Yeshaya 1:5 - MUKANDA WA MYIDI MUKULU

⁵ Nudi nutungunuka ne buenzayi buenu bua tshinyi? Dinyoka divuabu banunyoke ki ndikumbane anyi? Mutu wenu onsu mmutapike mputa, muoyi wenu wa munda kawena ne bukole.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Bualu kai nutshidi ne bualu bua banukume kabidi, bua nudi nunanukila kutombokela? Mutu wonso udi musame, mutshima wonso udi muhungile.

Yeshaya 1:5 교차 참조

2 Bakalenga 1:13

Musangu muisatu, mukalenga Akaziya kutuma kabidi mulombodi mukuabu ne bena mvita makumi atanu. Kubandabu pa mukuna. Anu bamone Eliya, mulombodi wa bena mvita kutuaye binu panshi, utendakena Eliya, wamba ne: — Muambi wa Mvidi Mukulu, kunshipi, kabidi kushipi bantu aba makumi atanu bandi nabu!

2 Kulondolola 28:22

Nansha Akaze mu dikenga dikole nanku, uvua anu utombokela Maweja-Nangila.

Nehemya 9:34

Kadi bakalenga betu, ne bamfumu betu, batuangaji betu, ne bankambua betu, kabena banemeka mikenji yebe. Bavua babenge meyi ebe, too ne mibelu iuvua ubabela nayi.

Yeshaya 1:23

Bamfumu benu bakadi bantomboji, badi bumvuangana ne bivi. Badi banyisha mabuejila, basue bonsu bua bantu babasankishe. Kabena bakuila bana ba nshiye ku kabadi! Kabena bateleja mukaji mukamba.

Yeshaya 31:6

Nuenu bena Izrayele, pinganayi kudi Maweja-Nangila, unuvua balengulule bikole.

Yeshaya 33:24

Mu Yerushalayime kamuakuikala muntu, udi wamba ne: “Ndi nsama”. Bualu bantu ba mu thimenga atshi, mbamane kubafuila luse bua tshilema tshiabu.

Yeshaya 9:13

Nenku Maweja-Nangila neanyoke bena Izrayele bonsu, bamfumu ne bantu babu, amu dituku dimue, amu mudibu bakose mutu ne mukila.

Yirmeya 13:23

Mubidi wa muena Kushe udi mua kukudimuka anyi? Nansha matoba a tshisumpa ntambue adi mua kukudimuka anyi? To! Nanku nuenu bonsu, nudi bibidile kuenza malu mabi. Ke munudi kanuyi mua kuenza malu mimpe to.

Yirmeya 17:9

— Udi mua kumanya muoyi wa muntu nnganyi? Muoyi wende udi usama, kabayi mua kuondapa. Udi udinga bantu, kabayi mua kujingulula.

Yirmeya 2:30

Meme kununyoka, kadi kabiena binuenzela bualu to. Kanuena bateleja mibelu eyi. Kadi nuenu kushipa bambi benu, bu nyama ya ntambue ya lonji.

Yirmeya 44:15

Bantu balume bonsu, bavua bamanye muvua bakaji babu balambula mvidie ya bantu ba bisamba bikuabu milambu. Bakaji bonsu aba bavua tshisumbu tshinene bunguile muaba awu. Mu tshikosu ke bantu bavua base mu Ejipitu, ne mu Patrose. Kuambilabu muambi Yirmeya ne:

Yirmeya 5:3

Maweja-Nangila, tshidi tshikusankisha ki nnsombelu muimpe wa muntu anyi? Wewe kunyoka bantu bebe, kadi dinyoka adi kadiena dibelesha meji to. Uvua musue kubabutula bonsu, kadi kubengabu mibelu yebe. Bena Yerushalayime mbena tshitunu. Badi babenga kupingana kuudi.

Yirmeya 5:31

Bambi, badi bamba malu mu dina dia mvidie ya tshianana. Batuangaji badi bakeba amu kudisankisha nkayabu. Bantu banyi bena Izrayele badi banyisha bionsu ebi. Kadi, ku nshikidilu nenuenze tshinyi?

Yirmeya 5:5

Ndi musue kuyukila ne bantu baneme. Bobu badi bamanye tshidi Maweja-Nangila musue. Badi bamanye mikenji ya Mvidi Mukulu wabu.” Kadi, bantu bonsu badi amu mushindu umue, kabena batshina kabidi Maweja-Nangila. Badi babenga mikenji ya ndondu ivuabu batue nende.

Yirmeya 9:3

Nanku, muntu yonsu adimukile bantu bakuabu! Kanuena mua kutekemena nansha muanenu to. Bualu udi anu unudinga bu muvua Yakobe muenze. Balunda benu kabidi nebanujane.

Muadi 5:17

Muoyi wetu udi usama munda, mesu etu adi muwule ne binsonji,

Yezekiyele 24:13

Yerushalayime we, udi munyanguke bua malu mabi auvua muenze. Mvua musue kukulengeja, kadi kuvua muanyishe to. Nanku, bua wewe kulengela, anu meme muanji kukunyoka ne tshiji tshianyi tshionsu.

Yezekiyele 34:16

Nenkebe mukoku uvua mujimine, nempingaje mu tshikumbi uvua mupambuke, nensuike buanga pa mputa wa uvua mutapike, nemfululule uvua usama. Kadi nembambishe udi ne mafuta mapite bungi, nansha udi ne bukole bua bungi, bua kauyi kutatshisha mikoku mikuabu. Nendame mikoku yanyi anu bimpe.”

Yezekiyele 34:4

Kadi kanuena bakankamike mikoku idi kayiyi ne bukole, kanuena bondape idi isama, kanuena bele buanga pa mputa ya mikoku idi mitapike. Kanuena bapingaje idi mipambuke munkatshi mua mikuabu, kanuena bakebe idi mijimine, kadi nudi bayikengeshe bikole ne tshikisu.