Yeshaya 1:6 - MUKANDA WA MYIDI MUKULU

⁶ Biangatshile ku makasa too ne ku mutu, pambidi penu padi amu mputa, mibundabunda, ne mputa ipatuka tufina. Muntu nansha umue kena muyisukule, kena muyele mafuta, kena nansha muyisuike.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Munda mua makasa tô ne ku lubombo lua mutu kakuena muaba udi kauyi ne disama, anu mputa, biuja, ne mibundabunda mihia-mihia, bidi kabiyi bianze kukama, kabiyi bianze kujingila ne tshilulu, kabiyi bianze kutekeshibua ne manyi.

Yeshaya 1:6 교차 참조

2 Samuele 14:25

Mu ditunga dijima dia bena Izrayele, kamuvua muntu mukuabu uvua ukemesha bantu bonsu bua buimpe buende, bu Absalome to. Absalome uvua muimpe biangatshile ku dikasa too ne ku mutu. Kavua ne tshilema nansha tshimue pambidi.

Yobe 5:18

Mvidi Mukulu udi mua kusamisha muntu, kadi udi kabidi mua kujikija disama diende. Padiye utapa mputa, amu Yeye nkayende ke udi umondapa.

Misambu 77:2

Ndi ndidila Mvidi Mukulu ne diyi dikole bua dikenga dianyi. Ndi ndidila Mvidi Mukulu bua anteleje.

Yeshaya 30:26

Dituku dikale Maweja-Nangila muele buanga, pa mputa ya bantu bende, muondape mputa yabu ivuaye mubatape, ngondu neakenke bu diba. Bukenke bua diba nebupite bua matuku onsu, misangu muanda mutekete, bu bukenke bua lumingu lujima, bukenka dituku dimue.

Yirmeya 17:9

— Udi mua kumanya muoyi wa muntu nnganyi? Muoyi wende udi usama, kabayi mua kuondapa. Udi udinga bantu, kabayi mua kujingulula.

Yirmeya 30:12

Maweja-Nangila udi wambila Yerushalayime ne: mbakutape bibi! Mputa yebe kabena mua kuyondapa nansha.

Yirmeya 30:15

Udi udila bua makenga audi nawu, bua mputa ivuabu bakutapa bua tshinyi? Ndi mukunyoke nanku, bualu bubi buebe mbunene, mibi yebe nya bungi.

Yirmeya 33:6

Kadi, ndi ngondapa tshimenga etshi, mudibu bondapa muntu ne mputa. Nentshiondape, ntshipesha bukole bua mubidi. Nemfile bupole ne ditalala kudi bantu batshi.

Yirmeya 6:14

Dikenga dia bantu banyi bena Izrayele kadiena ditanda bantu aba to. Badi bamba ne: “Kakuena bualu to, malu onsu adi amu mimpe.” Eku malu onsu mmamane kunyanguka.

Yirmeya 6:7

Badi baleja lonji luabu kabayi bashikila, mudi mpokolu usukumuka mayi. Mu tshimenga atshi, badi bakula anu bua kushipangana ne bua kukengeshangana. Ndi mumone amu makenga ne mputa.

Nahume 3:19

Mbakubutule kashidi, mbakutape mputa wa lubangu. Bantu bonsu badi bumvue muudi mubutuke, badi basanka, bakuma bikashi. Bualu uuvua kuyi mukengeshe, ne tshikisu tshiebe katshiyi tshipungila nnganyi?

Matayi 9:12

Yezu umvua nanku, kubandamuna ne: — Bantu badi ne bukole bua mubidi, kabena bakengela munganga to. Anu badi basama ke badi bamukengela.

Luke 10:34

Kuyaye kudiye. Kuelaye mafuta ne nwinyo mu mputa yende, kusuika. Pashishekumutekaye pa nyama wende, kumufila ku nzubu wa tshilala benyi, bua bamulamemu mu dina diende.