Yeshaya 1:8 - MUKANDA WA MYIDI MUKULU

⁸ Yerushalayime nkayende ke udi mushale, kadi mmushale amu bu kazubu kakese mu budimi bua njilu, bu kazubu ka tshisasa mu budimi bua mvinyo, bu tshimenga tshiela munkatshi kudi baluishi batshi.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Badi bashiya muana mukashi wa Siona bu tshisambusambu tshia mu budimi bua tumuma tua nvinyo, bu tshitandatanda tshia mu tshibidi tshia tumuma tua tunsalala, bu musoko udibo batshintshimika.

Yeshaya 1:8 교차 참조

Yobe 27:18

Bantu aba mbase nzubu mitekete bu mutanda wa mabeji, bu muaba udi muntu, udi ulama budimi bua mvinyo usomba.

Misambu 9:14

Maweja-Nangila ungambuluishe, tangila mudi baluishi banyi bankengesha bikole. Ungumushe ku kandondu ka bafue.

Yeshaya 1:7

Ditunga dienu didi bu tshipela. Bimenga bionsu, bavua babioshe. Bantu ba bisamba bikuabu mbiibe bia pa madimi enu, nuenu batangile. Bu muvuabi pa kabutu ka Sodome, kanuena bashale ne tshintu nansha tshimue.

Yeshaya 1:9

Kadi bu Maweja-Nangila muena bukole buonsu, kayi mupandishe kasumbu kakese ka bantu, tuvua mua kubutuka bu tshimenga tshia Sodome, tuvua mua kujimina bu tshimenga tshia Ngomore.

Yeshaya 10:32

Dituku dimue adi bena Ashure badi bakuata tshimenga tshia Nobe. Badi bakanyina bena mu Siyone, mukuna wa Yerushalayime.

Yeshaya 29:3

Nenunyungulule ne mitanda yanyi, nenkuele munkatshi. Nenkutshintshimike ne biamu bia mvita, kabidi ne mushiki wa buloba.

Yeshaya 30:17

Padi muluishi umue ukana bena mvita benu tshinunu, nebanyeme. Kadi padi batanu bakana, nenunyeme lubilu buonsu buenu. Tshiluilu tshienu tshionsu netshijimine. Netshishiye amu mutshi wa dibendele, muasa ku lusongu lua mukuna.

Yeshaya 37:22

Teleja malu andi muandamune Senakeribe: Tshimenga tshia Siyone tshidi tshikudiwula, tshikupepeja. Tshimenga tshimpe tshia Yerushalayime, tshidi tshikuseka, tshikupa mutu.

Yeshaya 37:4

Mukalenga wa bena Ashure, mmutume mulombodi wa bena mvita, mumuambuluishi, bua kupendabu Mvidi Mukulu wa muoyi. Eyowa, ndi njinga bua Maweja-Nangila Mvidi Mukulu webe umvue bipendu bionsu ebi, anyoke muntu uvua mumupende! wewe lombaku Maweja-Nangila, akuile bantu bende badi bashala ne muoyi.”

Yeshaya 4:4

Maweja-Nangila neatume kapepa ka buakane, ka kulengeja naku bantu. Pikala Maweja-Nangila mumane kusukula manyanu a bakaji ba mu Yerushalayime, pikalaye mumane kumbusha mashi a bantu avua Siyone mupumune muende,

Yeshaya 49:21

Nenku neudikonke ne: “Udi mumpe bana bonsu aba nnganyi? Nkavua mushale patupu, tshiyi mmona bana banyi. Tshivua mutekemene kupeta bakuabu. Bavua bangipata, bantuma kua bende. Kadi aba, uvua ubakolesha nnganyi? Mvua mushale nkayanyi. Kadi aba mbafume penyi?”

Yeshaya 62:11

tshidi Maweja-Nangila ubamanyisha ku ntengu ne ku ntengu ya buloba ne: Ambilayi bena Siyone ne: “Mupandishi wenu udi ufika, udi ufika ne bonsu badiye mupikule, udi ufika ne tshipeta tshia ku mudimu wende.”

Yeshaya 8:8

Mayi a musulu awu, neabuele miaba yonsu mu ditunga dia bena Yuda. Neakuate bantu too ne mu nshingu. Misapa yawu neitangalake, ibuikile ditunga diebe dijima, Emanuwele.

Yirmeya 4:17

Kuelabu tshimenga tshia Yerushalayime munkatshi anu bu mudi bansentedi balama budimi. Maweja-Nangila udi wamba ne: “Bionsu ebi bidi bienzeka bualu bavua bantombokele.”

Yirmeya 6:2

Tshimenga tshia Siyone ntshimpe tshitambe. Kadi nebatshibutule.

Muadi 2:1

Eyi! Bua tshiji tshiende, Maweja-Nangila udi ubuikila Yerushalayime ne mavuba! Butumbi buvua Izrayele nabu mu diulu, kubuimanshaye panshi pa buloba. Pavuaye mufikile Siyone munda, kavua muvuluke muvua Siyone muikale tshidiatshilu tshia makasa ende nansha.

Muadi 2:6

Kutulaye lupangu lua nzubu wende, kunyangaye muaba uvuaye usambakena netu. Maweja-Nangila kupesha bena Siyone tshipua muoyi tshia matuku a disanka ne tshia dituku dia Dikisha. Kulejaye tshiji tshiende: kupetulaye bakalenga, ne batuangaji kabidi.

Zekâya 2:10

Maweja-Nangila udi unuambila ne: “Nuenu bonsu bamvua mutangalaje nseke yonsu ya buloba, nyemayi mpindiewu, numuke ku matunga a ku mutu kua ditunga!

Zekâya 9:9

Yerushalayime, sanka bikole! Wewe tshimenga tshia Siyone, ela tunkunduluila! Tangila mudi mukalenga webe ukuvuila. Udi uvua kukusungidila, kukosa nsambu pa yoyi. Kadi kena uditambisha to! Udi mubande pa nyama wa mpunde, pa muana wa mpunde mukaji.

Yowanane 12:15

“Bena Siyone, kanutshinyi! Tangilayi, ke mukalenga wenu udi ufika! Mmusombe pa muana wa nyama wa mpunde.”