mukanda wa Nzambi Dihungila Dikulukulu ne Dihungila Dihia-dihia 2003

²¹ Bamue ba munkatshi mua bantu bakadiku diambedi, bamue ba mu bana ba Yakoba batshidi bashale mene, nebahingane kudi Nzambi Mukole.

Yeshaya 10:21 교차 참조

Ezela 1:4

Miaba yonsu idi bena Izrayele basombe, bena ditunga bambuluishe bena Izrayele ne tshiamu tshia mpawungi, tshiamu tshitoke tshia mushinga mukole, ne bintu bikuabu, kabidi ne bimuna. Babapeshe kabidi ne milambu ya budisuile bua nzubu wa Mvidi Mukulu wa mu Yerushalayime.”

Yeshaya 19:22

Maweja-Nangila neanyoke bena Ejipitu, bua bamone mua kudilengeja. Nebapingane kudiye. Yeye neanyishe malomba abu, neabambuluishe.

Yeshaya 37:31

Bena mu bukalenga bua bena Yuda badi bashala ne muoyi, nebikale tshiakabidi bu mutshi udi muele miji mu buloba: matamba awu neikale ne bimuma bia bungi.

Yeshaya 46:3

Nuenu bena Izrayele, ntelejayi, nuenu bena Yakobe badi bashala ne muoyi, nuenu bandi mulame katshia banulela, katshia nuamona diba.

Yeshaya 55:7

Muntu mubi alekele njila yende mibi. Udi kayi ne meji makane, alekele meji ende mabi! Bantu bapingane bonsu kudi Maweja-Nangila, bualu neabafuile luse! Bapingane kudi Mvidi Mukulu wetu, bualu neabalekele mibi yabu!

Yeshaya 59:20

Maweja-Nangila nealue bua kupikula Yerushalayime, ne bena Izrayele bonsu badi bakudimuna nsombelu yabu. Ke yeye mene udi ujadika bualu ebu.

Yeshaya 7:3

Maweja-Nangila kuambila Yeshaya ne: — Angate muanebe Sheyare-Yashube, uye kumonangana ne Akaze. Udi ku ndekelu kua mukidi wa mayi adi afuma ku tshiina tshia ku mutu. Nulonde amu njila wa ku budimi bua Basukudi ba bilamba.

Yeshaya 9:13

Nenku Maweja-Nangila neanyoke bena Izrayele bonsu, bamfumu ne bantu babu, amu dituku dimue, amu mudibu bakose mutu ne mukila.

Yeshaya 9:6

Bukalenga buende nebutangalake, bena ditunga bende nebasombe mu bupole kashidi. Neashindame mu nkuasa wa lumu lua Davide, mpindiewu ne tshiendelele. Bumfumu buende nebutungunuke kashidi, bualu udi ulongolola malu bimpe, amu mudi Mvidi Mukulu ujinga. Ke bidi Maweja-Nangila muena bukole buonsu ukumbaja, bualu udi utunanga, kayi upungila.

Yirmeya 50:20

Meme Maweja-Nangila ndi ngamba ne: Tshikondu atshi, bantu nebakebe bilema bidi bena Izrayele nabi. Kadi kabakubisangana to. Nebakebe tshilema tshia bena Yuda, kadi kabakumona nansha tshimue to. Bualu bantu bandi mushiye ne muoyi, nembafuile luse.

Osheya 14:1

Nebanyoke bena Samariya bua buenzayi buabu, bualu mbatombokele Mvidi Mukulu wabu. Nebafue mu myita ne bana babu, nebatundule bakaji babu badi ne mafu.

Osheya 6:1

Nudi nuamba ne: “Tuyayi, tupinganayi kudi Maweja-Nangila. Yeye udi mututape mputa, neatuondape kabidi. Yeye udi mutukume, neatusuike tshilamba pa mputa.

Osheya 7:10

Ditambisha dia bena Izrayele, ke didi dibasonguela. Kadi, nansha bobu bamona makenga onsu aa, kabena bapingana kundi meme Maweja-Nangila Mvidi Mukulu wabu to.

Osheya 7:16

Pikala bena Efrayime bapingana kudi muntu, kabena bapingana kundi meme Maweja-Nangila to. mBafuanangane ne buta bua mbale, budi kabuyi bukumbane bua kuela nabu mikete. Bamfumu babu nebafue mu myita, bualu bavua bampende! Nebabaseke kudi bena Ejipitu!

Bienzedi 26:20

Bangabanga meme kulongesha mu Damase ne mu Yerushalayime, pashishe mu ditunga dijima dia Yudeya, ne mu matunga a bantu ba bisamba bikuabu. Mvua mulombe bantu bonsu, bua bandamune ngenzelu yabu, bapingane kudi Mvidi Mukulu, baleje ku malu mimpe adibu benza, mudibu badilengeja.