Yeshaya 10:13 - MUKANDA WA MYIDI MUKULU

¹³ Udi wamba ne: “Ndi muenze bionsu amu ku bukole buanyi. Meme ndi mumanye malu, ndi muena budimu bupite. Ndi mushipe mikalu idi munkatshi mua matunga. Meme kupawula bintu bivuabu balamina mu mayeba. Meme kuipata ne bakalenga mu nkuasa yabu ya bumfumu.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Bualu bua wakuamba biandi ne, Nakuenza malu â ku bukole bua tshianza tshianyi, ne ku lungenyi luanyi, bualu bua ndi ne meji. Nakûmusha mikalu idi ihandulula bantu, nakunyenga bintu bia mu bibutshilu biabo; ne bu mudi muena bukitu wenza, nakuhuekesha badi bashikame mu nkuasa ya bukelenge.

Yeshaya 10:13 교차 참조

2 Bakalenga 15:29

Tshikondu tshivua Peka mukalenga wa bena Izrayele, Tiglate-Pilesere, mukalenga wa bena Ashure, kukuata bimenga ebi: Yone, Ebele-Bete-Maaka, Yanowa, Kadeshe ne Ashore. Tiglate-Pilesere kukuata buloba bua bena Ngilaade, Ngalileya, ne ditunga dijima dia Naftali. Kuyaye ne bena ditunga mu bupika mu Ashure.

2 Bakalenga 16:8

Nanku, Akaze kusangisha tshiamu tshia mpawungi ne tshiamu tshitoke tshia mushinga mukole, bivua mu nzubu wa Maweja-Nangila ne mu tshibambalu tshia kuteka bintu tshivua ku nzubu wa bukalenga. Kutuminaye mukalenga wa bena Ashure bintu abi bua kumusankisha nabi.

2 Bakalenga 17:24

Mukalenga wa bena Ashure, kubikidisha bantu ba mu Babilone, Kuta, Ava, Amate ne Sefawayime, bua kubapesha miaba ya kuasa mu ditunga dia Samariya. Kuasabu mu misoku ivua bena Izrayele bashiye, bualu bavua babakuata baye nabu mu bupika. Nanku, bantu aba, kuangata buloba abu, kuasamu misoku yabu.

2 Bakalenga 17:6

Osheya mumane kulala mu bukalenga bidimu tshitema, mukalenga wa bena Ashure kukuata tshimenga tshia Samariya. Kuyabu ne bena Izrayele mu bupika mu Ashure, kubapesha buloba bua Ala, ne bua Ngozane, muaba udi musulu wa Abore, kabidi ne bimenga bia Madayi bua kusombamu.

2 Bakalenga 18:11

Mukalenga wa bena Ashure kukuata bena Izrayele, kuya nabu ku Ashure, kubapeshaye miaba ya kuasa mu buloba bua Ala, bua Ngozane, ne muaba uvua musulu wa Abore, ne mu bimenga bia Madayi.

2 Bakalenga 18:15

Izkiya kuangata tshiamu tshitoke tshia mushinga mukole tshionsu tshivua mu nzubu wa Mvidi Mukulu, ne tshivua mu tshibambalu tshia ku nzubu wa bukalenga.

2 Bakalenga 18:32

Pashishe, nemfike bua kunuangata, kuya nenu mu ditunga didi bu mudi dienu edi, ditunga didi ne ntete ya kuenza bukula bua mampa mipite bungi. Didi kabidi ne mionji ya maluvu a mvinyo, mitshi ya olive ya kuenza mafuta, kabidi ne buitshi. Nanku, pa mutu pa nuenu kufua muaba ewu, nuenu baye kuaka, nenuikale ne muoyi. Kanuteleji tshidi Izkiya unuambila to. Bualu udi unushima, padiye unuambila ne: Maweja-Nangila neatusungidile.

Nsumuinu 28:11

Muena biuma udi udimona bu muena meji. Kadi mupele wa lungenyi udi umutandula.

Yeshaya 10:8

Bualu udi wamba ne: “Balombodi ba bena mvita banyi, badi ne bukole bu bua bakalenga ba matunga!

Yeshaya 5:21

Bantu bonsu badi baditangila bu bena meji, ne bena lungenyi, mbena diakabi!

Yirmeya 46:8

Ke Ejipitu! Uvua wamba ne: “Bu mudi musulu wa Nile upasalala ne muenji mukole, meme kabidi nempasalale nguwuje buloba bujima. Ndi nnyanga bimenga, ne bantu bavua basombemu.

Yirmeya 48:14

Nuenu bena Mowabe, mmunyi munudi mua kuamba ne: “Tudi bilobu, tudi bantu badi bamanye mvita?”

Yezekiyele 25:3

Ubambile bua bateleje tshindi meme Maweja-Nangila mbambila ne: “Nuvua nuseka pavuabu banyanga muaba wanyi wa tshijila, pavuabu babutula ditunga dia bena Izrayele, pavuabu baya ne bena Yuda mu bupika.

Yezekiyele 26:2

— Yezekiyele, bena Tire badi baseka Yerushalayime, bamba ne: “Ekelekele! Ekelekele! Tshimenga tshia Yerushalayime, muaba uvua bantu ba matunga onsu bapitshila, ntshibutuke. Mpindiewu bantu nebafike kuetu bua kusakula. Netuneme bikole bipite, bualu mpindiewu Yerushalayime mmunyanguke!”

Yezekiyele 29:3

Meme Maweja-Nangila Mvidi Mukulu ndi mmumanyisha ne: “Nenkunyoke wewe mukalenga wa bena Ejipitu. Udi bu ngandu munene wa tshidika, udi musombe munkatshi mua misapa ya Nile. Udi ujadika ne: musulu wa Nile nguanyi, bualu meme ngudi mudienzele wu.

Yezekiyele 35:13

Nudi bambunde, kadi meme tshiena mupue bipendu bienu muoyi to.

Danyele 4:27

Mukalenga kuela lubila ne: — Ewu mBabilone, tshimenga tshinene tshimvua muibake, bua tshikale muaba wa mukalenga kusomba. Tshimenga etshi tshidi tshileja mudi bukole buanyi, ne mudi lumu lua bukalenga buanyi!

Danyele 4:30

Diakamue bualu ebu kuenzekabu. Kuipatabu Nebukadnesare munkatshi mua bantu. Kubangaye kudia bisosa, mudi ngombe idia. Mubidi wende kubola ne lumuma. Nsuki yende kulepa, bu masala a nyunyi ya tshiminyi. Nzadi yende kudiunda bu ya nyunyi.

Amosa 5:27

Ke mundi musue kunutuma mu bupika, mutantshi mule ne tshimenga tshia Damase. Meme ndi njadika nanku, Maweja-Nangila, Mvidi Mukulu wa bukole buonsu.

Amosa 6:13

Nudi nusanka bua tshimenga tshia tshianana, Lodabare, tshinuvua bakuate. Nudi nuditemba ne: “Ku makanda etu nkayetu ke kutudi bakuatshile Karnayime, tshimenga tshikole tshipite.”

Abakuke 1:11

Badi bafika lubilu bu mvunde, bakudimuka, baya. Bukole buabu ke nwidie wabu!

Abakuke 1:16

Badi balambula makondu abu milambu, bawoshila musenga wa kamonya, mudibu benzela mvidie. Bualu ke adi abadisha, abanemesha.

Abakuke 2:6

Kadi bantu badibu batshimune, nebabele nsenda, babatshipa, bamba ne: Nudi bena diakabi! Nudi nudiangatshila bintu bia bende, nutangila bantu bu badi ne bua kunufuta mabanza. Kadi nenuenze nanku too ne ku diba kaayi?

Dielulula 8:17

Kadi kanuedi meji ne: nudi badipetele diakalenga ku bukole buenu nkayenu to.

Balombodi 7:2

Maweja-Nangila kuambila Ngideyone ne: — Bena mvita bebe mbapite bungi. Tshiena mua kubambuluisha bua batshimune bena Madiyane. Bualu bena Izrayele badi mua kuditambisha ne: tudi batshimune ku bukole buetu. Nanku bena Izrayele badi mua kudiangatshila butumbi budi buanyi.